يُقال في المرأة و بالتحديد " الزوجة " ... " وزارة الداخلية ".
و ثمة الكثير من المناسبات التي بتنا من خلالها نسمع لقب " وزارة الداخلية " و إليكم بعضها :

تجلس وسط أصحابك وقد بلغ الهرج و المرج منكم الذروة , فجأة يرن جوالك و ينقلب حالك .. و عندما تُسأل عن المتصل , يكون ردك على النحو التالي : "إنها وزارة الداخلية " .

و عندما تًسأل عن بعض الأمور الحياتية و لا سيما أمور البيت و خلافه , يكون جوابك " العلم عند وزارة الداخلية ".

يعرض عليك بعض الأصحاب أن تخرج برفقتهم للترويح عن نفسك و استعادة الأيام الخوالي , تلقى الفكرة ترحيباً كبيراً من قبلك , و لكن يبقى سؤالك " هل ستكون هذه الفكرة موضع ترحيب لدى وزارة الداخلية " ؟؟

و مما هو مُلاحظ أن هذه العبارة باتت تترد على لسان أغلب الرجال سواء كانت الزوجة جديرة بهذا اللقب أم أنها كانت ضحية للتقليد الذي بات معظم الرجال يتبعونه عندما يأتي أحدهم على ذكر زوجته .

و في هذا السياق أتوجه إليكم بالتالي :

1-ما هو الدافع الذي يكمن وراء منح الزوجة لهذا اللقب ؟؟

2-هل كل زوجة هي " وزارة داخلية " تمارس سلطتها فيما يتناسب و هذا اللقب ؟؟ أم أن هناك استثناء ؟؟

3-هل قيام الزوجة بالواجبات المترتبة عليها كربة بيت مسؤولة عن عائلتها يندرج تحت ما يسمى " سلطة وزارة الداخلية ؟؟

و أخيراً و ليس آخراً يبقى السؤال التالي :

4-ما هو دور " التقليد " في هكذا موضوع ؟؟ بمعنى هل وجود بعض الزوجات ممن ينطبق عليهن اللقب شكلاً و مضموناً يدفع البعض من الرجال إلى إعطاء زوجاتهم هذا اللقب لمجرد أن صديقه قد قال في وصف زوجته " وزارة الداخلية " ؟؟

شكرا لكي سيرين بصراحة هذا الموضوع مخصص للمتزوجين مو العزابية امثالي طبعا ههه بس يلا هلأ بجاوبك
أولا الدافع يكمن بأن المرأة غالبا تكون لها دور قيادي في تسيير أمو ر وشوون البيت وطبعا هذا اللقب يطلق على الأغلب للزوجة السليطة
طبعا وكما أشرت ليس كل مرأة مرأة وكل زوجة وزارة الداخلية فأمي متلا لا استطيع أن اقول عنها وزارة الداخلية بل مديرية ناحية ههه فهي ليس لها ادارة او صلاحية كبرى
لا لا نقصد بالامور البيتية وزارة الداخلية ولكن عندما تحشر أنفها في كل شيى تكون ليس وزارة الداخلية بل وزارة الدفاع
أجل بعض النسائ يصح ويطبق عليها صفة الوزارة الداخلية فتراها وجهها عبس وجسمها ثخين يعني هيك شي

شكرا الك سيرين على هالموضوع اللي فتقلي جروحاتي لانو ذكرني بزوجتي قصدي وزارة الداخلية
وانا كمتزوج اقول:
ان كثير من النساء يستحقن هذا اللقب لما يقمن به من دور قيادي وفعال في المنزل
فهي الناظم والشارع والمؤسس للبيت من خلال امساكها باموره
وكما يقال وراء كل رجل عظيم امرأة اعظم
وهذا لا يعني وصولها لحد التسلط كي لا تتحول الى وزارة استبداد
ولكن انا الحمد لله نفدت لان زوجتة متزنة وواعية ومرتاح معاها كتير ومستعد اعطيها وزارتين غير الداخلية
وبالنهاية التفاهم هو اساس كل شيْ
ولكل دوره في المنزل واذا كانت هي وزارة الداخلية فانا لا ارضى ان اكون الا رئيس الوزراء
الله يخليلنا هالوزارة احسن شي
وهلأ صار لازم روح لان بلشت الاتصالات تجيني من الوزارة طبعا
تقبلي مرور
وشكرا الك على الموضوع الجميل
وكل بنت هي عبارة عن مشروع وزارة داخلية ونشالله الترفع قريب

حلواني ,

شكراً كتير لمتابعتك و لمشاركتك فادي نورت الموضوع و يا هلا فيك

يسار دعبول ,

شكراً كتير لمتابعتك و مشاركتك و إن شاء الله يا رب بتبقى مبسوط مع زوجتك و الله يديم التفاهم و الوفق بيناتكن

سيرين,
موضوعك كتير حلو ومهضوم ..يعني آخد منحيين كوميدي و و بنفس الوقت منحى يدل على التقليد ( السلبي بمجتمعنا ) و طبعا يسلموووو بعتقد أنو الدافع وراء منح هذا اللقب بالنسبة للرجال هو أنو الزواج مسؤولية و مسؤولية كبيرة كمان و يمكن يكون بعض الرجال قبل الزواج غير متحمل للمسؤولية ..لهيك لما بيصير عندو زوجة و أولاد وقتا بحس حالو مقيد من ناحية ( وزارة الداخلية ) و لهالسبب بيمنحها هاللقب اللي بيدل على تقيد
و من ناحية تانية كمان هون ممكن نذكر مسؤولية الزوجة بأنو لازم تحسن اختيار الوقت المناسب للإهتمام بزوجها أو ببيتها
مع العلم بأنو في زوجات رائعات بس بالرغم من هالشي أزواجهم مو مقدرين هالشي ..و بيمنحوهم هاللقب أكيد لأ و دائما لكل قاعدة استثناء ..و أي زوجة لازم تتبع انو ( لا إفراط ولا تفريط ) يعني انا بشوف أنو الإهتمام الزايد رح يحسس مو بس الزوج و كمان الأولاد بأنو مقيدين لرغبة و تحكم شخص محدد و بهالحالة الزوجة رح تتعب و العايلة رح تتعب معها كمان ..و لازم منح كل شخص مساحة من الحرية لحتى يشوف الأمور بمنظار أوضح و هون منوصل لنقطة أنو ترك الأمور على كيفها كمان بيكون سلبي كتير
و خير الأمور أوسطها لا ما شرط انو اهتمامها بالواجبات ( كربة بيت ) مو بالضرورة يمنحها هاللقب ..و إذا الزوج منحها اللقب بهالحالة فالمشكلة بتكون عند الزوج مو عند الزوجة و هون ممكن نعكس اللقب ..
يعني الزوجة اللي ( تدير أمور اسرتها ) بطريقة حكيمة وبعيدة عن التسلط شي رائع جدا و أكيد هالشي يؤدي لنتائج ناجحة داخل نطاق العائلة و كمان بيخلق جو دافيء بس أنو ما يتعدى هالأهتمام ( لوصاية ) و منح مقدار و لو كان قليل من الحرية لأفراد الأسرة رح يكون الو تأثير ايجابي بين الزوج والزوجة والأولاد يا عيني عليكي يا سيرين
اي اكيد ومتل ما منعرف بمجتمعنا صار التقليد الأعمى منتشر و صار اي حدا بيقلد لمجرد انو شاف رفيقو مثلا عم يقول هيك فعجبو هاللقب وبدون ما يفكر بيمنحو لزوجتو و ان كانت افضل زوجة بالعالم بس هالشي بيتبع شخصية الزوج بالنهاية اذا كان مقدر تعب زوجنو أو لا ...
سيرين تقبلي رأيي و مروري و مشكورة عالموضوع طبعا

سيرين,
موضوع جميل..
لنكن واقعيين ... أغلب النساء .. كثيرات الأسئلة.. كثيرات التدخل ..
كثيرات الأوامر .. وفرض القوانين... كوزارة الداخلية .. فرد شكل
هي كلمة محببة .. حيث أن فيها خفة دم
أظن أن الرجال يتناقلونها من باب الدعابة فقط
لا مانع عندي من أن يطلق علي وزارة داخلية في يوم من الأيام..
فلا أتصور أن الرجل يقول هذه الكلمة وهو غاضب فهو قادر على أن يقول أبشع منها.,.
بل يقولها من باب الدعابة
حلواني,

أضحك الله سنك يا أبا جحفل


يسار دعبول,


هنا الفهم وتقبل الأمور ومماشاتها ... والثقة بالنفس
أدام الله محبتها في قلبك .. وزاد محبتك في قلبها
سلمت يداك سيرين

ranoo.sh ,

أول شي يا ميةهلا فيكي بعد هالغيبة عن الساحة

تاني شي .. كلامك صح رنا لأنو فعلاً منشوف أنو في أشخاص بدن وقت منيح لحتى يتأقلمو مع فكرة البيت و الزوجة و بالمختصر المفيد " المسؤولية " . كتير منشوف زوجات عين الله علين يعني بالبيت ربات منزل و بامتياز و برا البيت كمان عندن القدرة على التعامل مع الأمور المختلفة بحكمة و روية ... و بالمقابل ممكن يكون الزوج مو هيك و بيكره هاد الأسلوب ربما لأنو بخالف شي هو بحب يتبعو و هيك بشوف في حكمة الزوجة و قدرتها على تسيير الأمور بالشكل المطلوب قيد لألو .. معك رنا بس لازم هالحرية تكون بعد ما تنحط النقاط على الحروف , يعني كل شخص يحكي ألي عندو و يبرز حجتو و بعدين بتكون الحرية المبنية على أساس سليم .
بقي قلك رنا شكراً كتير لمشاركتك و رأيك نورتي الموضوع و يا مية هلا فيكي

أوركيدا ,
هاد من ذوقك أوركيدا " أغلب " يعني مو الكل
و بالنهاية أصابع الإنسان مو كلها متل بعضها أكيد ..
و نحنا ما عم ننفي وجود هاد النوع من النساء لأنو موجود كلامك صح أوركيدا .. بس هاد بيعتمد على مناسبة استخدام هاد المصطلح , و طريقة استخدامو بس يا هل ترى أوركيدا شو وضعها بالتديد بقصد , رح تنطبق عليكي
هالعبارة جملة و تفصيلا ؟؟؟ و لا رح تكون مجرد لقب محبب لا أكثر و لا أقل ؟؟؟ الله يسلمك يا رب أوركيدا و الله يبعتلك أيام حلوة متل روحك الحلوة فرد شكل
نورتي الموضوع و يا مية هلا فيكي

اغلب النساء تتدخل بشؤون الزوج والاسرة وحتى الصغيرة منها وبعض النساء لديهن الرغبة بالتدخل ولكن يمنعهن الحياء او الخوف من غضب الزوج من التدخل في امور الزوج وحتى الصغيرة منها كما قلت ولذلك تم تسمية الزوجة بوزارة الدخلية
ويزاد تدخدل الزوجة مع زيادة درجة تعلمها ففي المجتمعات الريفية حيث تكون الزوجة اقل تعلما نرى اختفاء هذه الظاهرة تقريباً فالزوج يعمل مايريد دون اي تدخل من الزوجة بينما في المدينة نرى الزوجة تتدخل حتى في طريقة لباس وطعام الزوج

Mokhlef ,
مو بالضرورة مخلف .
يعني في زوجات متعلمات و واصلين لمرحلة عالية من العلم و مع هيك بتلاقي أنن بيدخلو بس عند الضرورة و حسب الموقف , و بالمقابل رح تلاقي أنو في زوجات , و ألي ما سمحتلن الظروف لسبب أو آخر أنن يكفو تعليمن , روح قلبن يعرفو كل شي شو ما كان صغير أو كبير .
خليني أذكر هون مثال " الغيرة "
بقصد غيرة الزوجة على زوجها ... برأيي مثلاً أنو الغيرة ما بتعرف لا متعلمة و لا مو متابعة تعليمها و الحياة أكبر برهان...
يعني وقت بتلاقي الغيرة طريقها لقلب الزوجة , رح يصير عندها هوس بكل شي , بدها تعرف وين ؟؟ و ليش ؟؟ و مع مين ؟؟ و من إيمتا ؟؟ و لإيمتا ؟؟ رح علق على كلامك مخلف بالتالي :
في قول مأثور بقول " الطبع غلب التطبع " ... يعني و قت الله سبحانه بيخلق هالإنسان و عندو طابع الفضول و حب الإحاطة بكل كبيرة و صغيرة , فسواء كان من المدينة أو من الريف , و سواء كان متعلم أو لأ , رح يبقى الطبع هو السائد و قد ما حاول أنو خلص بدي حط حد ألا ما يرجع بشكل أو آخر لطبعو الأصلي .

بالمختصر ... أرى أنه ليس هناك من رابط ما بين عناصر الزمان ,و المكان , و التحصيل العلمي , و ما بين حب التدخل و الفضول و معرفة أدق التفاصيل .

شكراً كتير لمرورك و مشاركتك مخلف نورت الموضوع و يا هلا فيك بساحة حوار