الموضوع ما رح يكون سهل برأيي, لن متعودين نعتمد على ايام اللي قبل الإمتحان كتير لو يومين , عدا عن هيك ممكن نضطر نقدم مادتين بيوم واحد...

إذا هالشي رح يقدم صدور النتائج فـ مارح يكون اكتر من اسبوعين, خلينا نصبر احسن ما ننضغط ونضيع بالمواد

والله هو صحيح بصير ضغط كبير علينا بس كمان من ناحية مو سهل انو نقدم بالشوب

وناخد ضربة شمس متل ما صار معي
يعني تقديم الفحص كتيرصعب بالصيف
انا مع وأويد بشدة
الله يعطيك العافية يا مراسلنا النشيط
وصوتت مع

يا اخي هدفن بهالجامعة تحطيم الطالب!!!!
شكرا دكتور
و ان شا الله بيفتح باب النقل لحلب مشان انقل و اخلص
لك عالقليلة عم ياخدو منهاج بريطاني هون

عراسي ياغالي لا شكر على واجب ، عنجد انا متفاجئ كتير بالنتائج لهلأ ، يعني حاسس انو رح يصير الامتحان 15 يوم ، عنجد كتير صعب ، خصوصا انا رح أنزل 6 مواد وكل مادة أسهل من التانية ، فبالحالة هي رح يكون نهار إيه ونهار لأ عندي إمتحان ، بعدين المشكلة الكبرى تكمن انو في السفر ، يعني واحد أيام الامتحان 90% مافي نوم ، فرح يصير فينا وقت نصل عحلب ، رح نقعد نجهز منشان نطلع عحمص لأنو رح تكون مادة بعدها دغري...

على كل حال بقول شغلة وحدة بس " الله يقدم يلي فيو الخير ويسهل علي وعلى كل الطلاب ".

شكرا لمرورك Golden RoSe ، بس انا بتصوري انو حتى لو كانت مدة الامتحان 15 يوم ، هادا الشي مارح يكون الو اي تأثير بظهور النتائج بوقت مبكر ، لأنو الدكاترة ما بيبلشوا بتصحيح الاوراق الخاصة فينا ، حتى يخلصوا تصحيح أوراق الاداب النظامي..
مشرفتنا الغالية شكرا على تفاعلك السريع مع الموضوع ، بس صدقيني إذا المكيفات شغالة والاسئلة سهلة ، مارح يكون الجو شووووووب ، بس إذا العكس ، انا ما بضمن النتائج. ( برأيي انو مالها علاقة موضوع الشوب لأنو الشهر السابع من اولو لأخرو شووووووب " والله يسترنا " وأيام الامتحان هي هي ، بالعكس إذا كان في فراغ بيناتن بيكون أحسن ..)
صدقيني مالنا خبر ، ولا كان نحنا قمنا بالواااجب ، على كل حال - الله يعدي هالسنة على خير -.

انا ضد...
أخ باسل نور الموضوع بمرورك ، انا بأيدك بالفكرة هي ويمكن ماحدا بيخالفك.

الله يختارللك الخير ويوفقك ويسهل أمرك.
البريطاني أكيد رح يكون احسن من المصري بس مو أسهل يعني رح يكون أصعب أكيد. على كل حال الله لا يخجلك.

يعني الدارس مارح تفرق معو بين 15 يوم وبين 30
وبعدا لا تنسلا انو رمضان صاير قريب وهدا الشي الو تاثير
ومشان النتائج انو تطلع بسرعة ههه
هدي بصدقها
ما اخر مادتا قدمتها ب 28 شباط كانت طالعة ب 13 آذار كيف لحقت ما بعرف؟؟؟؟؟؟
بقى انا مع وبشدة

كلامك مزبوط ولا غبار عليه ، بس صدقيني - كل تأخيرة فيها خيرة - وفي السرعة الندامة وفي التأني السلامة - الخخخخ..... فليش العجلة يا ستي ..
وينك وووين رمضان مارح يبلش رمضان ل 10-8 تقريبا.. منلحق منطبخ أكلات طيبة. وبكير عالمونة من هلأ..
أنا ضد وبشدة الشدة.

ضد وبشدة !!!

هلق تخيلوا لو واحد طلع لو مادتين في نفس اليوم ، كيف بده يلحق ليلحق ؟

كمان في كتير ناس مان متفرغين للدراسة وخصوصا الشباب مو البنات - وأنا واحد منن - وحاليا الفصل الأخير للسنة الرابعة ....

تخيل انت جاي من حلب امتحانك صار الفترة الأولى الساعة 8:30 ، يعني لازم تكون في حمص الساعة 8:00
على هيك لازم تاخد باص الساعة 5 الصبح لأنه القطار ما راح يلحق ، معناها بدك تطلع من بيتك الساعة 4:00 وش الصبح عشان تشوف لك تاكسي ابن حلال يوافق ياخدك على المحطة في آخر ما عمر الله عداد بعدادين، هادا اذا شفت !!!!!

لسه اذا بدك تجي من الجزيرة أو محافظة هديك النواحي، بدك تقعد في حمص 15 يوم ورا بعض اشرف لك

يعني شي ماله معنى ، طيب ليش بس بدي افهم ؟؟؟

يعني ضل طريقة يصعبوا فيها علينا الدراسة وما سووها لحد هلق ؟؟؟

شو كان في ضرر طول هالسنين هلق من انه الامتحان على مدى شهر قاموا يعدلوه ؟ ولا عشان الموظفين حضرتن يخلصوا منا ويرتاحوا ؟؟

والله كأنه ما عمنحط 3000 على المادة ، كل ما منروح كل واحد بيعذبنا شكل، الله يخلصنا على خير بقه والله يعين الي لسه ضايل له كتير !!!!

أنا بتمنى يبقى المدة 30 يوم لانو بهل اليومين الي قبل المادة عمندرس اكتر ومنعتمد عليهم والا نقدم مادتين بنفس اليوم أحسن برأيكم 30 يوم أحسن