مخطوطات داخل قبر تشكك بمؤلفات شكسبير ؟؟؟

Habooosh · **مرسل:** الأربعاء أغسطس 12, 2009 11:37 am

يرجح أن قبراً إنجليزياً يحتوي على مخطوطات تحل المزاعم بأن الأديب الإنجليزي وليام شكسبير لم يؤلف كل الأعمال المنسوبة إليه .

وأفادت صحيفة “صنداي تلغراف” البريطانية ان القبر يخص فالك غريفيل، الذي عايش شكسبير في القرن ال،17 ويعتقد البعض بأنه ألّف عدداً من الأعمال الأدبية التي نسبت إلى مؤلف “هاملت” وغيرها من المسرحيات الكلاسيكية الشهيرة . ونقلت الصحيفة عن باحثين قولهم إن تصويراً مقطعياً للقبر أشار إلى وجود 3 أشياء على شكل علب يمكن أن تحتوي على مخطوطات . وذكرت ان أعمال غريفيل ألمحت إلى احتمال دفن مخطوطات في القبر .

واعتبرت الصحيفة انه في حال وجدت أية نصوص في القبر، الذي يغطي سرداباً وضعت فيه بقايا غريفيل، فإن التدقيق المعمق قد يوفر للخبراء في الآداب دليلاً على الرابط الموجود بين شكسبير وغريفيل .

هل من الممكن ان تنهار اسطورة الاديب العملاق شكسبير ....
و لكن هل مت المعقول ان محبي شكسبير سوف يتقبلون الحقيقة .... الله أعلم

حلواني · **مرسل:** الأربعاء أغسطس 12, 2009 12:12 pm

شكسبير عملاق الادب الانكليزي يعني من المستحيل أن ينهار أبداً

#هبة# · **مرسل:** الاثنين نوفمبر 23, 2009 3:08 am

Habooosh,

لك حتى اللي مات ما مرتاح

عصام · **مرسل:** الثلاثاء نوفمبر 24, 2009 1:55 am

Habooosh,
مشكورة عالموضوع الحلو بعد هالغيبة
انا بالزمانات قريت بحث عن انو اعمال شكسبير منسوبة الو نسب بس ما اخدت وعطيت بالقصة لانو مين من حكيتو بهالنقطة ياخد الامور بمسخرة

بس انو اكيد ما رح يتقبلو

اقتباس:

لك حتى اللي مات ما مرتاح

#هبة#,

عاشقة العربية · **اشترك في:** الأحد أغسطس 19, 2007 4:26 pm

عن جد بالمواد الأدبية شو بيصير لغط وتشكيك .. يعني تخيلي انو كتاب الأغاني للأصفهاني يشكك فيه بطريقة رهيبة .. ولو بدهم يطبقو عليه علم الحديث بالبحث بالسند وقائلي الأخبار لبطل كله
تخيلي لأي درجة !!
طبعا هاد عدا التشكيك بالشعر الجاهلي وصحة نسبو للشعراء ، اللي هو أساسي جدا بالأدب العربي

لهيك توقعي أي شي بمواضيع الأدب
هلأ الشي الوحيد اللي ممكن يحل هالموضوع تقريبا ، انو يقارنو بين أعمال الأديبين وأسلوبن لحتى يقدرو يستنتجو ويوصلو لحل ، وبكل الأحوال لو طلعو فعلا مانن لشكسبير فالتقبل ما رح يكون سهل ، بس ممكن مع الأيام أو السنين اي

Habooosh,
آسفة ع الإطالة .. بس موضوعك حلو ودفعني للكتابة

عبيدة · **مرسل:** الأربعاء نوفمبر 25, 2009 3:11 pm

مرة من المرات ,, قرأت مقالة إنكليزية ,, عن شكسبير ,,

كان فيها ,, إنو كل شي لشكسبير ,, مو تأليفو ,, وإنما كان يجيب قصص أو روايات يعملا مسرحيات ,, أو هيك شي ,,

وكانوا كمان بالمقالة مركزين على إنو ما درس جامعة ولا كمّل دراسة

بئا الله أعلم ,,

بس الزلمة مات وشبع موت ,, يتركوا بحالو بئا

سلمووون خيتو

Habooosh · **مرسل:** الاثنين ديسمبر 07, 2009 1:50 am

عصام , هدى , عبيدة....

شكرا لردودكن ومتابعتكن ... بالفعل الكلام كتير طال بهالقصة ولسا مامبين شي حتى الان .... بس انشالله مايكون هالكلام مالو اساس من الصحة لانو هديك صدمة كتير كبيرة ع محبين شكسبير ...

عصام · **مرسل:** الاثنين ديسمبر 07, 2009 2:17 am

الله يعين هالشكسبير ويعننا عليه

حتى بقبرو ماخلصنا منو ولا هو خلص مننا

قال هلأ في دراسات عم تقول انو شكسبير شاذ

Habooosh · **مرسل:** الاثنين ديسمبر 07, 2009 2:20 am

عصام كمان وصلو لهون .............
ايييييييه عن جد الللله يعينو انا لو محلو
بقوم من قبري وبرجع بنتحر مرة تانية .... هاهاهاها
خلي هالناس تبسط و تلاقي سيرة جديدة....

عصام · **مرسل:** الاثنين ديسمبر 07, 2009 2:31 am

Habooosh,
اي والله

اقتباس:

خلي هالناس تبسط و تلاقي سيرة جديدة....

لك بينكشو السير من تحت اظافيرن بقا لا تخافي عالبشر

LATEST_POSTS

قوانين المنتدى

مخطوطات داخل قبر تشكك بمؤلفات شكسبير ؟؟؟

الموجودون الآن