مرحبا زملاء..أنا بوجه سؤالي للزملاء اللي قدموا مادة الدراسات ودرسوها كويس..أنا حذفتها بالفصل الأول لأني خفت منها كتير وهلق عم فكر بلش دراستها لأنها بدا وقت كتيرفممكن تساعدوني وتقلولي كيف ابدأ؟؟ عن جد ماعم بعرف كيف بدي بلش وخايفة منها كتير وشكرا إلكن وبتمنى تعطوني طريقة لتلخيصها وفهمها

يارا العلي,
بالنسبة لمادة الدراسات النحوية
مكتبة وضاح منزلة ملخص للمادة كلا بآخر محاضرتين من كل قسم
والطلاب بالفصل الأول درسو بس الملخص وعم يقولو كافي ووافي
موفقة

كيفك زميلتي انا قدمتها هذا الفصل وانا كمان كنت خايف منها ونزلت محاضرات اولا بالمكتبة وهذه المحاضرات طويلة ومصورة عن الكتاب وفيها كتير زيادات وحشو زايد وبدأت ألخصها بعدين نزل بالمكتبة لكل قسم منها محاضرة أخيرة بعنوان /ملخص/ وقالوا أنو الدكتورين هنن اللي نزلوهم بس أنا اتأكدت بنفسي وقارنتهم بالمحاضرات وفعلا كيف انا ملخص هيك كان الملخصين للقسمين يعني هانت كتير المادة والاسئلة معروفة ومتوقعة وبالتوفيق صحيح بدها وقت شوي موكتير كتير بس أول ما تبلشي فيها بتحسي بعدم صعوبة بالتوفيق انشالله

بتمنى من كل الزملاء بقسم اللغة العربية السنة الرابعة واللي معن مادة الدراسات النحوية واللي درسوا من هاد الملخص إنن يخبروني قديش استفادوا منو وهل هو كافي ..وشكرا للكل وموفقين يارب..وملاحظة أخيرة:بحس إنو مشاركات طلاب العربي قليلة جدا..ومابعرف شو السبب؟؟

يارا العلي, لا تشعري .. هذه الحقيقة
ولكن ما زال الأمل موجوداً ، والبركة بالقِلّة المشارِِكة

بصراحة انا درست من المحاضرات بالبداية بس لما نزل الملخص
ركزت عليه اكتر وحسيتو شامل لكل شي بس بتفاجئ بالرسوب
و مع انو الاسئلة كتير سهلةو في اجوبة كتبتها حرفيا
بس مابعرف شو السبب
اخت يارا انا برأيي تطلعي عالمحاضرات بالاول تاخدي فكرة عنها وبعدها الملخص
وركزي عالشواهد كتير و ان بالتوفيق الك والي
راح حاول هالفصل ركز اكتر و انا وحظي