السلام عليكم جميعا
ما عرفت وين بدي حط الموضوع بس قررت حطه هون باعتباري طالبة من السنة الثالثة
بداية حابة سلم عالدكتور محمد و قلو نحن بحماه كتير اشتقنالو و بدنا يرجع يدرسنا بأي وسيلة و بالأخص نحن جايين عالفصل الثاني يعني عنا مادة النقد وبتوقع أو بالأحرى(( متأكدة)) انو مافي حدا غيرو عنده القدرة يدرسنا هي المادة بالطريقة الصحيحة
يعني ما بتصدق يا دكتور كم كانت فرحتنا كبيرة لما شفناك جاية على حماه مع الدكتور طلال يوم الاربعاء وقت كان عنا فحص مادة علم اللغة بس خاب أملنا لما قلت انك ما بتقدر تجي وتدرسنا بالفصل التاني !!!!!!!!!
بس نحنا ما بدنا حدا غيرك يدرسنا .
بالمقابلة انت قلت : ( فمادة النقد يعتقد الطلاب أنها مادة أدب فقط , و أنا أنتقد هذه النقطة . في النقد ننتقد الحياة العملية بكل سلوكياتها و الطالب يحفظها على أنها مجرد نظريات ليس لها علاقة بالواقع, لكن الوسيلة الأفضل هي أن نفكر بالشيء المطروح في الحياة العملية سواء كان فكرياً أو ثقافياً أو حتى عائلياً. ) فمن غيرك ممكن يقدر يدرسنا بهالطريقة ؟؟؟؟؟؟؟؟
على كل نحن مارح نبقى ساكتين و رح نحاول مع العميد أو حتى مع رئاسة الجامعة انو يحطو وقت المادة باليوم و الوقت اللي انت بدك ياه عشان نرجع نشوفك عنا بحماه على طول
من كل طلاب جامعة حماه عموما و مني انا خصوصا منرسلك تحية وسلام و بندعي لربنا يعطيك طولة العمر و سعة في العلم و سعادة بالحياة .

paradise,
صار اسم مادة النقد مرتبط باسم الدكتور محمد العلي
وطبعا لقدمو فهو افضل مين يعطي هالمادة من بعد خبرتو
وقال مابتعرف خيرو لتجرب غيرو بقا الله يعين اللي رح يقدم النقد الفصل الجاي لانو كتير عم بسمع انو الدكتور رح يسافر الفصل الجاي واذا ماسافر فرح يترك المادة
وهاد كلو حكي مو متأكد من شي
وانشالله بيدرسكن بحماة وبيبقى عنا

هو عنجد شغلة ...الله يعطي كل الخير ..دكتور يُكتب اسمه بالتاريخ إذا مو لشي بس لأنه حاول يجدد يحدث و يبدع بمادته لأنه عنجد كان عنا النقد هي السنة الرابعة غير شكل و الكتاب و الدكتور و الامتحان كان كلن غييييير شكل ..

paradise,
ان شاء الله يكون الدكتور الفصل الجاي بيقدر يجي و يرجع يدرّس .. مو بس لأنو النقد هي مادتو وما حدا بيقدر يدرّس بالطريقة العظيمة الي درّسنا فيها .. لأنو عنجد الطلاب اشتاقولو وكتير متدايقين لأنو الفرصة ما سنحت وما قدر يجي يدرّسن هالفصل ... للدكتور العلي بحب قلك أنو عنجد الطلاب بحاجتك كتير وأنو جد يا خسارة اذا حضرتك ما درّستن مادة النقد

أنا بتمنى للدكتور الرائع محمد كل التوفيق

السلام عليكم :

بما انه هي رسالة للدكتور محمد العلي , اتمنى ان يقرأ فيها , هالطلب الصغير :

يا ريت يا دكتور تقدر تنزل علامات النقد السنة الثالثة نهاية الشهر او بداية الشهر الجاية مشان اللي موقف تخرجو على المادة او مع مادة تانية

يتاحلو فرصة التقدم لمسابقة انتقاء المدرسين و التي تبدأ ب 4 شباط و تنتهي ب 25 منه .

ولكم منا التقدير و الاحترام .

............

Portia,
رسالتك لازم تكون لشعبة الامتحانات مو للدكتور بس

شكرا لكل اللي شاركني بردو و بتمنى يوصل طلبنا للدكتور محمد لانو عنجد الطلاب كتير بحاجة لانسان مثله و بتكون خسارة كبيرة إذا ما درسنا هالمادة

السلام عليكم انا اتمنى من الله ان يعطيه كل ما يتمناه الدكتور محمد العلي لي انه انسان اكتر من رائع الله يوفقه يارب وفعلا عندنا طلب يا دكتور لو تقدر تنزل المادة با اسرع وقت مشان اذا الله كتب لنا النجاح نتخرج ونقدم على المسابقة وادمك الله ذخرا يا اروع دكتور وشكرا شذى

السلام عليكم جميعاً

أبشركم أن رسالتكم وصلت للدكتور محمد , هو سيسافر فترة ثم يعود و بعدها سأزودكم بتفاصيل أكثر بعد زيارتي له .

لكن أرجو عدم الخروج عن الموضوع هنا .

بالتوفيق جميعاً

شكرا كتير فارس و بتمنى تزودنا بالتفاصيل بأسرع وقت
و ياريت توصله سلامي وسلامات جميع الطلاب و تقلو لا يتأخر علينا