السلام عليكم جميعاً

كَثُرَ في الآونة الأخيرة اقتناء الحاسب المحمول Laptop و كَثُرَت الطرق المتداولة حول كيفية الحفاظ على البطارية وإطالة عمرها نظراً لارتفاع سعرها نسبياً عند استبدالها بواحدة جديدة, كما أنّ أهيمة الحاسب المحمول تكمن في استخدامه خارج المنزل أو المكتب أكثر من داخله وشحن البطارية شيء أساسي.

فلنرَ مافي جعبتكم, وما هي الطرق الأمثل لإطالة عمر البطارية معاً

و أنا كمان مابعرف كيف..
أنا ع الغالب بشغلو ع البطارية لوحدا لحتى تخلص بقوم بوصلو بالكهربا
هالشي مو زكا مني ها بس قلة مروة لأنو أسهل استخدامو بدون توصيل أشرطة كهربا ...

بطارية اللاب توب متل بطارية الجوال ..... مافينا نقول شو أكتر شي بطول عمرها ... و انما الأكيد و اللي بعرفو هو الشي اللي بقصر عمرها ... و هو انو نحطها ع الشحن و نشيلها من الشحن كل شوي بدون ما تتعبا ع الآخر او شي

بالنسبة الي ما بشغل اللاب توب قبل ما اوصلو ع الكهربا .. و ما بشيلو من الكهربا قبل ما ينطفي ع الآخر ... و بستخدمو عادي وقت اللي بيلزمني بدون ما اوصلو ...

أفضل طريقة وهي مقنعة نوعاً ما:

اذا كان اللابتوب للاستخدام المنزلي : إنو تضل البطارية خارج اللابتوب..
أما استخدامو بشكل متواصل بالكهربا مع وجود البطارية فبقصر عمرها..

كمان طريقة طريقة الشحن والفصل عند اكتمال التعبئة شيء جيد

في شغلة مهمة( يلي بخلو البطارية خارج الابتوب لازم يحطوا البطارية بغلاف لأنها بتتأكسد أحيانا ....

ليل نهار بالكهربا .. وقت بيلزمو كهربا بياخد لحالو حسب حاجته

ووقت بيتنتزع البطارية الله لا يردها منوصله عالكهربا متلو متل العادي وخلص أحسن ما ناكل هم

فــلـك, أندلسية, فارس, أحمد الدالي, Mohammed, ابراهيم محمد,
شكراً إلكم جميعاً لإضافة آرائكم الكريمة و التصويت ... في أكتر من نقطة انذكرت استفدت منها
نقطة مهمة فعلاً ... طريقة الشحن اللي منتبعها بتأثر بشكل كبير. فكرة جديدة ... هلأ أنا بحطها بغلاف دائماً من باب المحافظة على الغرض ... مالي خبر انها ممكن تتأكسد لو اتخزنت بدون تغليف

ابراهيم محمد,
شكراً لردك المفصل


بالنسبة إلي بعتمد كلياً على الكهربا بالبيت ... و لتجنب تأكسد البطارية -بسبب عدم الاستعمال- بشحنها بشكل كامل مرة بالأسبوع و بفصل الشاحن وبستخدم الجهاز بالاعتماد على البطارية فقط لحتى تفضى و توصل لأدنى حد ممكن و برجع بخزنها بغلاف فاضية ... لأن تخزينها و هيي مشحونة كمان بأدي للتأكسد.