بسم الله الرحمن الرحيم

إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم لله امرأ اهدى إلي عيوبي ) .
فما هو لون الغلاف أو شكل الغلاف ( أقصد هنا الأسلوب ) الذي تحب أن
تغلّف به هديتك ؟
هل تعرف عيوبك بشكل واضح وجلي ؟
وأيهما أكثر وضوحا بالنسبة لك . عيوبك أو صفاتك الحسنة؟
بصراحة :
هل أنت مع هذه المقولة .. هل ترضى أن يصارحك احد بعيوبك ؟
و أنا أتمنى من اللي يقرأ الموضوع إنه يقول هو مع هذه المقوله

آزاد, إذا قصدك انو كيف بخبر انسان عن عيوبو...فللأسف أنا بدج الحكي دج يعني اذا في صفة حلوة بذكرا مباشرة للوحدة وبقلا اياها فورا واذا صفة ما حلوة...بضل بهدل فيا ساعة ايــــــــــــــــــــــــــــــــــــــــــــــــــــــــــــي بس ما كلون
ما بعتقد انو فيه انسان بيعرف شو صفاتو الحلوة...ومشان هيك بتلاقينا بتجينا فرحة أطفال لما حدا بفاجأنا بصفة حلوة فينا متل (بتعرفي انك خفيفة ظل كتير...بتعرف انك شهم...بتعرفي انو عيونك حلوين...بتعرف انك انسان خلوق...)
اي وحتى بأي طريقة...يعني في ناس بدجوني ياها دج بقوم بعصب بس بعدين بفكر فيا بيني وبين حالي وبحاول اتغير

بس لحظة!
شو دخل محتوى الموضوع ب(الصديق وقت الضيق)
يعني كنت مجهزة حالي ادخل احكي عن رفقاتي واقعد نظر شوي قام طلعلي موضوع عن الأخطاء...بس كمان ظريف يعني

آزاد ,

ألي بدي قولو أنو البشر متلن متل البستان ألي بيجتمع في كل صنف و نوع ..
يعني فينا نلاقي أشخاص عندن القدرة ع تقبل حقائق الأمور بكل روح رياضية و بكونو ممنونين من الأشخاص ألي نبهون لهي الحقائق ..
و في أشخاص ممكن تتقبل ظاهرياً , بس أكيد بتكون رافضة هاد الشي ضمنياً و يمكن تاخد موقف من الأشخاص ألي رح يبرزو هي الحقائق ..
و فينا نشوف أنو في أشخاص بتكون ردة فعلن سريعة و بحاولو يردو مباشرة على اعتبار أنو هاد الشي بمثل إهانة لشخصن ..
و ما بدنا ننسى أنو كتير أوقات ما فينا نسمي الأشياء بمسمياتها الصحيحة , و في أشياء ممكن أنا شوفها غلط و أنو مو بمكانها و صنفها متل ما أنا بشوفها و أحياناً كتير بكون هاد الشي صح , و بالمقابل ممكن غيري يعتبرها أشياء حلوة و إيجابية ... و هاد كلو برأيي بيتبع طريقة التفكير الخاصة و القدرة على تسمية الأشياء بمسمياتها .
بالنسبة ألي ... أول شغلة بعملها هي التالي : إذا كنت بعرف أنو هالشخص عندو القدرة ع التقبل و ما في عندو مشكلة بنوب بصارحو ... و إذا كان العكس فأكيد ما بجرب أحكي لأنو الكلام وقتها رح يروح بالهوا و غير هيك رح أسمع كلام و جيب لحالي وجع الراس و أنا طبعاً بغنى عن هاد الشي .... و ببقى بعامل هالشخص بحيث ما أزعجو أو يزعجني و ضمن حدود ... يعني رح تكون العلاقة شوي مقيدة للأسباب المذكورة سابقاً.
و أنا بتقبل أي شي ممكن أنو يتوجهلي صراحة , بس بيبقى ألي حق التوضيح ... يعني فلان من الناس ممكن يقول صفة متل مو هو شايفها و هي ممكن تكون فيني بس مو متل ما عم يحكيها تمام ... المقصود أنو سمى الأشياء متل ما هو بدو ..
و ممكن حدا ينبهني لنقطة ما تكون غايبة عني ... إذا كانت سلبية رح اتدايق أكيد بس من حالي طبعاً , و إذا كانت إيجابية فبتكون انضافت لسجلي
و نوع الشخص , و طريقة تفكيرو , و نبرة كلامو , و معرفتي في ... بتلعب دور كبير بهاد الموضوع , و هي الأشياء أنا بعتبرها المقياس ألي على أساسو ممكن اتقبل أو ما أتقبل أي ملاحظة ..
هاد كان تعليقي على الموضوع بشكل عام
و بيبقى علّق على شيء واحد هو التالي : بقولو أنو كتير أحيان شي بغطي على شي ..
يعني فيك تلاقي طالب بيحكي كتير و ما بيقعد عاقل بالدرس بس بالمقابل هاد الطالب شاطر كتير ... بهيك حالة كونو شاطر فهاد رح يغطي على كونو كتير الكلام , بس رح يتاخد عليه هاد الشي و ينحسب نقطة مو لصالحو ..
بس أشياء حلوة و نميمة مستحيل تلاقي شخص يتقبل هاد الشي إلا إذا كان شخص من نفس الطينة يعني بحب النميمة كمان .. و هيك شخص أكيد مو لازمنا لأنو رح يتعبنا و يسببلنا الكتير من المشاكل ..
و أكيد شكراً على هذا الطرح

و بعتقد أنو " العيوب و الأخطاء " بتتناسب أكتر مع مضمون الموضوع

بحب أشكرك على الموضوع أولاً
ثانياً إن مسألة أن يصارح شخص شخص أخر بعيوبه فهذه مسأله تتعلق بمدى الموانة بين الشخص فأحيناً وكما أشارت زمياتي سيرين سيرين, وانا من المعجبين بردها لرائع .. احيناً شخص لا تمون عليه فاذا قلت له ان فيك ذاك العيب وذاك تراهو بداية يبتسم في وجهك ولكن في الحقيقة في قلبه لا يتقبل الفكراً إطلاقاً لذك الصمت أحيناً هو العلاج الوحيد ..

تقبل مروري

آزاد,
موضوع كتير جميل..
وشكرا الك ولتواجدك الجميل والجديد بساحة حوار... والله حسب علاقتي بهالشخص..
اذا انسان غالي على قلبي وبهمني امروا...بنصحوا وبقلو...
اما اذا انسان ماني آخدة عليه وجه..مابقدر واجهوا بطريقة مباشرة...
ممكن بطريقة غير مباشرة...
انا عندي رفيقة...بحبها...بس عن جد عينها بتصيب كتير...ولامرة سمعتها عم تقول ماشاء الله عل اي شيء...
بس بتقول يااااااا.....شو هاااد....ياخ شو حلو...
والله هالشي الي بتكون عم تحكي عليه...بيوقع بأرضوا. فورا...
صرت قلها انو الانسان لازم بأخر اي جملة بتحكي عن اي حدى لازم يكون في بنهايتها ماشاء الله...
كتير احيانا بتنسى..بس برجع بزكرها..
هي رفيقتي..قدرت انصحها..وغيّرها..
بس اذا شخص ماكتير علاقتي معو قوية...مابحاكيه شي...بحمل حالي وبمشي.. حسب الطريقة..
واذا هالانسان بيطلعلوا ينصحني او لاء..
انا بقبل نصيحة الاشخاص الي بحس انهم احسن مني بالجانب الي عم ينصحوني فيه.. عيوبي..
انا مافيي عيوب..
والله كتير احيانا بفكر بعيوبي...واحيانا بسأل رفقاتي...
وقت منلعب لعبة الصراحة..
بس مابلاقي..

بتمنى تتقبلي مروري...

آزاد,
أول شي شكرا أخي على الموضوع
من الواضخ هنا أنا هناك خلط بين العيوب في الشخصية وبين الأخطاء التي يرتكبها الشخص ... فلا يمكن أبدا أن يولد شخص بصفة أنه نمام لأن النميمة لا تأتي بالفطرة بل هي فعل خاطئ يرتكبه الشخص و لكن ممكن أن يكون عصبي أو حساس بفطرته (فهذه مثلا صفات للشخصية ) ... ما أفصده بقولي أنني من الممكن ان ألتمس العذر لشخص عصبي أو حساس لأنني أعرف أن التصرف الذي قام به هو شيئ خارج عن إرادته ... أما إن كان كذاب أو نمام فلن أغفر له لأن الكذب و النميمة تصرفات حرام ومن المفروض أنه يعلم هذا الشيئ ... الغلاف يكون حسب الشخص فإن كان شخص فكاهي أمرر له كلماتي بشكل فكاهي و ان كان جديا أصارحة بشكل صريح وواضح .....
جدا جدا و خصوصا أنها قليلة مقارنة مع مع محاسني مممم أرضى ولكن بشرط أن يكون أسلوبه لطيف و ظريف حتى لا يخدش مشاعري المرهفة

هلأ ما في حدا كامل
و كل شخص في صفات منيحة و في صفات سيئة
أما بالنسبة لمقولة سيدنا عمر رضي الله عنه ( رحم الله أهدى الي عيوبي ) فأنا أكيد مع هي المقولة ...........
بس في أشخاص وقت بيحكوا عن عيوب الزلم عنجد مالهم منطق و احتمال كبير يكونوا عم يحكوا عن حالهم بس مو حاسين
و شكرا كتير عالطرح المميز ...........................ز

ازاد
كما قلت لا احد معصوم عن الخطا
انا من جهتي لا احب ان اصارح الاخرين بعيوبهم خوفا من ان تفسر على نحو غير الذي ارغب به فتخرج نصيحتي عن غرضها
واقبل ان تهدى الي عيوبي لكن بشرط ان يكون الشخص الذي ينتقدني من الاشخاص الذين يهمهم امري اي ان يكون حريص على مصلحتي
بالنسبة لقول سيدنا عمر رضي الله عنه
انا معه قلبا وقالبا
ازاد موضوعك جميل واسمك اجمل وحسب معلوماتي معناه الحرية
اتمنا ان تعيش حرا وتموت حرا

كلنا ولدنا على فطر ة الخير والاخلاق
تتطور حياتنا واخلاقنا بارتباطها بمجتمعنا ومحيطنا .نكتسب عيوبا ونكتسب خصالا جميلة.اصارح صديقي بعيوبه سرا لا علانية كي لا يحرج وان تقبل فهو صديق لي محب لي يتفهم موقفي من عيوبه ومن خوفي عليه وعلى اخلاقه وشخصيته وان لم يتقبلها فاناقشه بعدم تقبله وان اصر اتركه واكون قد عملت ما اوجب الدين بي ان اقوم به وان استمر اقطع علاقتي معه فهو يكون بذلك رفيق سوء
والموضوع يطول النقاش فيه لكن وضعت رؤوس اقلام بسيطة من راي

شكرا لك وتحية طيبة على الموضوع