السلام عليكم
كيفكم
عاجل بدي استفسر عن البعثات العلمية ايمت فينا نسجل وبي معلومات عنها وهل هي منيحة؟
وهل بحق لخريجي الترجمة التقديم عليها
لا تقولولي فوتي عموقع وزارة التعليم العالي لانو فتت عليها وما استفدت

Omama,
آخر معلوماتي حول التعليم المفتوح أنو ما بينقبل أي طالب من التعليم المفتوح بالدراسات العليا . فكيف بدو ينقبل ببعثات ؟
و بصراحة البعثات حتى لطلاب الأدب الانجليزي نادرة و تقتصر على الأوائل . ان شاء الله بتكوني منهم

بالتوفيق

Omama,

اختي الكريمة .. على حسب فهمي للإعلان لا يحق لخريجي الترجمة بالتقدم لمفاضلة البعثات .. و السبب واضح .. اذذ لاحظتي انه بجانب كل اختصاص مطلوب للبعثة مطلوب نوع الشهادة .. مثلا .. ماجستير في الترجمة و الترجمة التواصلية .. المطلوب اجازة في اللغة الإنكليزية .. و ليس اجازة في الترجمة ..
على العموم أتمنى أن ينصف طلاب الترجمة قريبا .. فهم محرومون من أبسط الحقوق .. لا يستطيعون التدريس .. لا يستطيعون التقدم للبعثات .. لا يستطيعون اكمال الدراسة و الماجستير الا في اختصاص معين .. و حتى في هذا الإختصاص يطلبون شخصا واحد فقط على الغالب .. حظوظهم قليلة .. ليس كل طلاب الترجمة مستواهم متدني .. فبعض خريجي الترجمة مستواهم يفوق بكثير مستوى خريجي التعليم النظامي .. و أعلم أكثر من شخص من هذا النمط
كان الله في عونهم ..

فارس, بدها قدرة ربك بس!!!!!!!!!
Ala Al-Ibrahim, مالنا غيرو

Omama,
و عليكم السلام و رحمة الله و بركاته
الحقيقة مابعرف شو بدي قلك ... يمكن طالب التعليم المفتوح ممنوع حتى يكون طموح

متل ما تفضلوا الإخوة ... نحنا فرصنا تكاد تكون معدومة و حتى لو قدمتي لأقرب شي لاختصاصنا بجامعة البعث "دبلوم الترجمة و التعريب" فمارح يكون في غير مقعد واحد فقط لاغير لطلاب الترجمة مع إنه اختصاصنا و بأفضل الحالات عم يآخدوا 2
و حتى بماجستير و دبلوم التأهيل و التخصص بتعليم اللغة الانكليزية نفس الوضع مع إنه في اختبار كتابي و شفهي و الطالب المفروض بينجح بكفائته و مستواه العلمي ... و طبعاً بنفس الوقت مايروح فرص لزملائنا بالأدب الانكليزي على حسابنا و إنما يكون في تساوي فرص

المهم اللي حابة قوله إني ماوقفت عند هون و حاولت أعمل شي على الأقل افهم "ليش" و قدمت كتاب مفصل لوضعنا لنائب رئيس جامعة البعث لشؤون التعليم المفتوح و رجعت بعد أسبوع و كان الرد بسيط جداً من السكرتيرة "حاليا مافي شي" و رجعت معي الكتاب و أنا بقمة السعادة طبعاً بعد ما أخدوا صورة عن الكتاب مابعرف ليش ... و بصراحة لما قدمت الكتاب و مشان ماكون متشائمة 100% كنت حاطة أمل ولو 0.001% إني أعرف "ليش" أو آخد جواب منطقي أو نتيجة أو أي شي ... و قدمت هالكتاب مشان بيوم من الأيام ما لوم حالي و قول ماحاولت

شي طبيعي يلتقى بين طلاب التعليم المفتوح مستويات متفاوتة من حيث المستوى العلمي متله متل أي فرع ... لكن للأسف النسبة الأكبر لامبالية و همها شو حذف الدكتور من المادة و ينجح مجرد نجاح ... و هيك عم يروح الصالح مع الطالح

و شرّ البلية ما يضحك

الحمد الله على كل حال من الأحوال ... و بتمنى من زملائي بالترجمة اللي فعلاً حابين يكملوا بالمستقبل يعملوا شي و يحكوا و يبقوا عم يحاولوا ... لأن بتصور الفكرة المأخودة عن طلاب الترجمة إنهم "نايمين و ما سائلين" ... و كمان بتمنى انه أي طالب من طلاب ترجمة يعكس صورة حلوة عن هالفرع و يدرس الترجمة دراسة مو ينجح نجاح بمواده و يعلق هالشهادة على الحيط و ينحسب خريج ترجمة

بالأخير بقلك لا تتفائلي كتير مع ذلك لا تقطعي الأمل نهائيا ... و آسفة إذا كلامي محبط بس هاد الواقع للأسف

بتمنالك التوفيق

بصراحة ..لا تعليق
المشكلة هاد هو الواقع وما في إنصاف لطلاب الترجمة بمجال دراستن أبدا ..
بس على كل الأحوال نحن كطلاب ترجمة لازم نتفائل كتير لأنو رح نلاقي صعوبة بكلشي لنحقق بس أدنى مستوى من طموحنا عالقليلي ....
ويااارب نحقق ولو شي بسيط بالمجال *المتاح* لألنا
..

كيف ما بينقبل معقولة ؟ انا سالت السنة بالصيف بمركز ادارة الجامعة بالقبو قالولي اي بس كم واحد منهم
ممم انا ترجمة ياغالي خخخ مش ادب انكليزي وفعلا الشاطرين من الادب كتير قلال اساسا بعد مية سنة ليتخرجوا بكون عمرهم دون السن المطلوبة
مشكور ياغالي

اخي الكريم قصدك اعلان موقع وزارة التعليم العالي الي حاطين فيه الحسكة ودير والرقة ولافي شي غيرو؟
انا ماشفت الي عم تحكي عنو ممكن رابط؟

خخخ عاساس طلاب الادب حظن احسن مية سنة ليتخرجوا وبالاخر يادوبن كم واحد يكمل دراسات ويعرف يحكي كم كلمة يعني الادب حالو مو احسن مننا خخخ
مشكور ياغالي

هههه كلنا بالفلقة سوا كلو انكليزي

والله يا امامة ما بعرف شو قلك غير ما النا الا الله

بخاف قول شي هلا بقول هي مشرفة القسم حكت
يعني لا يحق لنا شي ليش فتحو قسم الترجمة وليش درسنا ونضربنا على قلبنا 4 سنين أو أكتر
وبالنهاية ماذا
حتى القطاع الخاص لا يقبل اختصاص الترجمة
الكتب في اختصاصنا تحتاج الى تغير للأفضل

يبدو اخصصنا يحتاج الى تغير من الجذور حتى يحق لنا ما يحق لغيرنا