السلام عليكم ورحمة الله وبركاته
أنافي السنة الأولى انكليزي واجد صعوبة في دراسة الشعر والنثر فماهي الطريقة التي تنصحوني ان استخدمها في دراسة كل منهما

صحيح متل ما قالتلك اندلسية كل دكتور بيحب طريقة وعملو متل ما بدو

بالنسبة للنثر كمان نفس ما قالت اندلسية انو تحطي الكتابين قدامك يلي بالعربي ويلي بالانكليزي وكل صفحة بصفحتها وما في شي صعب وما في شي بيخوف كمان وصدقيني مجرد ما قريتي الروايات رح تتكون عندك فكرة عامة ورح تقدري تجاوبي على الاسئلة وحاولي كل ما مرقت كلمة جديدة تحفظيها وانت عم تقري

اما بالنسبة للشعر فبكفي انك تدرسي الاساسيات يعني التعاريف يلي طبعا في سؤال عليهن بالفحص وكيف بيقطعوا الابيات

اما القصائد ففهميهن فهم اول شي ولا تعتمدي على البصم ابدا وبس فهمت القصيدة حاولي انت تشرحي من عندك انا هيك كنت اعمل وعن جد اثمرت طريقتي حتى لو غلطتي املائيا حاولي تصلحي وعن جد الدكتور كتير بيحب انك تكتبي شي هوي موكاتبو يعني اجتهاد شخصي

وبجوز يجيب بافحص سؤال انو بحط كلمات باللغة الانكليزية القديمة وانتو بدكن تكتبوها باللغة الحديثة

على كلن اكيد رح تقول او يقول الستاذ نموذج الاسئلة بس انت حضري لحتى تعرفي

الله يوفقك يا رب وانشا الله كون قدرت فدتك

shadia,
كتيرين عم بيواجهو صعوبات لسبب رئيسي انو مو متعودين ياخدو كلشي بالانكليزي وطريقة الدراسة اختلفت عن المرحلة الثانوية بس حطي عقلاتك براسك واتعبي شوي اكيد بتلاقي نتيجة

بالنسبة لمادة الشعر
فالدكتورة رح تجيب مقطع من قصيدة من اللي عم تاخدين وتقلك انو تشرحي وهالشرح هي عم تنقلو خلال المحاضرة
رح تقلك قطعي بيت من هالمقطع وقولي شو القافية ولاي بحر بينتمي وهدول كلن عم تقول عنن خلال المحاضرة
بجوز تقلك انو تحكي عن الفكرة العامة للقصيدة وهي عم تنقلكن ياها بالحرف خلال كل محاضرة
وبجوز تقلك انو استخرجي شي استعارة او تشبيه من شي بيت بهالمقطع اذا موجود
ورح تجيبلك تعاريف من المحاضرة الاولى اللي نقلتن
هي مادة الشعر

اما مادة النثر
فرح يجبلك الدكتور سطر او سطرين من العجوز والبحر او انا والمدن الخمسة ورح يطب منك تكتبي عليه تعليق
التعليق لازم تكوني بتعرفي طريقة كتباتو لانو خلال المحاضرات اعطى اكتر من مثال على هالشي وقال عن اهم النقط المطلوب التعليق عليها وهن
ولاتنسي تحطي تحت عنوان الرواية سطر
وانك تغمقي النقط بنهاية كل جملة

والسؤال التاني رح يكون انو تكتبي 20 سطر عن موضوع باحد الروايات
مثلا الصداقة والاخوة برواية العجوز والبحر
وهيك مواضيع فامورها بسيطة لانو بينحكى فيها كتييييييير وخلال المحاضرات كل ماكان يقرا كم سطر يقول هدول لفكرة كذا وكذا

واحتمال انو يكون في سؤال عن تعاريف وهدول نزلو بنوطة لحالن

وفي احتمال انو يجيب اسئلة قصيرة من الروايتين
مثلا بشو كان يحلم سانتياغو (الاسود او الاسماك او الولد)
لذلك وقت بتقري الروايتين بالعربي خليكي صاحية مزبوط

هي اهم شي بهالمادتين ووقت بيلزمك اي مساعدة تكرم عيونك
وبالتوفيق انشالله

يعطيكم الله الف عافية وانشأ الله رح اعمل متل ماقولتولي واكيد أذا صعب علي شيْ رح اسألكم لانو ما لي غيركم يساعدني فاتحمالوني

ولو يا صديقتي مين النا نحنا الطلاب غير بعض لانو نفس الهم

مرحبا الى كل فتاة من حماة و تجد صعوبة في التعامل مع المواد أو حتى حلقات البحث فأنا خريجة أدب انكليزي و بمعدل ممتاز و جاهزة للمساعدة .[

كلكن زوئ ياجماعة ...
غلبناكن معنا نحن المستجدين بيكون دمنا سميك اشوي...

مظبوط ياnone هو دمنا سميك بسبب كثرة اسئلتنا لأنو متل ما قلت نحنا مستجدين بس شو بدنا نعمل أذا ماسألنا مابنتعلم صح ولا لأ

shadia,
اي بسيطة كلنا كنا سنة اولى بالزمانات