مرحبا شباب
أنا هون عم رد على تساؤل من أحد الأعضاء هون ما قدرت رد علية برسالة خاصة كوني عضة جديد :

Hello there .. am open to any inquiry you need in respect to this as far as I know.
As for studying abroad whether in the UK or the US , the very first step you need is to have either the IELTS or the TOFEL certificate then apply to any university in Britain and I can help you what and where to choose for sure.
as for me , yes I had taken an IELTS preparation course before I attended the exam which is varied and somehow professional

I first made a placement test and was directed to an Upper-Intermediate course ( by the way , you need to be directed to an intermediate course at leat if you wanna attend an IELTS preparation course and of course there are 6 intermediate levels ( 1a 2a 3a - 1b 2b 3b )

that's all I can say now

once again .. I do welcome your inquiries

Adam Nahhass

السلام عليكم
أنا طبعاً لا أفكر ب"الدراسة ببريطانيا" لكن استوقفني في موضوعك "امتحان الآيلتس"... فهل اجتزت هذا الامتحان؟ و هل لك أن تحدثنا عنه أكثر ؟
بماذا تنصح من يريد اجتياز الآيلتس و الحصول على نتيجة تفيده فيما بعد أكاديمياً؟

....شكراً سلفاً

اييه اجتزت الامتحان أو بالأحرى ما في اجتياز هون
في علامة من 1 الى 9
و اللي بيجيب تحت ال6.5 ما الو فرصة أبدا بالدراسة بررا لانو ما بيئبلووه بجامعات برا
في جامعات بتطلب 7 و في بيطلب 7.5 بس مو أكتر بس أخو أختو ما بيجيب 7.5
ازن ما في نجاح او رسوب في اللي بيجيب 9 بسموه expert
و هكزا
اون هي عملية تسمية كل علامة ضمن اطار خاص فيها
الامتحان قسمين
1-Academic ( for those interested in pursuing some academic programme
2-General : for those interested in having a good opportunity in the bussiness world

و الاتنين فيهن أربع أقسام :
أستماع : 40 سؤال
قراءة : 3 نصوص علمية و أدبية و عامة ( 2800 كلمة ) و 40 سؤال عليهن مو سهلين بنوب كللو استنتاج خلال ساعة وحدة
3- انشاء : مقالة من 250 كلمة ع الاقل + و صف مخطط بياني ب 15 كلمة ع الأقل) ( ساعة وحدة بس للقسمين

4+ Speaking ( 15 minutes )


امتحان general
أسهل بشوي بس كونو بالكتابي ما في مخطط بياني بدالو في رسالة و النصوص بتيجي أسهل شوي و الاستماع بيجي من محادثات عمل او عامة مو علمية متل الاكاديمي

اجمالا الأيلتي أصعب من التوفل بكتيير رغم اننو اتنيناتن الن نفس النعيار العالمي

اي استفسار آخر أنا جاهز

انا نفس جبت 6.5 بعد الخضوع لدورة تدريبية للامتحان استمرت شهرين بالمركز الثقافي البريطاني

شكرأ ع المعلومات..
أنا بديت بالدراسة ع شكل تيستس و تمارين بكل سكل ع حدة و هيك ..
لحد الآن عم حس حالي كتير ضعيفة
أنت ع شو اعتمدت بدراستك؟ أكيد مو ع المعلومات يلي بالدورة بس مو؟
و شو اسمو الكتاب الدرست منو؟
أنا هلأ عم ادرس من كتاب
" insight into ielts"
شكرا مرة تانية ...هي أول مرة بلائي واحد بسوريا جد عامل الفحص و عندي ياه بشهر 10 ...و كل معلوماتي من النت..

السلام عليكم :

Desperado :

بس ممكن تخبرنا عن الخطوات اللي قمت فيها للتسجيل بل Master ؟

مشكور

........................

Desperado,

حلو .. علامتك 6.5 اذا .. هي بعادلوها بالجامعات البريطانية ب 550 بالتوفل .. و ال 7 بالآيلتس = 600 بالتوفل .. طبعا امتحان الآيلتس متل ما تفضلت أصعب بكتير .. و أنا شخصيا فضلت روح عالتوفل يعني تجيب 600 بالتوفل أسهل بكتير من انك تجيب 7 بالآيلتس ..
آدم حكا عن الآيلتس أنا بدي احكي عن التوفل ..
بالتوفل في 3 امتحانات .. و كتابة مقال صغير ..
بنبلش بالمقال .. علامتو من 6 و ما بتدخل بالعلامة النهائية للتوفل .. بتفيد بس هي العلامة انو الجامعات الي بدنا نتقدم عليها تشوف مستوانا بالكتابة ..
الإمتحان الأول هو الإستماع .. 70 سؤال مقسمة على 3 مراحل .. أول مرحلة أسئلة عن محادثات قصيرة .. عبارة عن حوار صغير بين شخصين بأي مجال كان و الأغلب بالمجال الأكاديمي .. و على كل حوار سؤال واحد .. المرحلة التانية محادثات أطول شوي . و بكون عالمحادثة الوحدة أكتر من سؤال .. و المرحلة التالتة محادثات طويلة و كمان بكون عدة أسئلة على نفس الحوار .. بالتوفل في أربع خيارات لكل سؤال عن محادثة .. بالآيلتس نحنا لازم نكتب الإجابة و مافي خيارات ..
القسم التاني من الإمتحان هو Structure and Written Expression
برأي هاد القسم الأسهل من التوفل .. عبارة عن اختبار قوة الواحد ببنية الجمل الإنكليزية .. يعني عن التوافق بين الفعل و الفاعل .. عن ترتيب الصفات .. مكان الظروف و هكذا .. و هاد القسم من الإمتحان مقسم إلى قسمين .. الأول 15 سؤال عبارة عن جمل ناقصة و بدنا نكمل الفراغ من الخيارات الأربع المتاحة .. و القسم التاني جملة و في أربع خطوط تحت أربع كلمات أو عبارات .. لازم نلاقي مكان الخلل (25) سؤال .. على هاد القسم 25 دقيقة ..

القسم التالت من الإمتحان هو القراءة و الإستيعاب .. 5 نصوص تتراوح بين ال 20 و ال28 سطر لكل نص .. و متنوعة المواضيع .. طبية -هندسية- أدبية الخ .. و 50 سؤال عالنصوص ال 5 .. و هاد أصعب قسم لأنو عليه بس 55 دقيقة .. فكتير بينضغط الواحد بالوقت ..

و هيك بيجمعو علامة الأقسام التلاتة .. بس في طريقة خاصة بالتوفل بحساب العلامات .. بدا شوية شرح .. ما مهمة هلق .. و بتنحسب علامة التوفل الأخيرة .. و جنب العلامة بتنحط علامة المقالة الي كتبناها من 6 ..

بالجامعات البريطانية دايما بيطلبو هيك : 7 بالآيلتس أو 600 بالتوفل .. و في بعض الجامعات النادرة بتطلب 6.5 بالآيلتس و 550 توفل ..

Desperado, شكرا الك انك فتحت الباب ليتنورو العالم

ولو نحنا جاهزين لخدمة الشباب اللي بدن يعرفوا .. و أي استفسار عن الآيلتس أنا جاهز بكل تأكيد


Desperado

Ala Al-Ibrahim,


Desperado,

السلام عليكم
شكرا كتير الكم
و الله انا عم فكر حضر للتوفل ..
بس شو الكتاب اللي بتنصحوني بلش فيه ..؟
في الف الف كتاب بالنت
و ايمت موعد الفحص؟ اذا بدي بلش حضر من هلق مثلاً؟
لأنو بصراحة حابب حضرله لحالي ...

و متا ما قلت يا أدم .. بالأيلتز اخو اخته ما بيجيب 7

أندلسية,

ليش معصبة

Obada Arwany,
والله يا عبادة في مليون كتاب متل ما تفضلت .. بس الإمتحان شامل .. و مافي كتاب معين بفيد أكتر من غيرو .. إلا الكتب الي بتشرح شو هو امتحان التوفل متل كتاب Test Preparation Kit , هاد الكتاب فيه شرح عن كل قسم من الإمتحان .. بالإضافة ل 6 امتحانات كاملة .. و نسب الإجابة الصحيحة لكل سؤال لما انعمل كل واحد من هالإمتحانات .. يعني حلو كتير و بساعدك تقيم مستواك بحق .. رح أعطيك مواعيد الإمتحانات للمرحلة القادمة :

السبت 14 آب 2010
السبت 16 تشرين الأول 2010
السبت 13 تشرين الثاني 2010
السبت 15 كانون الثاني 2011
الجمعة 4 آذار 2011
السبت 7 أيار 2011

طبعا عبادة إمتحان التوفل بدو تسجيل قبل بشهرين .. و بتحتاج صورة خلفية بيضا قياس 5 × 5 و 9 آلاف ليرة
النتيجة بتطلع بعد 8 أسابيع .. بس فيك تعرف النتيجة على التلفون بعد 4 أسابيع إذا بتدفع 1250 ليرة