يا عيني على سوبر مان لما بيجي عسوريا ...

فطوم · **مرسل:** الأربعاء فبراير 10, 2010 11:58 pm

جايبتلكن قصة سوبر مان بسوريا انشالله تعجبكن بصراحة انا كل مابقراها بقعد بضحك عليها ههههههه

يلا نبدأ
.
.
.

هاهو سوبرمان يحلق في الأعالي عائدا إلى منزله بعد انتهائه من سلسلة من المهمات الإنقاذية المتعددة بنجاح،

لكن نداء الواجب استدعاه من جديد أثناء طيرانه ، إذ شاهد بنظره الثاقب حريقا يندلع من إحدى الأبنية ،
فتوجه نحو مركز الاشتعال فورا وكله أمل ألا يكون الأوان قد فات .

'أوه هذه سوريا ' ، صاح سوبرمان ، 'وهذا البناء يبدو وكأنه مبنى تجاري أو ما شابه '.

وصل سوبرمان إلى الغرفة التي بدأت النيران بالتهامها ، وسارع إلى أقرب خزان مياه ليفرغ ما فيه ويطفئ ألسنة اللهب ، وما إن انتهى من ذلك حتى سمع شخص يصيح به : ليش يا ابن الحلال؟

نظر الرجل الخارق إلى محدثه ليجد أمامه شخصا بنظرات غاضبة يتطاير منها شرر لا يمكن هذه المرة إخماده ، وقبل أن تتزايد علامات الاستفهام تابع ذلك الرجل حديثه:

يا أخي شو جابك لهون ؟ مين عزمك؟

وأجاب سوبرمان بعربيته المكسرة: أنا سوبرمان ومن واجباتي انكاذ الناس من الا ختار و ...

سوبرمان ! لك هالأميركان بيضلوا بيحشروا حالن بكل شي. اخ منك واحد مزعج وغليظ .

أنا ما أم بفهم ؟ ليش حدرتك مزأوج ؟

يعني لازم تعرف كل شي؟ يا عمي فيه مسئولين جايين يعملوا تفتيش بها لكام يوم وعنا شوية فواتير مضروبة ودفاتر جرد مغشوشة وحبينا نخلص منها جيت حضرتك خربت كل شي . خسارة كانت حريقة ناجحة . وهلأ انقلع من هون .

وطار سوبرمان وعلامات الدهشة لا تزال مرتسمة على وجهه لكن ما أن خرج من ذلك المبنى الحكومي ، حتى شاهد حافلة نقل داخلي تميل على أحد جنبيها .

وكعادته ، هبط سوبرمان أمام موقع الحدث ، فشاهد الركاب المحتشدين داخل الباص ، فبدأ بإنزالهم واحدا تلو الآخر .

لكن صيحات الاعتراض علت من كل حدب وصوب ....

سوبرمان: شو في يا شباب ؟ ليش عم تسرخوا ؟

مين قلك تنزلنا من الباص ؟

الباص مليان كتير .. so much people .... so .. أنا خفت الباص يكلب أجنبو ..

لك هادا عادي يا سوبرمان بيك ... أقل من عادي ...

أنا آسف ... فكرت مو آدي أنو ..

يعني بعد ما انتظرنا نص ساعة وطقينا الكرت بتجي أنت يا معلاق كبير وبتطعلنا .. يلا صلح غلطك .

وبسرعة قام سوبرمان بإيصال الجميع إلى منازلهم ... مجانا طبعا .

لكن من جديد ، لاحظ سوبرمان منطقة بأكملها غارقة في الظلام ، فشعر بالخطر .

توجه إلى المنطقة المعتمة ، وشاهد رجلا يقف على الشرفة! فذهب سوبرمان إليه مسرعا .

وما أن وقف أمامه سوبرمان حتى فتح الرجل فاه وهم بالهروب وهو يصيح: جني .....يا ناس .

وأف لهظة هبيبي ، أنا سوبرمان ، أكيد سمأت أني .

بالله أنت سوبرمان ؟ لك أهلين أبو السوب ، لا توا خذني اللي ما بيعرفك بيجهلك، بتشرب قهوة؟

شكرا ، بس ألي هبيبي ، شو صار لوأفت كهربا ؟ سيول ؟ أعاسير؟ زلزال؟

ها ها ها والله دهكتني ، قصدي ضحكتني ، هيدا تقنين ... تقنييين .

شو يأني تكنين ؟ أننا باميركا بتوأف كهربا لما بيكون في مسيبة كبيرة

هادا عندكن ، هون الكهربا بتوقف لحالا وعطول . لك تعا شربلك فنجان ….. نسكافيه إذا ما بدك قهوة .

لكن سوبرمان اعتذر بلباقة .... وطار مسرعا في رحلته المستمرة حول العالم

مستثنيا سوريا من رحلاته حيث أصبح صديقنا متأكدا بأن :

سوريا الله حاميها!

هههههههههههه

محمد الاسمر · **مرسل:** الخميس فبراير 11, 2010 8:40 am

فطوم,
لفتة جميلة جدا
حطيتي ايدك عالجرح
بس والله سوريا الله حاميا
مشكووووووووووورة اختي عالاسلوب الحلو

Wissam · **مرسل:** الخميس فبراير 11, 2010 1:25 pm

فطوم,
ظريفة كتييييييير القصة
بكرا منشوف باتمان لما يجي شو بلاقي كمان

Mohammed · **مرسل:** الخميس فبراير 11, 2010 4:12 pm

شعبنا كلو سوبرمان ماشالله ... والا حسب قوانين الطبيعة لازم نكون متنا من زمان

مافي داعي يجي حدا يساعدنا

عصام · **مرسل:** الخميس فبراير 11, 2010 8:55 pm

اقتباس:

سوريا الله حاميها

كنتي حطيلنا الغنية كمان مشان هيك نحس بالفخر
عنا الحمدلله كلو ماشي بقدرة سبحانية والله والعمل والصالح

فطوم,

ضيا & زين · **مرسل:** الخميس فبراير 11, 2010 10:17 pm

مشكورة فطوم لطريقة الشرح

ويخزي العين شعبنا مو بحاجة

العربية · **مرسل:** الجمعة فبراير 12, 2010 12:21 am

يسلموا فطمطم ورح اتشكر الأعضاء بالنيابة عنك

محمد الاسمر,

Wissamo,

Mohammed,

عصام,

ضيا & زين,

يسلموا لمروركن
فطوم عندا ظروف رح تغيبا عن المنتدى أسبوعين

فطوم · **مرسل:** السبت فبراير 27, 2010 5:39 pm

انا رجعت

شكرا للكل على المرور

و شكرا فاتن عترحيبك بالكل

LATEST_POSTS

يا عيني على سوبر مان لما بيجي عسوريا ...

الموجودون الآن