يعني غاري شوي صغيرة بس ما تكتري
هلأ هوي اللي صار إنو هي المقالة ما كتبتا لهادا الموضوع أبدا وكنت محضر معظمها من قبل -من خلال دراسات بسيطة وتجميعات وإعادة صياغة لكتير شغلات- لموضوع علم النفس وضليت عليها فترة منيحة....بس لما قريت موضوعك في شي شدني كتير فيو, فعدلت عليها شوي وكانت النتيجة اللي شفتيه أكيد في كتير شغلات بحياتنا قد ما قرينا عنها ودرسناها رح تكون التجربة أقوى بكتير لأنو العامل النفسي بيلعب دور كبير بفهم هيك شغلات.....يعني أنا كمثال ما انحطيت بهيك موقف لذلك ما رح اقدر اشرح الفكرة بشكل صحيح 100%
وعفكرة مارك ليدي مما عمل هيك دراسات إلا لأنو كان مضطهد من قبل أبوه وهو صغير وكان محطم النفسية أغلب الوقت فعلا هي نقطة كتير مهمة لمعظم أفراد مجتمعنا, إنو نحنا أغلب الأوقات - إذا ما كل الوقت - منصدر أحكام خاطئة عالشخص اللي أمامنا عأساس شو عم نحلل شخصيتو ونحنا كل اللي منعرفو عنو هنن هالكم تصرف اللي شفناهن منو واللي أكيد ما رح يكونو خليني قول 13-25% من الفكرة العامة عن هالشخص.
الملاك,
شكرا إلك على هالموضوع المميز وأنا عنجد كتييييييييييييير استمتعت فيه

سحر, كلام سليم لا غبار عليه و ما حدى بيقدر يقول غير هيك... و لكن أنا قلت بأن الفلاسفة من قالو و كثيرا
ما يؤخذ من الفلاسفة لإثبات حقائق منطقية و اقتباسي لهذه الجملة لم يكن سوى تدعيما لفكرة أن الانسان مخلوق اجتماعي و أن سر وجوده يكمن في وجوده مع الآخرين .....

الملاك, ازا قصدك (بود ) ففعلا انا حاطتا بود ....
ما بعرف ليش أنا شايفي انو كتير في ارتباط بين هذا التوق و بين انو الانسان مخلوق اجتماعي (مخلوق مشان ما تزعلي انتي و سحورة )
و مع اني شرحت وجهة نظري بس بضيف فكرة أنو الشخص المنعزل المنطوي على نفسه لا يمكن أن يكون عنده هذا التوق في معرفة رأي الآخرين فيه و أساسا ما بيهمو يعرف ... و من اقتباس وسام باخد : هلئ انا عندي دايما فكرة انو أي معضلة أو قضية بالكون بيكون الها سبب بسيط موجود عندنا بمخنا بداخلنا بفطرتنا ... و كل الأبحاث الي بتصير بتكون لاستخراج الحقائق من الداخل ... إذا أي عملية بحث بتكون عملية بحث في الذات الانسانية الي الله أغناها بالفطرة السليمة ... و بناءا على ذلك آرائي بتكون غير متعمقة بالتفاصيل (عالعموم عم نمي هالجانب عندي ) ... و بعرف اني خرجت عن الموضوع الاساسي بس حبيت وضح ليش أنا أساسا نسبت الاسباب الى انو الانسان مخلوق اجتماعي كفكرة عامة ...

يعني المفروض بما انك صححتيلي هاتين تعرفي اني عم احكي بس عن هاتين الحالتين فقط يعني أكيد الشخص الي ما عندو مشاكل بيتوجه بالسؤال للشخص الصريح و الي ما بيجامل ...

و سوري اني كتبت رد بالفصحى و رد بالعامية

فكرة الموضوع حلوة ... خلتني شغل عقلي وفكر

بداية استغربت من كلمة "أغلبهم " ومن جملة "إن لم يكن الجميع"
لأن بعتقد إنه السؤال بشكل ضمني أو صريح
هو أمر نادر بشكل عام .. و موجود بشكل خاص
كيف يعني
يعني إنه الإنسان بحكم وجوده بمجتمع محاط بناس , منهم الأهل ومنهم الأقرباء ومنهم الأصدقاء (مقربين وغير المقربين) ومنهم المعارف ومنهم الجيران ومنهم التجار والأطباء والمدرسين (أشخاص يتعامل معهم ضمن مؤسسة ما بصفة ما : طالب , مريض , ......الخ) , وفي كمان الأشخاص اللي بتربطنا فيهم علاقات خاصة متل العلاقات العاطفية ... وفي ناس لابيعرفونا ولا منعرفهم ..

هل يا ترى كل هؤلاء البشر أنا بيسألوني أو بسألهم عن رأيهم فيني أو رأيهم فيي... وبهتم لهالشي ؟!!!!

أكيد لأ..

في معادلة سبق وقريت عنها وهي كالتالي :
نحن بحاجة للإعتبار الإيجابي من قبل الآخرين حتى ===>يزيد اعتبارنا الإيجابي لذواتنا

انا ما كتير بقتنع صراحة بهي المعادلة
بس ممكن إقتنع فيها إذا قلت إنها بمرحلة من المراحل أو لسن معين بتضل فعالة وبرأي لسن الـ(18سنة فقط)
لأنه كل هي الفترة بتكون شخصية الفرد عم تكتمل ...بيهتم بكل الآراء , وبكون حساس جدا إلها


هلق في أشخاص يطلق عليهم بمصطلح نفساني "شروط الأهمية"
يعني هم الأشخاص المهمين بحياتنا وعند كل فرد فينا باعتقادي ما بيتجاوز عددهم كحد أقصى الـ الخمس أشخاص

بيختلفو بصفتن من شخص لآخر .. وبيختلفوا بترتيبن ..,
بجوز يكون بالنسبة إلي الأخ , وبجوز بالنسبة لحدا تاني الحبيب وبجوز لشخص تالت الأب والأخ والحبيب , وبجوز وبجوز بجوز

وبيتضمن مصطلح"شروط الأهمية" ===> "شخص قدير مثلا " نحن كأشخاص منكون معجبين فيه كشخص ومنقدره ومنحترمه .. ما ضروري يكون بيقربنا ولا بيعرفنا بس نحن منعرفه .. و نظراً لأننا شايفينه بمفهومنا (شغلة كبيرة ) ===> نحن منسعى لمعرفة رأيه فينا

حتى :

وبرأي بهالحالة مو غلط بل من الطبيعي الإنسان يسأل هدول الأشخاص , لأنهم مهمين

===> هذا كان الشكل الخاص اللي حكيت عنه بأول ردي <===

أمااا في ما عدا ذلك
من أشخاص عاديين محيطن وهن اللي سميتهم (الشكل عام ) ..
فسؤالهم عن آرائهم فينا بكون بشكل صريح نادر جدا ..
ومنكتفي بمحاولة اقتناص آرائهم فينا بشكل غير مباشر زغير مقصود ... والأهمية اللي منعطيها لآرائهم بتكون قليلة
ونحن معهم نطلب ونبحث عن الإستحسان


وآخر شي , بطبيعة الفرد بحب إنه يكون مقبول
لذلك بحاول يطلع دائما بأبهى صورة عالأقل برأيه هو ....
وإذا قلتلي لحدا اكتبلي عن حالك , فهي متعة بحد ذاتها بالنسبة للفرد ..
"مثال بسيط جدا "
موضوعك الملاك هذا
viewtopic.php?f=3&t=19809

6 صفحات إلى الآن ... بعتقد كل شحص ضل مدة لا تقل عن ربع ساعة وهو عم يكتب ويعبر عن نفسه وينتقي الكلمات المناسبة ..
وقرا رده أكتر من مرة قبل وبعد الإرسال .... وقرا ردك عرده , ورد قرا رده وهكذا
وهالشي مو بس لأنه بده يعرف عن نفسه , بل لأنه بهمه الناس كمان شو رح تقرا عنه
وهذا شي طبيعي ...
طبيعة إنسانية

ما حاولت إختصر أبدا أبدا أبدا
حتى وضح وجهة نظري كاملة مكملة

الله يعين اللي بده يقرا

بانة,
منيح بانة إنك ما اختصرتي لأنو ردك ما بس حلو...وما بس مفيد... وبعبر عن اللي ببال الأغلبية

بس عندك مشكلة وحدة
صدمتيني وقت خطرلك أنو ممكن الشخص يسأل شخصيات متل

بهالحالة خليني وضح نقطة...أنو نحنا منقابل كومة ناس بس وقت منسأل هالسؤال منسألو لشخصين فقط
يا أحد المقربين من الأصدقاء
يا انسان عندو طبيعة إبداء الرأي بالآخرين ومعرفة عنو الصراحة

وأي حالة تانية غير هدول تعتبر خارج موضوعي

إذاً اسمحيلي قلك عندك آراء غريبة بالحياة

Safa alaasi,
أنا بعرف تماماً قصدك صفاء من هالجملة الفلسفية... بس حلو نتفق كلنا أنو ما نستخدما لإنا مانا حلوة. لأسباب ذكرتا قبل
بس قصدك وطريقتك بالتفكير واضحة.... وصحيحة مية بالمية
طبعاً لولا أنو صفتنا الرئيسية أنو نحنا اجتماعيين لما همنا نعرف آراء الغير... ومثالك عن الإنطوائية بقمة الجلاء

Wissamo,

يا عزيزي ردك هو المميز.... وشكراً لنشرك أبحاثك ومباحيثك هون لأني أنا شخصياً ضميتن لمجموعتي الخاصة