يُقال في وصف شخص ما : إنه إنسان شرير

و يقال في مكان آخر عن شخص ما : إنه إنسان محب للخير

و ما أود طرحه من خلال هذا الموضوع هو التالي :

هل ثمة" خير مطلق" أو " شر مطلق " ؟؟؟ أم أن كل من " الشر " و " الخير " نسبي و يتوقف على طبيعة الشخص

ذاته ؟؟؟

سيرين, شكرا عالموضوع بصراحة عجبني كتير و أنا بقول انو نفس هالشخص ممكن يكون محب للخير بموقف معين و ممكن يكون شرير بمواقف تانية .. يعني سبحان الله تركيبة الانسان من أغرب ما يكون و ما في أي انسان مهما بلغ فيه الشر إلا و عندو كم من الخير ..
و برأيي ما في شي مطلق بالدنيا حتى الخير أو الشر . و الخير المطلق هو الله عز و جل
تقبلي مروري سيرين

سيرين, حسب علمي , يوجد بذرة خير و بذرة شر بنفس كل انسان , و بعدها هو و المجتمع اللي عايش فيه , إما بنمي بذرة الخير لتقضي بعد ما تكبر ع بذرة الشر , أو العكس
بحيث بالآخر لا يمكن ان يكون الشخص نفسة خيّر بموقف و شرير ( بمعنى الكلمة ) بمواقف أخرى , فاللي ربي انو يكون محب للخير , رح يكون هيك بكل تصرفاته طول حياته .
إلا ازا اجاه موقف حاسم قتل عندو البذرة و كل دوافع محبتو للخير , بقوم بينقلب محب للشر كل يوم اكتر من اللي قبلو حسب سرعة نمو هالنبتة . طبعا هاد بكون بالأساس نبتة الخير عندو ضعيفة و واقفة ع نكشة .
فكيف اللي عندو نبتة الخير صارت شجرة ؟ هي شو بدو يكسرها ؟

موضوع حلو متل كل مواضيعك

سيرين,
موضوعك كتير حلو
راح جاوب باختصار
نحنا بشر يعني نحنا مافينا خير مطلق لنكون ملائكة ولا فينا شر مطلق لنكون شياطين بالنهاية نحنا ذات بشرية يعني خير +شر ما تصدئي في بشر ملاك ولا في بشر شيطان بكل معنى الكلمة وإلا ماكان في عقاب ولا كان في ثواب ولا كان في صفة لله تعالى بإنه غفور رحيم
مشكورة كتير سيرين موضوعك كبير كتير وكتير من المناظرات على مستوى العالم عم تقوم على هذا الموضوع موفقة يارب

A..R..W..A ,


الشكر ألك أروى على مشاركتك و هاد من ذوقك
هاد بيعني أنو طبيعة الموقف هي التي تفرض على الشخص المعني طريقة معينة للتعامل مع هذا الموقف سواء بشكل إيجابي " الجانب الخيّر " أر بشكل سلبي " الجانب الشرير "
يا سبحان الله !

شكراً كتير ألك أروى على مشاركتك نورتي الموضوع و يا مية هلا فيكي

فارس ,

ذكرت نقطين كتير مهمات و أساسيات بهاد الموضوع و ألي هني " بذور الخير و الشر " و " دور المجتمع و أثره في تنمية هذه البذور أو القضاء عليها ". و أكبر دليل على كلامك هاد هو عندما تقوم عائلة ما بتربية طفلها تربية سليمة بكل ما تحمله الكلمة من معنى
و هون منكون أمام احتمالين فيما يخص أثر المجتمع : إما بيبقى هالطفل محافظ على المبادئ ألي ربي عليها و أما بينحني لتيارات المجتمع و آثارو و هاد الشي بيتوقف متل ما ذكرت فارس على نوعية و قوة البذور " بذور الخير و الشر " .
أكيد ما في قوة رح تقدر تهزا

الله يجعلنا من أهل الخير بأقوالنا و أفعالنا و يبعد عنا الشر بكل أشكالو
تسلم فارس كلك ذوق

شكراً كتير ألك على مشاركتك و متابعتك نورت الموضوع و يا مية هلا فيك

Widad ,
تسلمي وداد هاد من ذوقك
و متل ما الإنسان عندو نقاط ضعف و نقاط قوة , كمان في عندو الجانب الإيجابي المحب للخير و الجانب السلبي بس ما رح قول " الشرير " لأنو ما بظن أنو رح يجسد المعنى الحقيقي و الشامل لكلمة " شرير " لأنو متل ما قلتي وداد " نحنا بشر " .
شكراً كتير ألك على مشاركتك و تواجدك نورتي الموضوع و يا مية هلا فيكي

حلو كتير سيرين بهنيكي ع الموضوع
أنا بشوف قد ما كان شخصا ما شرير إلا ما يجي موقف ممكن يهدو و يطلع فيو جانب انساني (كتير منشوف هدول اللي بيكونو أشرار وبيساعدو طفل صغير مثلا أو شخص كبير بالسن أو حتى قطه)ولو حتى مره بحياتن.. بس هالشي بيدل لأنو مافي هالشر لمطلق بداخلو . ممكن يكون الشر سيطر على أفعالو وتفكيرو بس متل ما قلتلك في جانب أنساني داخلي لطيف ما نماه..
و كذلك بالنسبه للخير ..متل ما قالت انسه وداد..لو كان في خير مطلق للقيتينا ملائكه وهاد لشي ما بتلاقيه..و قد ما يكون الواحد كلو خير إلا ما ينوجدلو بعض الثغرات في حياته..
شكرا كتير الك وتقبلي مروري

إن كان في الإنسان خير وشر ، إلا أن الأصل فيه هو الخير ..
وأن ننفي واحدا منهما تماما فهذا فيه هدم للأخلاق
من مذاهب الصوفية من يرى أن كل مافي الدنيا والحياة خير وجميل، ومهما حدث فهو جميل حتى الصفات اللاأخلاقية هي جميلة أيضا وهنا هدموا الكذب وكل الصفات السيئة الأخرى في سبيل نقطة الخير هذه

لذا فإن طبيعة الإنسان وبيئته - كما ذكرتم - هي من أهم عوامل زيادة واحد منهما على الآخر

سيرين,
سلمت يداك عزيزتي .. اختصرتِ الموضوع بكلمات قليلة

ËVË , تسلمي يا رب هاد من ذوقك لأنو بالنهاية ما حدا فينا كامل و الكمال المطلق لله عز و جل شكراً كتير ألك على مشاركتك نورتي الموضوع و يا مية هلا فيكي

هدى , و هي برأيي نعمة من نعم الخالق سبحانه و التي تستحق منا أن نعمل على رعايتها و تنميتها في سبيل المحافظة على الإنسان الخّر بطبعه حلو كتير أنو الشخص يشوف أنو الدنيا بما فيها خير و جميل , بس الأحلى أنو الصفات اللاأخلاقية _متل ما ذكرتي هدى _ تتحول لشي جميل , بكرر " تتحول "مو ندرجها تحت عبارة " الخير و الجمال " متل ما هي .. تسلمي هدى و الله يسلمك يا رب
شكراً كتير على مشاركتك معنا بالموضوع نورتي و يا مية هلا فيكي

سيرين,
أنا ماني مؤمن انو في انسان شرير وانسان خير..بس في البعض بيميلو للشر اكتر من الخير او العكس..طبعاً هادا الشي بيعتمد ع طبيعة الانسان..وطريقة تربايتو..ومجتمعو..الخ..
طبعاً كل النقاط المهمة سبق وانذكرت..متل يلي قالو فارس.وداد.ايف.
بس حبيت شارك بالموضوع لأنو عجبني..
شكراً سيرين

unknown , تسلم يا رب كلك ذوق و وجودك معنا كتير بيسعدنا الشكر الكبير ألك و لمشاركتك نورت الموضوع و يا مية هلا فيك