مروحية
بفضل السرافيس ... وبعدن الباصات الجدد الحلوين
السرفيس أأمن من السيارة وأرقى من زحمة الباصات
بس أنا روحتي ع الجامعة وجيتي منها مشي ع الأقدام..
طبعاً ضد لإنو الشخص المريض ( نفسياً ) يلي ممكن يكون جنبا بالباص أو السرفيس ممكن يكون نفسو سائق التاكسي ... بالمواصلات العامة ممكن تهرب من أي مضايقة ... بس بالسيارة رح يكون هوي ماسك زمام الأمور
اي والله سمعت من بعض رفقاتي ... وهدول حرمو يركبو سرافيس بسبب بعض الحركات يلي تعرضلولا...
وسمعت من بعيد قصة:
انو وحدة كانت راكبة بسرفيس ... ضلت آخر راكبة ... بعدين حست انو السائق عم يغير الطريق ... تقلو وقف ما وقف ... وأسرع .. قامت فتحت الباب وزتت حالا ...
وتسببت لحالا بكسور وهيك ... بس كلو أهون من اللي كان ممكن يصير لو بقيت
أول شي بديهياً .. التستر بلباس محتشم..
تاني شي التصرفات ما تكون ملفتة .. يعني في بنات بيطلع معن كل الضحك وطق السير بالمواصلات
هدول للوقاية ... أما العلاج ... فيا أما تحتج ع التصرف الخطأ بلحظتو ..
يا أما ازا ما عندا جرأة توقف وتنزل


fofo star,
تسلم ايديكي ع الموضوع المميز

fofo star,
يا الله ما ألذو موضوعك

بالنسبة إلي حسب المشوار، بس بفضل السرفيس لأنو عام وأأمن وما عندي مانع لو كملت شوي مشي لو معي وقت
بس قليل كتييييير لآخد تاكسي من المكتب لأنو ما عنا مكتب حوالينا لذلك بوقف أي سيارة، وبفضل يكون عمو كبير
وبتذكر اول فترة أطلع فيا لحالي حط معي موس بالشنتة مشان صار ما صار بعيد الشر
وبباص أبدا ما طلعت ، بلاقي السرفيس أفضل
ولو لقيت الوقت متأخر بفضل المشي ولا أطلع بتاكسي، أو بابا ياخدني او يوصلني

وبالنسبة للمشاكل فأكيد منسمع ، وأكتر شي بالتكاسي
لسه عم نسمع هلأ بسرقة الشناتي وانت ماشي بالطريق ، وهي لا تاكسي ولا سرفيس فالله يبعد الشر عن الكل ويحفظنا من كل سوء

لا حول ولا قوة الا بالله ......

سؤال نسأله للشباب أولا وأخيراً ما هي الخيارات التي تركها أبناء جنسنا للفتاة في هكذا مجتمع يركض ملهوفا نحو الهاوية الأخلاقية :

-تروح مشي وتسمع شي مية ألف تلطيشة وتوصل عالبيت فارطة من التعب !!!
- تركب سرفيس وتتحمل قلة زوق وأدب شب من نوع منتشر ممكن تسوقه الأقدار الى جنبها !!!
- تاخد تكسي وتكون مستعدة للقفز في أي لحظة !!!
- تتعلم السواقة وتشتري سيارة لحالها بما أنو وضعنا المادي كلنا فوق الريح !!!
- تطالب المجتمع بتكاسي بتسوقها شوفيرات حصراً !!!


هدول الشوفيرية مننا وعايشين بيناتنا وكلنا (الشباب)منتحمل مسؤولية تصرفاتن
لأن لو عنا شي أسمو الأمر بالمعروف والنهي عن المنكر (ما بالضرورة بشكل رسمي ..بس هيك بين بعضنا ومن أنفسنا ) كان ما حدا ما فيو تربية اتجرأ يعمل حتى حركة وحدة علنا واللي حواليه عم يتفرجو عليه ويتبسموله ...

مجرد أقتراحات قد لاتفيد عملياً لأننافعلياً لا ندرك وضع الفتاة وارتباكها في هكذا حالات:
-البنت لا تخجل أبداً من توبيخ أي شب يعمل حركة وحدة جنبها ما تعجبها سواءاً باقترابه منها بشكل مقصود أو غيرو ولا تتردد في الطلب من أي شخص أخر موجود بالتفاهم (ويفضل عدم التفاهم مع هيك نمرة) لأن صحيح فقدنا الكثير من تعاليم ديننا لكن الغيرة لسه موجودة جوا وما في رجل بتستجير فيه بنت بهيك موقف ألا رح يعمل اللي عليه
- ما تطلع البنت بتاكسي الا عند الضرورة لأن مهما كان السيرفيس بيضل أأمن وفي ناس موجودين حواليها
-ازا لا سمح الله وصار موقف مشابه بالتاكسي ... ببساطة تمسك التلفون وتحكي (أو تعمل حالها عم تحكي ) فوراً وبدون ما تتردد أو تصرخ عالشوفير وتقول انا طالعة مع شوفير مواصفاتو كذا وكذا وازا كانت بطاقتو الأسمية اللي قدام عالبلور مبينة عليها تقول اسمو أو رقمو للشخص اللي عم تحكي معو (أو الأسرع انو تحكي فورا بشكل وهمي ) وازا ما عرفت تحكي ولا شي من اللي قلناه تقول مثلا عالموبايل :
عمو _فلان_ ليك في شوفير تاكسي جاي بأتجاه محلك (دكانتك )و بعد ثواني بيمر من جنبك طلاع لبرة وشوف نمرة سيارتو لهالواطي ما عم يوقفلي .....
أو اي شي من هالقبيل
وأكيد بوقتها رح يخاف متل ال..... ويتلبك ويوقف مكانو شو ما كان الأسلوب أو التهديد
طبعاً هاي الشغلات بتستلزم ثقة بالنفس وسرعة قبل ما يوقع الفاس بالراس لا قدر الله
وان شاء الله ما نسمع انو في حدا تعرض لهيك موقف
ولا حول ولا قوة الا بالله

أحييك أخي الكريم, حقا كما يقال (حطيت ايدك ع الوجع)

قبل أن أبدي برأيي, صدقا لم أواجه أي إزعاج في السيرفيس, وأثناء المشي موقف واحد فقط أخافني جدا فلجأت للتكسي (ولا حدا يقول الحشمة بتستر بهيك حالات), أما عن التكسي: مرة واحدة فقط نجح الشوفير في إرباكنا ضمنيا (3 بنات ومو وحدة) دون أن تبدو علينا علامات الخوف وإلا أظن حينها كنا قد نتعرض لموقف مخيف على الأقل,

لست من سكان حمص أو المحافظات الضخمة, ولست ممن يضطرون للخروج لوحدهم إلا في حالات قليلة جدا عندها ألجأ لشوفير معروف من قبل العائلة أو تكسي من المكتب (ومعظمهم أصبحو شبه معرفة لكثرة المعاملة ), لدرجة أنه في احدى الأيام لجأت لتكسي من المكتب مضطرةً عندما اعتذر الجميع عن ايصالي للكراجات في الساعة 12:30 ليلا وطلب ايصالي للبولمان إلا أني رفضت وندمت والحمدلله

أما في حمص, إذا كان لدي متسع من الوقت فـ لست مضطرة للتكسي, وفي أحيان أخرى استخدمه مجبرة كون السرفيس لايوصل للمكان المقصود ولست ممن لديهم خبرة في الحارات, مع ذلك استخدمه وحدي دون التفكير بالخوف (وكأن الخوف قبعة أخلعها عندما ألمس باب التكسي للصعود) وإلا اظنني قد اواجه موقف مربك,

نحن مجبرين على الخروج والركوب وحدنا إنما الخوف او الرعب المغروس بداخلنا متعب جدا ونضطر لحرق أعصابنا بشكل يومي تقريبا لنزفر بعمق عندما نصل المنزل بسلامة لنحمد الله على الستر والتوفيق

اعجبني تصرف فتاة عندما تعرضت لموقف من هذا القبيل حيث خرج الشوفير عن الطريق متجها لخارج المدينة فما كان منها إلا الاتصال بوالدها وإعطاءه رقم السيارة والطريق المتجه نحوه,

اظنه الحل الانسب ودائما اقرر أن افعل ذات الشيء واسجل رقم السيارة قبل الركوب إلا أنني دائما انسى, ومجرد شعوري بشيء مخيف أو ماشابه اهيء موبايلي للاتصال بأخي الأكبر (علما أنه يبعد عني حوالي عشرة ساعات) وربما اتصل به دون اشعاره بأي شيء فقط لأحصل على قسط من المعنويات او نصيحة سريعة إذا ما لاسمح الله حصل شيء

اظنني سوف أفكر مليا بعد اليوم قبل استخدام التكسي,

لنا أن نتكل على الله ونطلب الستر وليس إلا


تحياتي للجميع

يعطيك العافية الموضوع كتير حلو ورائع لانو بناقش مشاكل عم تصير معنا
يعني فعلا الحدة فينا بس تطلع بوسيلة نقل بضل قلبا بايدا لحتى توصل عالمحل الي رايحة علي ويوقف السيرفيس او التكسي وتنزل
بسيعني بدي قول هالانسان الي عم يخطف مثلا بنت بالتكسي ماعندو اخت او بنت او ام او زوجة يعني ما بخاف ع عرضو وشرفو
وصرنا عم نسمع سمعات بتخوف من ناحيتي انا ما بسترجي اطلع بتكسي لحالي بس لما بكن ببلدنا لانا صغيرة وامان وكل الناس بتعرف بعض اما بالمدن ساعة الي بكون بحمص او بلشام ولا مرة فكرت اني اطلع بتكسي لحالي ابدا وماني مع بنت تطلع بتكس لحالا ابدا لانو متل ما بيقولوا الي ما بيحسب ما بيسلم والقايةخير من قنطار علاج وكمان بعد عن الشر وغنيلو
وحتى لما بتطلع لبنت بالسرفيس اذا شافت مافي ركاب ما تطلع او اذا نزلو الكل وما ضل حدا غيرا تنزل معون
عجبتني فكرة اخذ المعلومات عن الشوفور والاتصال بس بدا قوة قلب
شكرا فوفو ستار عالموضوع كتير