جلسْنَ يتبادلْنَ أطراف الحديث و سرعان ما اشتد النقاش و بلغ ذروته عندما وقفت إحداهنَّ و بدأت حديثها بالقول :
" أنا من أشد المشجعين على أن يسكن الزوج و زوجته و لا سيما في السنة الأولى من زواجهما في بيت أهله لكي تتعلم الزوجة من أهل الزوج ما اعتادوا عليه في تصرفاتهم و أكلهم و غير ذلك .." .
و برزت الأخرى مبتسمة و نطقت بالتالي :
" ليس أجمل من أن تشاطر الزوجة أهل زوجها في مسكنهم و لا سيما عند وجود الأطفال حيث يصبح وجود أهل الزوج غاية في الأهمية بالنسبة للزوجة و لا سيما إذا كانت امرأة عاملة .." .
و بين هذه و تلك قالت الثالثة :
" أتشاجر مع زوجي كثيراً حول الكثير من الأمور , و لكني أشكر الله على وجود أهل زوجي بجانبي حيث يعملون على الإصلاح بيننا و إرشادنا إلى كل ما من شأنه أن يجعل حياتنا تسير على خير ما يرام .." .

شكرا سيرين عالموضوع في الحقيقه أنا لست مع سكن الزوجه في بيت اهل زوجها لان ذلك سيودي الى نشوب مشاكل عده طبعا وكما نعلم بين حماتها واذا كان في بنات في البيت بدو تصير مشاكل أكبر يعني برأيي يستاجر الشب بيت ومايسكن أبدا بعدين مرتو بدا تاخد حريتا يعني أذا بدو يريح راسو يبعد

موضوع ملفت ومميز..إن الحوار الذي دار في هذا الموضوع قليل مانسمعه..وبرأيي أن الاستقلال عن أهل الزوج هو أفضل وذلك يريح كلا الطرفين( الزوجين من جهة) و (أهل الزوج من جهة ثانية)..ولابأس في يساعد أهل الزوج ابنهم وزوجته في تربية الأولاد ولاسيما إذا كانت الزوجة عاملةو لاضرورة حين ذلك أن يكون السكن مشترك بل تستطيع أن تأتي بطفلها إليهم عندما تذهب إلى عملها..وهذا مانراه كثيرا في واقع حياتنا..وإن للسكن مع أهل الزوج مساوئ كثيرة حسب رأيي الشخصي وذلك مثلما ذكر الأخ (حلواني) فالزوجة لن تأخذ كامل حريتها في بيت أهل زوجها وخاصة إن كان لديه إخوة بغض النظر بنات ام شباب وأيضا الاحتكاك اليومي بين الزوجة ووالدة زوجها سيولد مشاكل كبيرة سيكون الزوجين بغنى عنها لو عاشا مستقلين..

حلواني,
شكراً كتير لمشاركتك أخ فادي و رأيك بمثل رأي نسبة لا بأس بها من الناس ...
سعيدة بمتابعتك المستمرة و نورت

يارا العلي,

شكراً كتير لكلماتك الحلوة و لمشاركتك معنا بالموضوع يارا وجودك بيسعدني أكيد طبعاً هاد الشائع بين الناس و المتعارف عليه ... بس ما بدنا ننسى أنو مو كل أصابعنا متل بعض .. يعني في زوجات رائعات بتعاملن و بكلماتن و بالمقابل في أمهات كمان رائعات بكل معنى الكلمة ...
بتشكر مرورك من جديد يارا و نورتي

أنس الدالي,
أول شي بدي أشكرك على كلماتك الحلوة و وجودك معنا و متابعتك الدائمة لكل جديد
و تاني شي ... ذكرت نقطة كتير حساسة أخ أنس و هي : فعلاً هاد الشي ألي عم يصير مع أغلب الشباب ... يعني الغالبية بفضلو يأمنو حياتن و مستقبلن و بعدين بفكرو بالزواج ...
و بالنهاية أي خطوة رح يخطيها الشب أكيد رح تكون نتيجة للظروف المحيطة .. يعني إذا كان رح يسكن مع أهلو أو لأ , أو إذا كان رح يستقل بيت لحالو ..
دائماً منور أخ أنس و بيسعدني تواجدك المستمر

أنا ضد انو تسكن الزوجة مع اهل زوجها وخاصة بهالزمن لانو ما عاد حدا تحمل حدا فكيف كنة وحماية وبعدين صاير اول شرط بتشترطو البنت هلأ انو تكون ببيت لحالها
ما بعرف أنا هيك بشوف
سيرين
شكرا الك ع هالموضوع

R.angel

شكراً كتير على مشاركتك و رأيك عزيزتي و الحقيقة هاد ألي عم يصير بوقتنا ...
نورتي الموضوع و سعيدة كتير بمشاركتك 1* 1*