يا عيني صار العيد و مالي خبر يسلموا اخي عالموضوع بس يعني الأخوات مايجابوا عالسؤال

انا لأني بدايق من هالقصة رح اجاوب طبعا بعد اذنك
الكلام اللي التو كتير صحيح و فعلا نزلة السوق قبل العيد صارت مو بس مشان جيب الأغراض و التياب اللازمة .. صارت تدريجة و تفتيلة و دوارة
هلأ التمشاية ما فيا شي بس مو بمكان مزدحم و الناس فيه فوق بعضا و من الطبيعي المرأة اذا مالا شغل فيه ما تكون فيه بالأصل
بالنسبة الي انا بشتري معظم الأوقات بعد العيد ما بعرف ليش بس هيك اخدتا عادة و مبسوطة فيا و مابنزل عالسوق الا للضرووورة

صمت القوافي,
موضوع حلو ومناسب للوقت الحالي وكل عام والكل بخير
بالنسبة للأسواق في كتير ناس بتشتري بأول رمضان، وفي ناس لأ ليلة العيد يا أما قلة فضى يا بقولو انو البضاعة الجديدة ما بتنزل غير بالعشر الأخير
طبعا عدا شغل البيت والمعمول ووووو
وهون اللي بدو يوعى ع العشر الأخير بضيعن بالبيت ونزلة الاسواق
لهيك لو الواحد بيأمن أغراضو قبل مشان يتجنب الزحمة كمان ويستغل آخر أيام رمضان
بس بصراحة في كتيير بيحبو ينزلو نهار الوقفة ويشوفو الزحمة .. مشان يحسو حالن بجو العيد ويشوفو الاولاد كيف مبسوطة،

صمت القوافي,

زحمة العيد الها نكهة خاصة ..صح انها مزعجة وخصوصي اذا كان في ناس نازلة ع السوق لغاية تانية بنفسها غير غراض العيد ..بس بكل صراحة اذا بتنزل اخر عشر ايام برمضان ومابتلاقي زحمة وعالم وسيارات ومحلات عاجأة ..بتحس انو في شي غلط

انا ما بدايق من الزحمة لان وين ماكنت هايكون في زحمة حتى الكلية فيها زحمة والطبيعي بهالايام تلاقي هالزحمة العجيبة ولأتفاداها بنزل منبعد الساعة 12 وما مابحب اتفتل بهالزحمة لن الي محلات بوثق فيا وكل عام وانتو بالف خير

صمت القوافي,
اول شي كل عام وانت بخير.... بالنسبة الي انا...مابحب الزحمة ابدا...
وخصوصا زحمة العيد...
مابحب انزل ابدا عالسوق...بحس البضاعة الي بنزلوها بتكون قديمة...وبعد العيد بنزلو احلى منها...
انا من الناس الي بينزلو بيشتروا غرضهم وبيرجعو....

تزاحمو تراحمو بس مو بالسوق
انا بتفتل للضرورة بس لانو لما بدي اشتري شغلة بشوفها بكل المحلات باخد الاحسن والارخص لانو هيك طبيعتي بخلي البياع يكره عمرو لما اشتري احيانا بوجع قلبي بس هيك الضرورة اذا رحت من اول السوق اشتريت ورجعت كل واحد ضحكو عليك هي القطعة مو مليحة وغالية لهيك ضروري اتفتل

شو موقفك من زحمة الأسواق بالأعياد؟
طبعاً أنا ضد هالزحمة طبعاً وما بحب أبداً الزحمة

هل أنت من الناس اللي بينزلو ع السوق بيشتروا غرضهون وبيمشو ولا من الناس اللي نازلين بس مشان يشوفو الزحمة؟؟؟؟؟؟؟؟؟؟؟؟
نوعاً ما :):)

هلئ انا ما بحب العجقة والزحمة
بس متل ما قالت مايا ازا نزلت عل سوق قبل كام يوم من العيد وما شفت عجقة وسيارت وزحمة بتحس انو في شي غلط
حلو كتير انو الواحد يحس بجو العيد وخصوصي لما بتشوف كل الناس مشغولين بجيب الغراض ومعجوقين ومو ملحقين شي
حتى زحمة السوق البشعة بصير الها نكهة خاصة و ريحة خاصة هيك شي بيشبه ريحة العيد