يا جماعة عندي موقف و بدي الحل .....

هي بأول السنة بديت درس بمدرسة و بعد فترة قصيرة صار تتش زغير بيني و بين المدير ... فقررت اترك المدرسة لاني ما تحملت الموقف .. كانت معي بالمدرسة معلمة يعني شي أد امي ( وانا وثقت فيها ..للأسف) هي ما أثرت عليي و لا ع مواقفي بأي شي بس انا كنت صدقا شو ما تحكي ... المهم تخيلوا انو بعد ما تركت المدرسة اتصلت فيي انو عاساس مدايقة عل صار معي و من هالحكي و البنات اللي كنت درسن كانت هي تدرسن ... (كانوا البنات و بعض اولياء الامور يتصلوا فيني و بدن ارجع .... بس انا طبعا رفضت هالشي , فقرروا البنات انو يحكوا مع المدير مشان ارجع ...طبعا هاد الشي ماصار لانو الادارة سبقت عليهن و اعتزرت من اللي صار ) بس يا جماعة مو هون المفاجأة ... اللي صدمني انو هي المعلمة كانت تقول للبنات انو معلمتكن تركت من شانكن و ما بتحبكن و من هالحكي (مشان هيك البنات كانوا يتصلوا و يعتزروا ) و انا انكرت هالشي هاد ... و الغريب اكتر انو انا ما دريت من البنات انو هي عم تقول هالحكي ..لاء دريت منها هيي بتفاجئ انها عم تبررلي ليش حكت للطالبات هيك و فوق كل هاد حاولت توصللي انها صاحبت الفضل باعتذار الادارة إلي ... طبعا بعد هاد كله انا ما عاد حب حتى طلع فيها ... كتيير استصغرتا ع هالموقف !!! و حتى السلام ما عاد حب سلم عليها و هي حاسة بهالشي ... و احيانا بتجي بدا تخفف دم عليي و انا ما بطيق طلع فيها ... بقا شو الحل مع هيك انسانة ما بعرف ؟؟؟

يا hidding rose موقف المعلمة بنم عن الغيرة من نجاحك ومن محبة الطلاب الك انا براي تجاهليها متل ما عم تعملي حتى تحس على دمها انو هي غلطانة
وانا صار معي موقف انو زوجي ما عايد والدتي بعيد الام وامه ميتة من زمان وكمان عايد عمتو واختو وزعلت انو ما عايد والدتي وهاي تاني مرة بتصير وقت كنا مخطوبين ما عايدها وانا ستحيت اسالو ليش هيك عمل رغم انو كتير صحبة مع والدتي وهوي كتير مذوق بهيك مواقف وانا ما بدي الو عايد الماما بدي اياها تطلع منو لحاله,بس مستغربة من هل التصرف عنجدليش ما عم افهم وخجلانة اسالو شو بتنصحوني؟؟؟؟؟؟؟؟؟؟؟؟؟

يا hidding rose موقف المعلمة بنم عن الغيرة من نجاحك ومن محبة الطلاب الك انا براي تجاهليها متل ما عم تعملي حتى تحس على دمها انو هي غلطانة
وانا صار معي موقف انو زوجي ما عايد والدتي بعيد الام وامه ميتة من زمان وكمان عايد عمتو واختو وزعلت انو ما عايد والدتي وهاي تاني مرة بتصير وقت كنا مخطوبين ما عايدها وانا ستحيت اسالو ليش هيك عمل رغم انو كتير صحبة مع والدتي وهوي كتير مذوق بهيك مواقف وانا ما بدي الو عايد الماما بدي اياها تطلع منو لحاله,بس مستغربة من هل التصرف عنجدليش ما عم افهم وخجلانة اسالو شو بتنصحوني؟؟؟؟؟؟؟؟؟؟؟؟؟

اوركيدا مرحبا
صار فيك متل اغنية والقمحة عند الطحان والطحان مدري وين (عكل حال انا ماني حافظ الاغنية)
مابعرف موقف صعب ومحلك بعصب كتير بس مافي حل الا انو تلحقي الدفتر قبل مايضيع وتعتذري من رفيقتك وتشرحيلا الموقف
وتعمليلا بهدلة مرتبة لرفيقتك المهملة هاد احسن شي

hidding rose مرحبا
موقف محير
بس والله احسن شي انو اعتذروا منك ورجعتي
وبالنسبة للمعلمة منيح اللي كشفتيا على حقيقتا بقا خلص صيري عامليا بشكل رسمي وحسسيها انو انت عرفتي
هاد احسن شي

اما هاد الموقف نتركه للجنس اللطيف لانه اقدر على حل هكذا نوع من المشاكل
بس معك حق تزعلي
والى اللقاء مع مواقف جديدة

Wissamo,
عدت والعود مسعودو ورح بلش بمشكلتك (قصدي دبقتك ) , انا اكتشفت من تجاربي مع الدبقات انو دواهن التطنيش والوقت يعني بدي اتبلش اتطنشو شوي واتورجي انك مشغول ومانك فاضي عطول ومعو معو الا ما يحس ويخفف عنك , هلئ انا بزمانو اتعرضت لدبقا كان عندي صديقة مصرة انو نطلع سوا و نروح سوا عكل محل حتى بالجامعة ازا عندا مشوار (عالمكتبة ...عالنفق ....)لازم تاخدني معها وعلئ مبدأ المحبة والأملية بس بالآخر ما عاد اققدر اتحمل وواجهتا بالموضوع وقلتلا انها عم اتدايقني لما بتدبقني (طبعا بطريقة لبقة ) وفعلا لهلأتنا رفقات بس صارو الكل بعد هالقصة يحسبو حساب ,يعني في فرق بين الاخوة والصحوبية وعمل الخير ,وبين الدبقة يعني الصداقة ما لازم تتعدى الخصوصية و ما لازم الصديق يخليك تخدمو على حساب وقتك وحريتك و جهدك

أوركيدا,
هلئ انتي هيك دايما مشكلجيي ما عم نلحق بحل مشاكلك يا زلمية
تعي للجد ,أنا لو محلك ,اممممممم,يمكن كنت عصبت فعلا ....بس أهم شي هلئ انك اتحصلي الدفتر ....,حتى ذكرتيني الي رفقات عاطيتن كتب باعتباري سابقتن دراسيا . الكتب من 4 سنين عندن وفي منن سنتين وتلاتة , وكمان اكتشفت انو ما حدا محافظ عليهن ولهلئ ما رجعوهن فقررت انو ما عاد عير كتاب او دفتر لحدا لو على موتي , لانو هاي امانة و عنجد قليل الي بيقدر الامانة هالايام ...
Hidding Rose,
والله موقفك صعب كتير , بس ما شايفة في مشكلة بدها حل ,يعني انتي بس اتحاشيها بتنحل المسألة....و الله الموفق
naya,
انا برايي يا عزيزتي انو ما في داعي للخجل من جوزك لهالدرجة , يعني قوليلو انو يعايد امك احسن ما يروح العيد ويصير حساسية بينو وبين والدتك , يعني ذكريه مشان تتحاشي اي حساسية وانشالله الله يديم الوفق بينك وبينو وبين والدتك

شو وينكم ليش ما عاد حدا سجل موقف طيب انا راح سجل موقف
يا جماعة في ناس هيك الله خالقها دمها ثقيل شو ما عملت بتطلع غليظة من فترة رحنا لعند ناس قرابينا بس موهديك القربة القوية كتير انو بنشوفهم من فترة لفترة بنجي زيارات المهم رحنا لعندهم زيارة والمسافة بين مدينتا ومدينتهم شي ساعة ونصف بالسيارة المهم اتاخرنا شوي بالزيارة للساعة 12 لانورحنا متاخرين لعندهم ما وصلنا للساعة 7 وذلك بسبب انو ما عرفوا يدلونا على بيتهم ونحنا ساعة عم ندور على البيت متل لي مضيع حاله عنجد شي بضحك وبدنا نقوم نروح على بيتنا بس الجماعة حلفو علينا إلا نام عندهم واخدو مفتاح السيارة وما خلونا نروح انا انزعجت كتير انو لشو هل النومة لي يبلا طعمة وانا ما كتير بحبهم لهل الجماعة انو زيارة كم ساعة وخلص ليش للنوم وبدنانفيق تاني يوم ونروح على البيت من الصبح وبيتهم صغير كلو غرفتين نوم ونحنا كان عددنا كبير 4 اشخاص غير هي وجوزها وكمان عزمت امها واختها ينامو عندها بنفس الوقت انو اي كيف بدنا نام فوق بعض نامو الرجال بالصالون والنساء بغرف النوم وعنجد يومتها ما نمت غير ساعة وحدة من كتر ما ني متوترة وانا من النوع لي بيقرف كتير وما كنت جايبة بيجامة عطتني هي بجامة اخ عنجد يوم اسود متل مابيقولوا المهم مضى اليوم وخلصنا منه ومن الكابوس
والظريف انو هل المخلوقة اتصلت في مبارح عم تطمن على الطقس عنا قلتلها انو في غبرة كتير وما بيتقعد بالجنينة عنا بنوب قالت يهيه كنا والله ضابين غراضنا بدنا نجي لعندكم وانا وقتها صفريت وقلت لحالي انو شو يعني بدها تجي تنامي ونحنا من اسبوع شفتاها ما لحقنا نشتقلهابس المهم انو كان الطقس سيئ ولغت الجية لعنا بس وقالت انو بركي الجمعة الجاي بنجي لعندكم وانا راح جن انو بدها تجي وتنام عنا يا الله انو ليش حاببتنا هل المخلوقة مو عارفة وما بدي اياها تنام عنا لانو بدي قوم عزل من وراها وراء اولادها وما بنسجم معها ابدا وما بحبها كيف بدي اتصرف مو عارفة مهعا بدي فهمها انو لابحب حدا ينام عندي ولا انا نام عند حدا خصوصا اذا هل الناس ما بحبهم ومافي هل الخلطة الزيادة

شو وينكم ليش ما عاد حدا سجل موقف طيب انا راح سجل موقف
يا جماعة في ناس هيك الله خالقها دمها ثقيل شو ما عملت بتطلع غليظة من فترة رحنا لعند ناس قرابينا بس موهديك القربة القوية كتير انو بنشوفهم من فترة لفترة بنجي زيارات المهم رحنا لعندهم زيارة والمسافة بين مدينتا ومدينتهم شي ساعة ونصف بالسيارة المهم اتاخرنا شوي بالزيارة للساعة 12 لانورحنا متاخرين لعندهم ما وصلنا للساعة 7 وذلك بسبب انو ما عرفوا يدلونا على بيتهم ونحنا ساعة عم ندور على البيت متل لي مضيع حاله عنجد شي بضحك وبدنا نقوم نروح على بيتنا بس الجماعة حلفو علينا إلا نام عندهم واخدو مفتاح السيارة وما خلونا نروح انا انزعجت كتير انو لشو هل النومة لي يبلا طعمة وانا ما كتير بحبهم لهل الجماعة انو زيارة كم ساعة وخلص ليش للنوم وبدنانفيق تاني يوم ونروح على البيت من الصبح وبيتهم صغير كلو غرفتين نوم ونحنا كان عددنا كبير 4 اشخاص غير هي وجوزها وكمان عزمت امها واختها ينامو عندها بنفس الوقت انو اي كيف بدنا نام فوق بعض نامو الرجال بالصالون والنساء بغرف النوم وعنجد يومتها ما نمت غير ساعة وحدة من كتر ما ني متوترة وانا من النوع لي بيقرف كتير وما كنت جايبة بيجامة عطتني هي بجامة اخ عنجد يوم اسود متل مابيقولوا المهم مضى اليوم وخلصنا منه ومن الكابوس
والظريف انو هل المخلوقة اتصلت في مبارح عم تطمن على الطقس عنا قلتلها انو في غبرة كتير وما بيتقعد بالجنينة عنا بنوب قالت يهيه كنا والله ضابين غراضنا بدنا نجي لعندكم وانا وقتها صفريت وقلت لحالي انو شو يعني بدها تجي تنامي ونحنا من اسبوع شفتاها ما لحقنا نشتقلهابس المهم انو كان الطقس سيئ ولغت الجية لعنا بس وقالت انو بركي الجمعة الجاي بنجي لعندكم وانا راح جن انو بدها تجي وتنام عنا يا الله انو ليش حاببتنا هل المخلوقة مو عارفة وما بدي اياها تنام عنا لانو بدي قوم عزل من وراها وراء اولادها وما بنسجم معها ابدا وما بحبها كيف بدي اتصرف مو عارفة مهعا بدي فهمها انو لابحب حدا ينام عندي ولا انا نام عند حدا خصوصا اذا هل الناس ما بحبهم ومافي هل الخلطة الزيادة