الطيبة ضعف ام غباء أم .........؟


الانسان الطيب اذا مو كلنا البعض بيستغلو يقينا منو انو ما رح يرفضلنا ولا اي طلب



دايما لازم يعطينا بلا ما نعطيه ونكون انانين تجاهو


فنحنا بنوقف لحظة سؤال بينا وبين حالنا رح نقول لنفسنا هاد الشخص طيب وغبي وشو ما منطلب منو بلبينا


احيانا البعض بشوف انو الطيبة رمز للضعف


هلق سؤال للاعضاء الطيبة بالنسبة لالك شو؟


تفضلو لنشوف رايكن

السلام عليكم :

الطيبة هي الطيبة

بس في اوقات متل ما ذكرت قد يستغل البعض طيبة الآخرين

بس بئى هون الشخص الطيب المفروض منه يعرف كيف يتصرف معهم , او بالاحرى ما كتير يختلط فيهم , خاصة اذا الشغلة بتخرج للانانية و الاستغلال .

الطيبة بتتحول للسذاجة اذا هالشخص الطيب بيقبل اي شي بينطلب منو حتى وان كان عحساب مصلحتو او بيلبي من دون ما يفكر اذا هالشي ضروري او لا , منيح او مو منيح , بيناسب او ما بيناسب .

و الله اعلم .

..............

حكيك مزبوط
بس أنا رأيي انو الطيبة الها حدود و ظروف يعني اذا الشخص كان كتييييييييييييييير طيب بجميع الاحوال والظروف والمواقف ف بعض الناس أكيد رح يعتبر هاي ضعف أو غباء مع انو هي ممكن تكون العكس
وأنا عندي رأيي الخاص بخصوص هالموضوع
انو اذا كنا نحنا هالشخص الطيب ف لازم نعرف كيف نتصرف مع العالم ونحط حدود لهالطيبة لأنو مو كل الاشخاص رح يعتبروها طيبة
اما اذا كان في حدى بنعرفو عندو طيبة ف لازم نعرف كيف نتعامل معو بحيث انو مانستغل هالطيبة و ما نخسر هالشخص لأنو الطيبين صاروا قلال كتيييييييييير بهالزمن
تقبلي مروري

فعلا معك حق ........ انا شخصيا عم عاني من هالموضوع كتير
بس بظن انو الطيبة اقرب للضعف من الغباء والافضل انو الانسان بهادا الزمان ما يكون طيب ابدا لانو الناس بستغل هالطيبة وبتفكرها غباء مو طيبة
roro.angl
شكرا الك ع موضوعك الحلو

Portia,
يا ريت الكل يفكروا هيك لانو في لانو في كتير عالم ضميرا ضعيف وما بتحترم هالطبع المسالم

وهون بيطلع سؤال تاني انو يا ترى بيمشي حالو الانسان الطيب يعيش بهيك زمن
واذا بدو يكون طيب بدو يكون حذر



وهون بقا لازم يطلع شي ملاك من السما ينصحو ويحميه من غيرو


وبنكتشف بهي النقطة نوعين للانسان الطيب الانسان الطيب الغبي يلي بيستغلوه الكل
والانسان الطيب الذكي يلي بيعرف مين بيحبو وبيحترم طيبتو ومين لا

the sweet,
يسلم تمك يا رب وهادا يلي قصدت فيه بالانسان الذكي





R.angel,
اسمك قريب على اسمي شوي وهي نقطة مشتركة
وانا متلك تماما وهي نقطة تانية مشتركة كلامك صحيح وفعلا الكل بيفكروها غباء والواحد فيه يكون طيب بهلزمن بس يكون حذر بس اذا كان طيب وغبي هون عالدنيا السلام



بس في شغلة حلوة انو لما الواحد يكون طيب بكونو يلي بيحبوه كتار صح ولا شو؟
هلا
حبيبتي نورتي

والنقاش لا زال قائم لانو بيهمني وبحب اعرف ارائكم

تحياتي

هلق لحظة لحظة مع احترامي الكبير للجميع بس لا تخلطولي عباس بدباس

بالنسبة الي الموضوع كالتالي :

الطيبة هي ما يميزنا عن الكائنات الاخرى و انا شخصيا طيب القلب مع الجميع
لكن بإمكان الشخص الطيب القلب ان يكون قويا و ذكيا و لا علاقة لطيبة القلب بالضعف او القوة لان القوة و الضعف هما من العقل وفهم الحياة بشكل مناسب و واقعي و اما الطيبة فهي من القلب و الله خلق العقل ليسيطر على تصرفات الانسان الناتجة عن القلب متل العاطفة مثلا ............

يعني لما شخص بدو شي مني اكيد رح ساعدو اذا طلع بإيدي بس اذا كان بهدف المصلحة و الاستغلال اكيد ما رح ساعدو

و عدم مساعدتي الو ما بيعني انو ما عندي طيبة و لكن عندي عقل يرفض الاستغلال

و مساعدتي الو كمان ما بتعني اني ضعيف او غبي ولكن حسب الظروف و الاستثناءات

تقبلو مروري يا غوالي و لكم مني احلى تحييييية

nedalo

قلك سيرين انا بعاني من هالمشكلة او كنت شوفها مشكلة ب
س هي بصراحة ميزة افتقدها الكثيرين
لما انصدمت بالعالم الي حوالي صرت عامل الناس بالمثل يعني الطيب معي بكون متلو والعكس الصحيح
بس هلاء لقيت انو عامل الكل بالطيبة نفسها
لانو بالنهاية انتي عم تعملي الك مو لغيرك

فالطيبة ليست غباء ولا ضعف بل هي أسمى شيء بالإنسان
وهي جوهر الانسان وقوته ومع ذلك لكن بهالزمان لا تجدي نفعا أحيانا

قلك سيرين انا بعاني من هالمشكلة
أو كنت شوفها مشكلة بس
هي بصراحة ميزة افتقدها الكثيرين
لما انصدمت بالعالم الي حوالي صرت عامل الناس بالمثل يعني
الطيب معي بكون متلو والعكس الصحيح
بس هلاء لقيت انو عامل الكل بالطيبة نفسها
لانو بالنهاية انتي عم تعملي الك مو لغيرك

فالطيبة ليست غباء ولا ضعف بل هي أسمى شيء بالإنسان
وهي جوهر الانسان وقوته ومع ذلك لكن بهالزمان لا تجدي نفعا أحيانا
سيرين

شكرا شكرا انسة يارا

nedalo