من سيربح المازوووت

Osama · **مرسل:** السبت نوفمبر 28, 2009 2:22 am

عزيزي المواطن أهلا بك في برنامج من سيربح المازوت و نرجو لك التوفيق .
عليك الاجابة على الاسئلة التالية بنعم او لا علما ان كل سؤال تجيب عليه يخولك ربح ليتر من المازوت تقدمة محلات الثروات الباطنية السورية
السؤال الاول :
هل انت متزوج : اذا كان جوابك لا ستربح ليتر من المازوت و اذا كان نعم ستخسرلانو مرتك بتدفيك
السؤال الثاني :
هل تملك أكثر من غرفة : اذا كان لا ستربح ليتر اخر من المازوت و اذا كان نعم ستخسر لان وجود اكثر من غرفة يعني انك تملك غرفة ضيوف و بالتالي ستقوم بعزيمة الناس اليها و تقدمة الضيافة لهم وبالتالي مصاريف عالفاضي ستؤثر على الاقتصاد الوطني و اصلا هذا يعني انك مبحبح ماديا يخرب بيتك و لسا بدك دعم
السؤال الثالث :
هل تأكل أكثر من وجبة باليوم : اذا كان لا ستربح ليتر اخر و اذا كان نعم ستخسر لان تناول الطعام الزائد يؤدي الى تكديس طبقات من الدسم تحت الجلد تغني عن التدفئة بالمازوت
السؤال الرابع :
هل تمارس النشاط الرياضي : اذا كان لا ستربح ليتر اخر و اذا كان نعم ستخسر لان النشاط الرياضي يحتاج الى عملية حرق للسكر و عملية الحرق تحت اج الى مازوت و بالتالي ستقوم بصرف المازوت لغايات غير التدفئة يا ملعون وين رايح مفكر حالك اذكى منا
السؤال الخامس :
هل تملك اكثر من بطانية : اذا كان لا ستربح ليتر اخر و اذا كان نعم ستخسر و من شو بيشكي الدفا تحت البطانيات
السؤال السادس :
هل تملك صوبيا : اذا كان لا ستربح ليتر اخر و اذا كان نعم ستخسر لانك صاحب املاك ما شاء الله حولك ،الله يرزقك

اذا استطعت الاجابة بـلا على كل الاسئلة ستنتقل معنا الى برنامج الكهرباء و الى اللقاء في الحلقة القادمة مع كل جديد

Safa alaasi · **مرسل:** السبت نوفمبر 28, 2009 3:31 am

يعني شر البلية ماااا يضحك قال ازا بتطلع فواتيرك فوق 5 آلاف ما في مازززوووت

صحي أجوبتي كانت كلا لا

بس عندي نت و ديل أب كمااان

خالد الهبل · **مرسل:** السبت نوفمبر 28, 2009 8:19 am

ههههههههههه
ملعوبة يا أسامة .....

إذا بدك مازوت لازم تموت من البرد أول شي...

الله يعين ويفرجها علينا يارب................... قولو آمين

يسار دعبول · **مرسل:** السبت نوفمبر 28, 2009 4:03 pm

السلام عليكم
فعلا موضوع أكثر من رائع
لكن لدي اقتراح
بدلا من كل هذه البلبلة والقرارات اللي بلا طعمة واجتماعات ما يسمى بمجلس الشعب مشان هيك موضوع
القصة سهلة الحل
انو يخلوا سعر لتر المازوت على حالو بس يضبطوا الحدود شوي مشان يمنعوا التهريب
بس اللي صاير انو عناصر الجمارك ما بقى شبعوا مصاري
وماحدا داير على المواطن اللي ملعون نفس
وبالناقص من المنية من الدولة
كلن 5000 اي الله وكيلكن عم نحكي عالموبايل باليوم ب 1000
ومتل ما بقول المتل اللي استحوا ماتوا
لا تعطني لتر المازوت بذلة
بل اعطني بالعز حر جهنم

سحر · **مرسل:** الأحد نوفمبر 29, 2009 1:06 am

نقصو شرط ولو الي عندو دي أس ال ما لازم يطلعلو مازوووووووووت

خالد الهبل · **مرسل:** الأحد نوفمبر 29, 2009 3:24 am

على فكرة أسامة...

قريت موضوعك هاد لكتير ناس من الجيران والاصدقاء....

وتبينلي هون بالشام أنو الناس هون بلشو يعرضو صوبياتهم للبيع..

شفلنا بالله بحمص كمان؟؟؟

وضع مزري!!!!

بس ليكو يا شباب جماعتنا عم يختبرو مدى قدرة الشعب عالتحمل... بس يا خوفي ما يتحمل كتير هالشعب المسكين.....

Mohammed · **مرسل:** الأحد نوفمبر 29, 2009 3:35 am

هههههههههههههههه
ملعوبة ابو السيم

أحمد الدالي · **مرسل:** الأحد نوفمبر 29, 2009 3:51 am

بعين الله حبيب القلب...بس وينك مالك غير الفحم ونفس اركيلة..
يعني كيس فحم كل يوم ب15 ليرة بدفيك وبكفي وبوفي ..وبلا المنيّة يلي عميخلعونا فيها بالدفاتر والتعويضات..
عوجـــــــــــــــا ويا ريتها تضل عوجا..لأنوبتوقع تصير أعوج من هيك
وحزينة طول هالعمر...
وخود هاي

صحي أنا بهالحلة بربح ليترين مازوت الأول لأني عازب
والتاني لأني ما بلعب رياضة ....
وياخدوهن ما بدي ياهن

إهاب · **مرسل:** الأحد نوفمبر 29, 2009 4:41 am

موضوع أكثر من رائع

و يكفيني هنا بعض

تقبل تحيتي و احترامي

Osama · **مرسل:** الاثنين نوفمبر 30, 2009 9:06 pm

هلا بيكم جميع...... و عنجد شر البلية ما يضحك

LATEST_POSTS

من سيربح المازوووت

الموجودون الآن