السلام عليكم :

أوقفت هيئة الرقابة في التلفزيون التركي عرض مسلسل تينتين الكرتوني البلجيكي لإظهار بعض الشخصيات فيه وهم يدخنون السجائر.

وقد أقرت تركيا قانونا عام 2008 يحظر عرض مشاهد لأشخاص يدخنون, ومنذ ذلك الحين تتعقب الأجهزة الرقابية التركية من ينتهك هذا القانون حيث تحذف تلك المشاهد من الأفلام والمسلسلات، كما تفرض غرامات على القنوات التي تبثها.

وفرض المجلس الأعلى غرامة على قناة تلفزيونية أخرى لبثها المسلسل الأميركي "ماد مين" الذي يروي قصة وكالة إعلانية في نيويورك في الستينيات ويظهر مشاهد تتضمن إشعال سيجارة وتدخين ونفخ الدخان في الهواء وتقديم سيجارة لآخر وإطفاء سيجارة وشرب الخمر.

وانتقدت القنوات التلفزيونية سياسة الحظر معللة بأنه لا يجب أن يطبق على المسلسلات والأفلام التي أنتجت قبل التصديق على القانون, وصدقت تركيا أيضا في يوليو/تموز الماضي على قانون يحظر التدخين في الأماكن العامة.

المصدر : ( موقع الجزيرة )
http://www.aljazeera.net/NR/exeres/537D ... 1D49B1.htm

.........................

يا ريت هيك قانون يطبق عنا , لأن هيك مشاهد ما بلائيها غير ترويج لشركات الدخان يعني ترويج للمرض و الأذى و الفساد .

شكراً تركيا و أرجو أن نحذو حذوك بأسرع وقت .

......................

والله شي رائع جدا بصراحة.......وياريت كل الدول تقدر تعمل نفس الشي لتقل نسبة المدخنين بالعالم
Portia,
شكرا عنقل الخبر

يلااااا قرار منيح .. لأنو مسلسلاتا الماضية لتركيا فيا هيك شي

نحن عنا بحطو الدخان ع اساس انو رجولة وتسلط ولا مبالاة ، وما شالله الكل بيلقط
لازم يتطبق عنا هيك شي .. لأنو فعلا ظاهرة منتشرة جدا


Portia,
شكرا للنقل

شي حلو يعني هلا يحيى ومهند ما بقى يدخنو
ولا عمار

الي بعرفو انو في كان قرار جمهوري بمنع التدخين الا بالأاماكن العامة ‘ومنع اعلانات الدخان عنا كمان

عقبال كل الدول

السلام عليكم :
شكراً لمروركم و ل تعقيباتكم جميعاً , وفعلاً يا ريت يطبق هالقانون بكل دو العالم ,لأن مشاهد التدخين عالتلفاز برأيي هي ترويج الها أكيد
فوقت بشوف مشهد فيو تدخين ما بشوف فيه غير دعاية و ترويج للتدخين , لا رجولة و لا لا مبالاة .
و بالفعل "سحر" تم إصدار قانون عنا مشان التدخين حيتم تطبيقو بشهر نيسان
http://www.sana.sy/ara/2/2009/10/12/pr-249130.htm

و سأنوه له هنا في موضوع منفصل
بإذن الله .

ومرة أخرى شكراً لمروركم
........................

عقبال ما يحظرو بقية الشغلات الي بتطلع بالمسلسلات
بس انو عن جد خطوة واعية و ان شا الله تطبق عنا حاكم المسلسلات السورية صارت بؤرة للمدخنين من كل الاعمار و المستويات الاجتماعية يعني منلاقي الطالب بإيدو سيجارة و المثقف و الفنان و الفقير و الغني .........كأنو الحياة ما بتمشي بلاها

صارت المسلسلات السورية بتخوف ... شيلو كلشي عجنب .. بس من ناحية التدخين ..
وعم حس عم يركزو ع تدخين المرأة
يلا ازا انمنع التدخين بتركيا ... منستفيد من القرار نحنا..
حاكم كل مسلسلاتن و ( حضارتن) عم تطلع عنا ..
بكلية العلوم ممنوع التدخين بالقاعات والممرات ..
شي حلو ... وقال تحت طائلة فرض العقوبة الجامعية المناسبة ..
بس لا يخلو الأمر من التجاوزات

Portia,

شكراً ... عئبالنا

لا يقوم نفسها هي رواية تان تان
اي الحياة ما بتمشي بلاها وهالشي موجود بقا لشو لينخفى
1 و 2 و 3
سيكارة ياحياتي
مع انو مابدخن