لك شو وين العالم؟
الكل عم يدرس
باعتبار ما حدا دخل وشارك رح حط موقف جديد
هلق هاد الموقف تقريبا صاير مع الكل

طبعا كلكن بتعرفو هدول الأولاد الصغار المساكين اللي بيجوبو الجامعة والشوارع معون علكة أو بسكويت أو غيرو
هلق مرة أنا كنت قاعد مع رفقاتي وإجا ولد ودبقنا.......وأنا بصراحة هدول الأولاد بيقطعولي قلبي.....ما بقدر اتحمل المنظر
بقا أعطيتو مصاري وقلتلو روح حبيبي ما بدنا شي....فام فرح
بعد شوي بلاقي كل رفقاتو صارو عندي
شو بعمل بهالحالة؟.........أنا وقتا صرفتون وتناشفت شوي غصب عني......قمنا أكلنا مسبة
بقا إنتو شو موقفكو من هالحالة؟

Wissamo, أزدك رفئاتوو للولد مو؟؟
هنن عنجد بأطعو الألب بس كمان مابيخلصو هالولاد..تأول نبع!!!
والله يمكن أعمل متلك..مافي حل تاني..لأنو مابيخلصوو..واحد رايح وواحد جاية وكل واحد بوزع شغلة

هلأ أول موقف قريتو هو موقف صفاء
ومع أنك تداركتي موقفك بالصمت وانحلت المشكلة بصمتك....بس كان في كلمة وحدة بتقدري تقوليا لكل شخص بحكيكي
البنت اللي قالتك ترملتي...قوليلا "ترملت بقدر ما أنتي ترملتي "
الصمت حل للمواقف العاطفية....وحل وقت بيعجز الكلام...وبكون غير معبر
بس بهالحالة الكلام عندو القدرة عالتعبير...والناس لازم تميز الصح من الغلط بدال ما تسكت تعاطفاً
والله وحصل الخير...القصة إلا سنة

تاني موقف كأنو كان لتيماء بس كأنو طاير ..لولا أنو وسام ناسخو ما كنت عرفت شو القصة
عالعموم بهالحالة الأفضل تضلي على موقفك...وتثبتي على كلامك الشروي والغروي لأنو لو تراجعتي ضعيفة وجبانة والكلام طلع وطلع
بس فيكي تضيفي كلمة "مع احترامي" لحتى ما حدا يعلق على ذوقك
عموماً
وبجميع الأحوال.... معلش نحكي عالداكاترة ونقيمن ونعطي رأينا فين...بس حرام نغتابن..بقا خلي هالشروي غروي فيما يرضي الله..وهيك محدا إلو معنا حكي


تالت موقف لوسامو ...ولأ مانا غاطين بالدراسة...بس غرقنا بالتلج

رح قلك شغلة...لقبل شهر وأنا إذا بشوف ولد عم يشحد بركض وراه وبعطيه مصاري
وما بس بقطعولي قلبي...والله بحسب بيوم ربي يختبرني بمالي...واحتاج الناس..ومتل ما هلأ عم اعطف علين الله بيبعتلي مين يعطف عليي يعني هي طريقة تفكيري

بس من شي شهر صارت شغلة مع أختي أوركيدا يمكن هيي لازم تحكيلكن اياها
كانت قاعدة مع خالتي بحديقة وفي شية ولاد عم يلعبوا وينطوا حوالي أمن ومنظرن بتياب فقيرة
اجو شلة شباب قعدوا على كرسي قبالن..البنت فجأة صارت تعرج وخطي تمشي بطريقة بتقطع القلب وحالتا بتبكي...وماشية باتجاه الشباب ومادة ايدا
عطوا مصاري
لك الصدمة...أنو رجعت عم تمشي عادي
وهيك عينك عينك يعني ....بقا صارت ردة علي انو ما بعطين...واللي ببيع شي بشتري منو "نادراً"
عموماً لو نبعت أنت رفوض...لأنن بجميع الأحوال بيتقاسمو الغلة...وبكونو تابعين لمعلم واحد

الملاك,
إيه هيك هه من زمان
رجع نوّر الموضوع

تعليقا على آخر شي قلتيه:
المشكلة إنو الواحد ما عاد يعرف الصادق من الكاذب فيون
مع ذلك رح نحاول نساعد انشالله

هلئ انا بدي اطرح موقف صار معي ويمكن صاير مع كتير عالم وكتير عالم رح يتعرضولو
الموقف هوي مقابلة العمل طبعا دايما مدير او مديرة العمل الي بيعمل المقابلة بسألو عن الخبرة عند الشخص و طبعا بيختبرو معلوماتك وكفاءتك
السؤال شو أنسب طريقة لانو الواحد ما يتلبك وما يتلعثم بالكلام ,لانو موقف صعب نوعا ما
هلئ أنا طريقتي لأتجنب هالنوع من التلبك هوي انو بحاول اني اعمل مقابلة مع نفسي عالمراي قبل بيوم (يعني اتدرب على مقابلة العمل)وهالشي ما جايبتو من عندي أنا قاريتو من كتاب لتنمية مهارات المعاملة مع الآخرين وهالشي بيخليكن واثقين من حالكن اكتر
وهلئ اعطوني آراءكن

Safa alaasi,
هلق بصراحة أنا بالنسبة إلي ما تعرضت لهيك موقف
بس بتوقع إنو الهدوء قبل المقابلة شي كتير مهم.....كمان الاقتراح اللي قلتيه مهم لأنو الواحد عالقليلة بيكون متوقعلو كم سؤال من اللي رح ينسألون
بدنا أصحاب الخبرة يفيدونا بهالموقف

وهلق يا جماعة بدنا يرجع الموضوع يشتغل انشالله بعد ما خلصت الفحوص

ورح نطج موقف جديد.....من وحي الفحص
إنتي طالب قاعد بقاعتك الامتحانية وعم تستنى الأسئلة.....وعم تحكي مع حالك وعم تدعي وتقول يا رب تكون الأسئلة سهلة...وأدعية قبل الفحص...بيجي المراقب وبكل بساطة بقلك شو عم تعمل؟.....مع مين عم تحكي بشي جوال ......بدي فتشك
بقا شو بتعملو بهالحالة؟؟؟؟؟؟؟؟؟؟؟
خلوها لربكن ما بدي احكي شو صار

أخ وسامو إا بتسمحولي اتدخل
القانون بالجامعة بيقول:
ماحدا بيحقللو يفتشك أبداً بالفحص ولا حتى العميد
بس مرة صارت معي أثناء الفحص السنة الماضية
وأنا عم قدم وبحكي مع حالي بقلبي بس شفايفي عم يتحركو وما في صوت أبداً اجا قرب المراقب علي أنا ضليت عحالي ما غيرت شي لأنو اجا
قاللي شو عم تساوي معك سماعة شي؟ ( طبعاً بجلافة )
قلتلو لأ قاللي قوم بدي فتشك
أنا ( ولأني ما معي شي ) قلتللو ليش حضرتك مانك قاري القانون تبع الجامعة...
وصار نقاش كبير بيني وبينو.. وطبعاًبالأخير ذكرتو أنو ممنوع المراقب يفتش الطالب
وذكرتو وين مكتوب هالشي كمان.
ما خليتو يفتشني عأساس أنو بعد ما يخلص الفحص نطلع أنا وياه لعند العميد والعميد هوي يفتشني وهيك صار والله
بس شو حط دابو من دابي وقف جنبي وما تحرك لآخر الفحص.
مشان هيك خليه يفتشك واخلاص وبلا زلومية متلي أنا.

انا مابسمحلو يفتشني
حتى اذا بيفصلني من الجامعة
مو زلومية لاء (لان جيبي مليان راشيتات)