roro.engl,
تسلمي عزيزتي هاد من ذوقك كلامك صحيح ... بس يمكن للأسف ما عاد هاد الكلام يقنع الناس _ ممكن يقنع الناس المقربين و خاصة الأهل و يكون هاد الشي ربما بدافع محبتن لأبنن _ و قد ما كان الشخص حلو من جوا و لبق بالتعامل مع الآخرين إلا ما يبقى في مكان لذكر الجمال الخارجي و عدمو بالنسبة للشخص المعني أنو تدبل الوردة ممكن , بس وسائل الإنعاش و النضارة و الحيوية الدائمة أنوجدت لحتى ترجع الحياة للورود الدبلانة و لا شو ؟
بعيد عن المزح ... في كتير نساء متقدمات شوي بالعمر , و مع هيك مو باين علين أبداً ... يعني سبحان الله بيطلع الواحد بوجهن و ما بمل من التطليع .. يعني بحس الواحد قديش وجوهن منورة ... و نور رباني ها
عبارة حلوة كتير و على القافية كمان

roro.engl,
نورتي الموضوع بمشاركتك الحلوة و شكراً كتير لألك و يا هلا فيكي

الجمال في عين من يراه ....... أنا بصراحة ما بآمن بهالحكي .....تصوري شخص أو شخصة جمالون ساحر بس فهمون على أدّون
بضل الجمال جمال العقل والروح و المعاملة الحسنة

موضوعك رائع بكل معنى الكلمة سيرين

قيّم ومهم...وحقيقي..وبينبع من صميم واقعنا..."أهمية الجمال للإنسان"

الحقيقة بيشبه كتير موضوع سبق ونزلتو عن جمال الأسماء... وحكيت عن التأثير الإيجابي اللي بيخلقو الإسم الحلو لصاحبو ولأي شخص بيتعامل معو
وتطرقت كمان لنقطة فرص العمل اللي بتتاح لأصحاب الأسماء الجميلة

يمكن في وجه تشابه بين الموضوعين..بس بيبقى شعورنا الضمي أنو أبونا أو أمنا نقولنا اسمنا والله هو اللي عطانا قدرنا من الجمال

ونقطة جداً مهمة... أنو حتى أسمائنا كانت موجودة عاللوح المحفوظ من وقت كنا بعالم الذر.. بس سبحان الله منلاقي مين بلوم أبوه عأسمو بس بمسألة الجمال الناس بتعاتب ربا.

ببساطة رح اكتب رأي مختصر بالموضوع... بس طبعاً حابة كمل النقاش لاحقاً

أنو طبيعتنا البشرية فيا حب للجمال
وما منقدر نقاوم الشعور بالحب تجاه الجميلين
وما منقدر نخفي نفورنا من اللي هني أقل جمالاً

بس مع المعاملة... ومع الوقت...لا يصح إلا الصحيح...وما بتأسر القلوب إلا العقليات الناضجة والنفوس المهذبة والأخلاق العالية

ولكن الجميلين بفوزو بمسألة الإنطباع الأول
وبمسألة الإستهلال الطيب وين ما راحو

الله يهنين..ويهنينا

إذا أردنا أن نحلل كلمة جمال بمعناه الحقيقي فإننا نصل لعدة نتائج..
كلمة جميلة ولا تحتاج إلى تجميل...الجمال هو السحر الذي لا يحتاج إلى إضافة..
ايقاعه يختلف في العين..
الطفولة جميلة ببرائتها ..والرجل جميل بحضوره والمرأة جميلة بأنها مرأة
والحب جميل بالتضحية...
لولا القبيح لما وجدنا الجميل ولولا الجميل لما وجدنا القبيح..
يقال أن الجمال مقيسا من شخص لآخر وهذا صحيح وهذا المقياس هو الكفيل بأن نستمر بالحياة والسري فيها...
نهاية الجمال جمال الروح , وجمال الروح بالقلب الصافي..
وأما عن مسيرة الشعوب في مضوع الجمال فهذا شي لا يمكن السيطرة عليه لذا لن أتحدث عنه ...
ولك مني أجمل تحية

نبال,
كلامك صحيح نبال ... بس و مع هيك سوقن ماشي
شكراً كتير لمرورك و مشاركتك نبال و نورتي

الملاك,
كلامك و رأيك بيسعدني كتير عزيزتي سبحان الله !
يعني شوفي الجمال قديش مجالاتو واسعة , و قديش فينو يكون دافع للنجاح أو الفشل لأصحابو .... هاد ألي صار و ألي عم يصير و ألي احتمال كتير كبير يبقى مستمر استخدامك لكلمة " نفورنا " كتير مناسب لأنو مرتبط كتير بطبيعتنا البشرية ....
هلأ ممكن كتير ينطبق هاد الكلام على الأشخاص ألي ما بكون بينا و بينن تواصل أو خلينا نقول أخد و رد ... يعني بيبقى حكمنا علين من بعبيد لبعيد ....
بس في حال صار نوع من التواصل و تبادل الآراء بظن أنو احتمال كتير كبير تتغير وجهة نظرنا فيما يتعلق بالجمال الداخلي و ألي رح يكون لألو نصيب من احترامنا و تعاطفنا نوعاً ما ... آمين يارب
انبسطت كتير بمشاركتك و تعليقك و بانتظار نشوف باقي تعليقك
نورتي و يا هلا فيكي

أحمد الدالي,
جميل ما كتبت أحمد
"الجمال" ... الملفت للانتباه فعلاً هو الحضور البارز لهي الكلمة بكل مكان و زمان ...
يعني مصطلح مشترك بين كل الثقافات و الشعوب بس بيبقى للجمال خصائص و مقاييس معينة تختلف من ثقافة لأخرى

سعيدة جداً بمشاركتك بالموضوع أحمد
نورت و شكراً كتير لمرورك

نصر الله87,
ما حدا فينا بيقدر ينكر الدور الكبير للانطباع الأول و خاصة بتعاملنا مع أشخاص بيتمتعوا بصفات منحبها و بتجذبنا كتير مشكلة ما بتقتصر عليك وحدك أخي الكريم و إنما بتشمل عدد لا بأس فيه
و بالنهاية المهم بالموضوع كلو أخد العبرة و أنو الواحد يتعلم للأيام الجاي ..
بشكر مرورك الكريم و نورت الموضوع

الحقيقة ان اول مايلفت نظرنا بشخص معين هو صورته وشكلو ومظهره وبالتالي لح يلفت نظرنا بشكل فظيع بس وقت نتعرف على صفات هذا الشخص يمكن نلاقيه هو من ابشع الاشخاص لانو الجمال معاملة اكتر ما يكون مجرد كلمة او احساس بالجمال
بكتير من الاحيان نحنا منقول انو الجمال هو جمال الروح هذا شي صح بس مو كامل يعني انا وقت بتعامل مع شخص ما برأي انو لازم هذا الشخص ان يكون بصورة مقبولة ويكون حسن المظهر حتى انا اقدر انجذب لهي الشخصية واتعامل معها واكتشف جمال الروح يلي عندها وهذا الكلام بيمشي كمان ع مكانجميل ورائع وقت نحنا منشوفوا نظيف اكيد لح يلفت نظرنا لننتبه لجمالو بس لما يكون وسخ نحنا حتى ما لح نتنازل ونطلعفيه حتى . هذه احكام الطبيعة البشرية .بس بالنهاية الجمال شيء نسبي بين الاشخاص يعني ما اراه انا جميل مو شرط انو هو يكون واقعا جميل وان يعجب به كل من حولي.
مشكورة سيرين, دائما تسعديني بمواضيعك الملفتة والرائعة
رعاك الله وحماك و وفقك