بس كلمة كيفك تقليدية مستحيل التخلي عنها شكرا علموضوع

حلو الموضوع (كيفية استخدام كلمة كيفك )
انو عنجد أنا بتمنى الي عم يسألني كيفك ؟ اني جاوب عن حالتي الفعلية و ما قول منيحة و انا مو منيحة متلا ... و الأهم اني حس الشخص الي سألني يكون فعلا مهتم ... يعني على فرض كنت مو منيحة يكون مهتم يعرف ليش مو بس ناطر كلمة وحدة عالسؤال ... وبنفس الوقت لما بسأل حدى كيفك ؟ بكون فعلا ناطرة يحكليلي عن ظروفو و أخبارو
بس كمان وقع الكلمة بيختلف من شخص لشخص ... يعني في أشخاص ما منسترجي نقلن كيفك ... لأنو بيكون شكائين بكائين ... و بأحسن حالاتن كتيرين غلبة ...

الملاك,
.... الموضوع لمسني

كمان بتفق مع بالهنقطة واذا حللتي معي بتلاقي انو كلمة مرحبا هي بداية كل حديث



ملاك دائما متميزة دائما مبدعة

أسعدني موضوعك هون .. بعد نقاش سريع فيه سواا

بشوف انو كلمة (شبك) وقعها اكبر من (كيفك)
كيفك : تقليدية وتقال للجميع ، أما (شبك) ففعلا هالشخص بهمني وبمون عليه اسألو هالسؤال وبكون عن جد عم استنى جواب مرضي
ويمكن حتى لو قال : ولا شي ، فملامح وجهو رح تعبر اكتر من اي كلمة
ولاحظي صايرين بموضة .. انو بعد كيفك عم نسأل شو اخبارك لحتى نفهم أكتر ، بس نفس الجواب
هون القصة انو فعلا لو صرلو زمان ما حاكي معو ومقطوعين منيح عن بعض بسبب مشاغل الحياة ، فإنو من وين بدي يبلش ؟؟ شغلة طويلة وهاتي يتذكر شو اللي بيعرفو وشو اللي ما بيعرفو
بس انا معك انو تأثير كلمة كيفك فيما بعد رح يتغير كتير ، بس بدك شخص مناسب لحتى تتعاملي معو هيك
يعني كمان تخيلي لو سأتي حدا وانت مستعجلة كيفك _ بما انا كلمة تقليدية ومحط كلام_ وبلش يسردلك اي عن جد بتقولي عنو نقاق وكتير حكي

يعني انا مع صفا هون : خصووووووصي بموضوع الدراسة ، تقولي ما حدا عم يقدم ويدرس غيرن
وكمان مشكلة كل ما سألني حدا كيفك .. بلش سرد وحكي عن اخباري اللي ما برأيي الناس ما متشوقة تعرفا كتير انو يعني سؤال ومرق

لذلك انا بشوف انو المتصل هو اللي بدو يبدا بأخبارو لحتى يفهم من التاني وينفي عنو جواب الحمد لله اللي لازم نرفقو بباقي الأخبار أكيد

ومتل ما قلتلك هديك المرة .. ذكرتيني ببقعة ضوء ، هالشخص اللي بفيق متفاءل وبيطلعلو بهالنهار كل الناس اللي صرلو زمان ما شايفا وكل ما سأل حدا كيفك من قلبو بيبلشو قصّ لحتى ينفخو قلبو
ولما بتسألو مرتو بالآخر كيفك .. بيبعتا ع اهلا
فهون بترجع لطبع الشخص كيف بحب هالـ : كيفك

وفي أشخاص من أسلوب هالـ كيفك اللي رح تكون بلهفة بيعرف انو انت فعلا حابة تعرفي عنو شي جديد وتتطمني

حكيت عن كيفك أكتر لأنو بختلف بالرأي معك

Safa alaasi,
شكراً للعنونة الجديدة والمباشرة
وأنتي لخصتي فكرتك...بكلمة اختلاف وقع الكلمة وأنا معك بهالنقطة..
صح ما كل ما قلنا الكيفك التقليدية منعي الكيفك اللي بتحمل اهتمام حقيقي لمعرفة "كيفو"

أنس الدالي,
أنس خليني وضحلك من البداية أنو مافي أي اختلاف بيناتنا...أنا معك بكل كلمة أنت قلتا
بس أنت ما فهمتني أنو أنا بالنهاية ماني مع سرد قصة حياتي للشخص اللي بقلي كيفك
وانما فكرتي بأنو كلمة قيّمة ومهمة متل هالكلمة..ما نبتذلا
"بمعنى بفضل ما نقولا...على أنو نقولا مروراً عليها مرور الكرام"
إضافتك بمكانا...وأنا بعترف أنو فاتني عبر عن هيك جانبين مهمين
بس ببقى عند نقطة كلمة بجمال كلمة كيفك..ليه لحتى نستخدما مرة عرضاً ومرة عمقاً ؟

سحر,
"مع أنو طريقتك بالاقتباس الكامل والألوان بتعذبني بالقراءة "
بس بيبقى ردك مميز وقريب من القلب
تماماً
هو دبلوماسي ليستهل الحديث بكلمة حلوة "وانما ما بيعنيا" وأنتي عنفس قدر الذكاء لتجاوبي بدبلوماسية...
"لكنا هيك "

هدى,
أنا على فكرة ما بركز عنقطة "السرد للأخبار" بقدر "صحة الأخبار"
لأنو حتى الحمد لله..واللي هي الجواب الأصح والأكثر اختصاراً..في فن بأنك تقوليه...وفن تابع للسنة
وقت بتكون أخبارنا بخير منقول "الحمد لله"
وغير هيك منقول "الحمد لله على كل حال"
معاكي حق ما بقلك كلامك غلط
بس أنا بقا رأيي أنو كلمة كيفك كانت بيوم من الأيام بنفس المكانة المرموقة ونفس الجمالة والحس العالي
بس "نحنا" ابتذلناها"


محمد الصالح, ما بس أنت محمد
كل الناس...وأنا ما كتبت هالموضوع إلا لأنو الناس عم تعامل هالكلمة غلط

بس
أنا ما كتبت الموضوع ولفتت الانظار لهالكلمة عأمل التغيير...بظن إنا تأصلت ككلمة عابرة وفقدت معناها ومعد تقدر تسترجعو
بس قصدت حسس كل شخص بمر على هالموضوع أنو في كلمة حلوة بتنقال حوالينا
"أنا بحبا لهالكلمة..وبحب الناس يحبوا"

أنا ما بدايقني أعرف انو كلمة كيفيك عم تنقلي مجاملة ع الماشي ..
لإنو أنا بضطر استخدما ..
مع الناس اللي ما كتير خلطة فين
يعني معرفة من بعيد لبعيد
والسلام واجب ... بقا بسلم وع الماشي ..
وما بزعل حدا يسلم عليي بنفس الطريقة
لإنو علاقتنا بالناس مو كلا نفس المستوى
اللي بيزعجني بقا
ان حدا ((( كان بيوم من الأيام ))) كتير بهمو كيفني وكان يسألني الكلمة من قلبو...
وبعدين صارت مجرد كلمة مبتذلة ع لسانو ..
بس الحمد لله ..
أنا بس اسأل كيفك .. ببين عليي اني صادقة فعلاً مع الناس اللي بهموني..
وحتى بتصير معي شغلة انو بعض رفقاتي بننقطع عن بعض لفترة طويلة ..
وبس يشوفوني وقلن كيفك ..
بكونو مستعدين يسردولي حتى أعمق الأسرار..
بيوثقوا فيي وبرأيي ونصائحي بمشاكلن
بقا مهما طالت الغيبة وسألتن كيفكن بيحكولي بصدق وعمق
الحمد لله هاي نعمة اني بقدر ساعد رفقاتي وانصحن بأسلوبي
بس أنا كمان مع اللي قالو ما بحب الشكائين اللي مستعدين بأي لحظة يفتحو مناحة وعزا... مع اني أحياناً بكون منن لما كون مدايقة




الملاك,

ع فكرة الموضوع ببالي .. وبيهمني ونفس اليوم اللي نزلتي فيه كنت عم احكي مع رفيقتي ب ( كيفك ومعانيها )

قال يسلمو

الملاك,
أول شي كيفك؟

يعني انشالله كل الأمور تمام ؟؟


وحسب طريق رد الشخص التاني (المخاطب) بيبين معنا كيفو
__الحمدلله بطريقة حماسية .. مرتاح .. مبسوط .. تعابير وشو عم تضحك
__الحمدلللله
__مااااشي الحااااال
__من الله منييح
بيبين ازا الشخص اللي عم يسأل مهتم أو لاء لما بيستطرد بالسؤال أو بيتجاهل طريقة الجواب السابق