اللّوحــة الثالثــة::ألـــم الفـــراق::سيــريـن^_^شيكسبيريان

أحمد الدالي · **مرسل:** الجمعة أغسطس 21, 2009 5:52 am

كلمة بتسحقنا...كلمة باليأس بتملأنا..مننسى فيها طعم الحياة..ومنعاني كتير بسماعها وبفعلها
حروفها قليلة لكن بكل حرف موسوعة بزيد فيها ألمنا
كلمة مننجبر على ذكرها وهي:
(((((((الفراق)))))))
الفراق ألوانو القاتمة بالظلام بتعيشنا ..منفارق يلي منحبن وبدون ما نشعر وبلحظات بموت فينا الأمل
فراق الموت..فراق الغربة..فراق المحبوب.. وفراق... وفراق ...وفراق
الفراق بحر عبَر أمواجه كتير من الناس طمعاً بتحقيق الأحلام و إدراك الآمال و الهروب بقصد النسيان
ولكن غالبا ما تكون محاولات النسيان مفعمة بالفشل...
ما حدا منا لليوم قدر يهرب منو..طال الجميع كبار وصغار..أغنياء وفقراء..ألخ...

اذا بدنا نكتب عنه بدنا كتير..لذلك ومشان نعرف أكتر عن المسببات وطرق العلاج ان وجدت.. جاوبوني على الأسئلة :

1: شو بيخطرلك أول شي لما بتسمع هالكلمة؟

2: اذا حبيت انك تغير هالمصطلح فشو بتختار؟

3: ما هو أسهل فراق وممكن ننساه بسرعة؟

4: برأيك بتختلف شدة العذاب منه من شخص لآخر؟ شو السبب؟

5: شو هو أغلي شي بتفقدو لحظة الفراق؟

6: شو الفرق بين مضمون الفراق..ومضمون الوداع.. وشو العلاقة يلي بتربط هالكلمتين؟

7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟

8: مين بيتأثر أكتر..الرجل أم المرأة..؟

9: ممكن يكون لشدة العاطفة أثر أكبر من ضعف العاطفة؟ كيف وليش؟

10: شو هي الأشياء يلي بتخلينا ننسى أو نتناسى هالألم؟

11: مين هو أكتر شخص تذكرتو ونحنا عمنحكي عن هالموضوع؟

12: شو أكتر شي بخليك تتذكر الشخص يلي فارقتو؟

13: برأيك الفقر والضياع ممكن يكون إلهن سبب بالفراق؟

14: ممكن يكون للفراق آثار ايجابية؟

15: برأيك ممكن يتحول الفراق لحقد على الشخص يلي منفارقو؟

16: عطيني عبارة بتحس انها قوية عن الفراق؟

17: هل من الممكن إنو الفراق يحرك فينا مشاعر كانت مكبوتة؟

18: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟

19: شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟

20: شو بتنصح الشخص ببداية فراقو لشخص آخر؟

ومتل العادة معي ضيفين حبيت مشاركتهن بهالموضوع بشكر وجودهن ومشاركتهن اللمليئة بقوة التفكير

لا ننكر أن شريحة لا بأس بها من الناس قد وجدت في الفراق الدواء الشافي لمعاناتها , لكن و في الوقت ذاته ظلّ هؤلاء الناس يفتقدون شطراً غالياً من قلوبهم
هذه هي الحياة ... ألم و دواء شافي في الوقت ذاته
حلاوة ممزوجة بالمرارة أبداً
فراق و أمل بابتسامة القدر بالعودة و لم الشمل و صفاء القلوب .

أبعدني و أبعدكم الله عن آلام مطرقة الزمن .

و الآن أتوجه إليكم بالسؤال التالي :
للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟

من وجهة نظري الفراق الروحي هو من أخطر أنواع الفراق ...
هذا النوع من الفراق يدوم أثره على الشخص المفارق لفترة طويلة بسبب الضرر الذي يخلفه بعد ان يشتاق المفارق للشيء الذي فارقه ويعود له ولكن هناك من يسامح والبعض الآخر من الصعب أن ينسى

كذلك من فارق أدبه وحياءه وأخلاقه ومبادئه وما تربى عليه فمثل هذا الفراق سيكون له آثار ليست فقط على الشخص المفارق ولكن أيضاً على الوسط المحيط وهذا الوسط لا يمكن أن يسامح بسهولة وأن يغفر الهفوات ببساطة وسيدوم أثر هذا الفراق لفترة طويلة

سؤالي: هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟

إلى اللقاء في لوحة أخرى
أحــــمد الدالــــي

عامر الرشواني · **مرسل:** السبت أغسطس 22, 2009 12:23 am

أحمد الدالي,

مشكور على هالموضوع المميز ... طبعاً موضوع مميز من شخص مميز مثلك يستحق الإجابة بجدارة ....

1: شو بيخطرلك أول شي لما بتسمع هالكلمة؟
غنية فيروز " الله معك يا هوانا " و طبعاً الفراق بيرتبط بالدموع و البكاء و الحالة النفسية التعبانة ..

2: اذا حبيت انك تغير هالمصطلح فشو بتختار؟
الفراق فراق شو ما كان اسمو ..

3: ما هو أسهل فراق وممكن ننساه بسرعة؟
الفراق بكل أنواعو و أشكالو بشع لأنو مجرد ما تقول فراق يعني كان في حبل من الحب و المودة انقطع و يمكن أسهل أنواع الفراق هو فراق الغربة لشخص عزيز عليك اذا بتضل على تواصل معو و بتعرف إنو راجع ..

4: برأيك بتختلف شدة العذاب منه من شخص لآخر؟ شو السبب؟
تأثير قوة العاطفة هو المحدد الأول لألم الفراق برأيي ..

5: شو هو أغلي شي بتفقدو لحظة الفراق؟
الأوقات الحلوة بالنسبة لرفيق ... الضحكة بالنسبة للحبيب ... الحنان بالنسبة للأهل ..

6: شو الفرق بين مضمون الفراق..ومضمون الوداع.. وشو العلاقة يلي بتربط بين هالكلمتين؟
ما في وداع بلا فراق بس في فراق بلا وداع و هو يمكن أصعب أنواع الفراق " الفراق القسري " ..

7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟
الظروف بتلعب دور كبير جداً بالفراق و في أغلاط من إيدينا ...

8: مين بيتأثر أكتر..الرجل أم المرأة..؟
التنين بيتأثروا بنفس الطريقة و ينمكن بنفس الحجم بس الفارق هو بتأثير الفراق على كل شخص منن و شو بيظهر من هالتأثير على الشكل الخارجي و داخلية كل شخص ..

9: ممكن يكون لشدة العاطفة أثر أكبر من ضعف العاطفة؟ كيف وليش؟
أكيد ... العاطفة القوية بتزيد آلام الفراق بس ليش مااااااااااااا بعرف ..

10: شو هي الأشياء يلي بتخلينا ننسى أو نتناسى هالألم؟
الشغل و الإنشغال بقضايا الحياة اليومية ..

11: مين هو أكتر شخص تذكرتو ونحنا عمنحكي عن هالموضوع؟
رفيقي " عبادة " بدو يسافر بعد شي شهر و من هلق قالبها مناحة و عيشنا آلام الفراق قبل الوداع ..

12: شو أكتر شي بخليك تتذكر الشخص يلي فارقتو؟
الذاكرة ... ممكن صورة ... ممكن مكان مشترك ... ممكن كلمة ..

13: برأيك الفقر والضياع ممكن يكون إلهن سبب بالفراق؟
بنسبة كبيرة ..

14: ممكن يكون للفراق آثار ايجابية؟
ممكن إذا الفراق ناتج عن أغلاط ارتكبتها بحق الشخص اللي فارقني اتعلم من أخطائي و ممكن الفراق يحسّن حياة الإنسان غذا كان مع الشخص الغلط بالوقت الغلط ..

15: برأيك ممكن يتحول الفراق لحقد على الشخص يلي منفارقو؟
ما بتصور ..

16: عطيني عبارة بتحس انها قوية عن الفراق؟
بس المفارق وطن ... وين الوطن يلقاه ..

17: هل من الممكن إنو الفراق يحرك فينا مشاعر كانت مكبوتة؟
طبيعي و ممكن جداً جداً ..

18: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟
أكيد بوداع رغم قسوة الموقف بس بلا وداع رح اجرح الشخص اللي رح فارقو ..

19: شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟
إذا الله كاتبلنا نلتقى ... ما في قوة بالأرض بتمنع لقائنا ..

20: شو بتنصح الشخص ببداية فراقو لشخص آخر؟
حاول تلهي حالك بشي مفيد و بالفترة الأولى حاول تبعد عن كل شي بيذكرك بالشخص اللي فارقتو ...

[align=center]سؤال سيرين :[/align][/color]

للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟
برأيي متل ما جاوبت مسبقاً أقسى أنواع الفراق هو الفراق القسري اللي بيصير رغم إرادتنا و بيكون بلا وداع و دون معرفة الأسباب و الظروف المسببة لهيك فراق ...

سؤال شكسبيريان :

هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟
أكيد الفراق بها الأيام ما عاد متل فراق أيام زمان يعني في وسائل إتصال متعددة بها الأيام و هالوسائل بتلعب دور كبير بتسكين آلام الفراق ... و ما بتصور يكون الفراق أمر ممكن التعود عليه لأنو مهما تعددت وسائل الإتصال بيضل فراق ...

مشكور أبو حميد على الموضوع المميز ... و مشكورين سيرين و ابراهيم على الأسئلة المميزة ... و الله لا يفرقكم و لا يفرقنا عن حبيب و غالي ..

Hiba · **مرسل:** السبت أغسطس 22, 2009 1:42 am

[align=right] 1- شو بيخطرلك أول شي لما بتسمع هالكلمة؟
ممممممممم ضياع مع نفسك
2: اذا حبيت انك تغير هالمصطلح فشو بتختار؟
اجمل تعبير الفراق
3: ما هو أسهل فراق وممكن ننساه بسرعة؟
فراق الغربة متل ما حكى عامر
4: برأيك بتختلف شدة العذاب منه من شخص لآخر؟ شو السبب؟
اكيد حسب ارادة الشخص وقوته ع النسيان
5: شو هو أغلي شي بتفقدو لحظة الفراق؟
لحظات الفرح والولدنة
6: شو الفرق بين مضمون الفراق..ومضمون الوداع.. وشو العلاقة يلي بتربط هالكلمتين؟
مابعرف اذا في فرق نفس الشي

7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟
القدر واغلب الاسباب من صنع ايدينا وبارداتنا
8: مين بيتأثر أكتر..الرجل أم المرأة..؟ممم حسب الشخص وقوة ارادة لا صبية ولاحتى شب
9: ممكن يكون لشدة العاطفة أثر أكبر من ضعف العاطفة؟ كيف وليش؟
شي اكيد لانو العواطف بتحرك مشاعر الالم بس مع الايام كلما خفت العاطفة بخف الحنين والم الفراق
10: شو هي الأشياء يلي بتخلينا ننسى أو نتناسى هالألم؟
حياة جديدة بطريقة جديدة واهم شي تغير لو حتى بالمظاهر
11: مين هو أكتر شخص تذكرتو ونحنا عمنحكي عن هالموضوع؟
ممممم ؟.
12: شو أكتر شي بخليك تتذكر الشخص يلي فارقتو؟
المكان
13: برأيك الفقر والضياع ممكن يكون إلهن سبب بالفراق؟
اكيد
14: ممكن يكون للفراق آثار ايجابية؟
اكيد لانه كل شخص رح يتعلم شي بعد هل الفراق
15: برأيك ممكن يتحول الفراق لحقد على الشخص يلي منفارقو؟
صعب لانو يلي بحب بصدق ماب يقدر لا يكره ولا حتى يحقد
16: عطيني عبارة بتحس انها قوية عن الفراق؟
ولسا بتحبوا ياقلبي ------- ياقلبي حرام عليك
17: هل من الممكن إنو الفراق يحرك فينا مشاعر كانت مكبوتة؟
صحيح ويمكن بالعكس يقضى ع المشاعر كلها يعني يبنقلب الشخص الى انسان بس ميت

18: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟
ما بظن اختار اي طريقة لانو مجرد التفكير بيزعج
19: شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟
بحبك
20: شو بتنصح الشخص ببداية فراقو لشخص آخر؟
لاتفكر لو حتى ثواني ان ترجع للشخص او تلفت انتباه باي طريقة وطبعا احتفظ بحبك ولحظاته حبه الك بقلبك ولالك وبس ومادخل اي حدا بقصتك

سوال سيرين
[quote]
للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟
[/quote]
بتختلف حسب الفراق يلي عاشه الشخص بظن انا فراق الموت والحبيب
لانو الشخص بروح بلا رجعة ابدااااا
البعد بنسي شي اكيد واحسن دوااااا

سوال شكسبيريان
[quote]
هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟
[/quote]
نعم بيختلف انا براي كل ما خفت اهمية القيم والمشاعر والعادات بمجتمعنا رح تقل قيمة الفراق بالنسبة لاجيالنا

ومشكور ع الموضوع[/align][/font]

بانة · **مرسل:** الأحد أغسطس 23, 2009 3:00 am

أحمد الدالي
بداية بحب قللك إنه بالنسبة إلي هالموضوع مميز و لا يعلي عليه ... لذلك كانت فرحتي بعودتك إله وعودته إلنا مو قليلة ...

1: شو بيخطرلك أول شي لما بتسمع هالكلمة؟
بيخطر عبالي " الحزن " سواء لإلي .. أو لأشخاص عانوا من هالفراق ..

2: اذا حبيت انك تغير هالمصطلح فشو بتختار؟
بقول المسافة البعيدة اللي ممكن ما حدا يقدر يحسبها ....

3: ما هو أسهل فراق وممكن ننساه بسرعة؟
ما أظن في فراق سهل ومافي فراق ممكن ينتسى بسرعة .... بس بتخف حدته وبيتلاشي بوجود البدائل المناسبة اللي بتحل مطرحه وبركز على كلمة " المناسبة " ...

4: برأيك بتختلف شدة العذاب منه من شخص لآخر؟ شو السبب؟
إي أكيد بتختلف .... أولا بدنا نحكي حسب نوع الفراق ..شو هو ؟ وعن مين عم نفترق ؟ وليش ؟ وكيف و و و و
في فراق بإيدنا وصلناله والظروف وضعته أمامنا متل أي فراق عادي أو تنين بتربطهم أي صلة كانت تركوا بعض ..
وفي فراق هو حق علينا وهو فراق الموت ...

وبالنسبة للأشخاص وشخصياتهم كمان بيختلف الوضع ..
في ناس بيعجبها دور البطولة والحزن اللي لعبته بفراقها ... بتصير شخصيتها بالحياة مركبة على هالقصة ..
وفي ناس بفارقوا من هون بيسلوا حالهم من هون مو معناها مو متأثرين .. بس للتأثر أوقات عندهم
وفي ناس وفي ناس وفي ناس

5: شو هو أغلي شي بتفقدو لحظة الفراق؟
بفقد اللحظات المو طبيعية ولا العادية أبداً ... بفقد الشقاوة ..بفقد الونس ... بفقد كتير أشياء

6: شو الفرق بين مضمون الفراق..ومضمون الوداع.. وشو العلاقة يلي بتربط بين هالكلمتين؟
برأي ....
الوداع بيتبعه فراق ... بس الفراق مو دائماً يسبقه وداع.

7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟
عدا فراق الموت أو ما شابهه من حوادث... فيني قول :
ممكن يكون من الفراق بالنهاية 65% من إيدينا لأنه يمكن البداية بكون فيها شي غلط ..

8: مين بيتأثر أكتر..الرجل أم المرأة..؟
بيتأثر أقل هو اللي مشغول أكتر بأمور الحياة واللي بيقدر يضل بحقق إنجازات بحياته أيا كان نوعها وبيقدر يسلى وينسى شوي ..

9: ممكن يكون لشدة العاطفة أثر أكبر من ضعف العاطفة؟ كيف وليش؟
كل ما زادت العاطفة كل ما زاد ألم الفراق ..
هيك بعتقد ... بس ماني واثقة تماما من جوابي هون ..
لأنه أحيانا بكون معنا شخص ومشاعرنا نحوه كتير عادية , بس وقت بفارقنا بيشعل فينا شي مو عادي من الإحساس بقوة العاطفة ومرارة الفراق ..

: شو هي الأشياء يلي بتخلينا ننسى أو نتناسى هالألم؟
إننا نملي وقتنا تماما لدرجة وقت نوصل آخر شي بالليل ونقعد مع حالنا وقت بدنا ننام ما نلاقي مجال للتفكير ... لذلك الإنشغال ثم الإنشغال ثم الإنشغال ...

11:
تذكرت أربع أشخاص :مين هو أكتر شخص تذكرتو ونحنا عمنحكي عن هالموضوع؟
أولا حالي وأهلي اللي سافروا مبارح
تانيا قريب و عزيز علي كتير متوفي
تالتا رفيقه ما شفتها من ست سنين وتذكرت كيف ودعتها
رابعا شخص ما

طلبت شخص جبتلك أربعة

12: شو أكتر شي بخليك تتذكر الشخص يلي فارقتو؟فيني قللك أي كلمة أو جملة أو حديث و أي مشهد وأي غنية أي مكان وأي فاصلة وأي نقطة بالمختصر فيني قللك أي شي وكل شي

: برأيك الفقر والضياع ممكن يكون إلهن سبب بالفراق؟
الفقر والفراق إي
الضياع والفراق إي
إذن فقر وضياع معا أكيد في فراق ..

ممكن يكون للفراق آثار ايجابية؟
بصراحة ما بعرف
شي بقول لاء شي بقول إي ... ما بعرف

برأيك ممكن يتحول الفراق لحقد على الشخص يلي منفارقو؟يمكن ... إذا لعبت الإكتشافات دورها متل إني إكتشف هذا الحبيب أو هذا الصديق فارقني لسبب بكرهه أو ضحك علي أو ما شابه هالشي ..

: عطيني عبارة بتحس انها قوية عن الفراق؟
أثر المفارق صعب ..... غيمة سواد وليل

17: هل من الممكن إنو الفراق يحرك فينا مشاعر كانت مكبوتة؟
ممكن جدا وممكن يخلينا نكتشف مشاعر ما كنا نعرفها من قبل ..

: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟
للأسف ما بعرف شو رح ساوي

شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟
بتمنى قلله الجملة اللي كان يقللي ياها دائما نفسها :
" ما بنساك لو شو ما صار "

: شو بتنصح الشخص ببداية فراقو لشخص آخر؟
يقتنع إنه هيك مكتوب بإرادته غصب عنه هيك مكتوب ..
ولو كان الله بده كل شي يضل بلا فراق ما كان رح يصير هالفراق .. ما يلوم حاله ما يلوم الطرف أو الأطراف التانية وما يلوم الزمن ..
هي أول فكرة ..
تاني شي ... يشتغل ويلهي حاله انشالله بفك الساعة اللي بإيده عشرين مرة باليوم بس يفكها ويلتهي فيها ..

" ما بعرف بس يمكن عم بحكي من فوق الأساطيح "

سؤال سيرين :
للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟
أصعب أنواع الفراق .. هو إنك تفارقي شخص بتحبيه كتير وإله مكانته بحياتك ويغيب عنها فجأة لأنه الله هيك راد واختاره وتوفاه ..

أما بالنسبة للتداوي بالبعد ففي ناس بطيبوا بهالدوا يمكن

سؤال شكسبيريان

هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟
الفراق فراق وطالما في عاطفة عند البشر إذن ما رح يختلف برأي
بالنسبة لإنه يصير الوضع عادي ويروح التأثر بالفراق ... فصعب .. يمكن يقل التفكير فيه يقل بس التأثر ما بقل ...

يوسين 9889 · **مرسل:** الثلاثاء أغسطس 25, 2009 1:27 am

[من ترك شيئاً لله..أبدله الله خيراُ منه

فعلاااا موضوع مؤثررر ومؤلم للغاية

....الله يخلي كل الناس لبعضها و ما يفرق حدا .....

أحمد الدالي · **مرسل:** الثلاثاء أغسطس 25, 2009 4:23 am

عامر الرشواني,
ع راسي يا حبيب.. وجدك المميز...
وأجوبتك القوية متل ما بعرفها ما تغيرت...
تقبل احترامي لكل حرف كتبتو ولرأيك الكريم

Hiba,
متل العادة جواب على قد السؤال وبس
شكر لوجودك الكريم بالموضوع...
ناطر أجوبتك بالحلقة القادمة...

بانة,
مية وردة ... انت جزء من الموضوع بأجوبتك يلي مت ما عرفتها...
كتير فيها ألغاز وكتير فيها جدية.. وهدا الشي يلي حلو فيها...
نورتي ..خليكي متابعة
يوسين 9889,
بيسعدني وجودك معنا للمرة الأولى على ما أظن...
تقبلي احترامي لوجدوك..ولأجوبتك العفوية

شادي · **مرسل:** الثلاثاء أغسطس 25, 2009 3:13 pm

مبارك صيامك يا أحمد و بهنيك على هاللوحة المنتظرة ...

اقتباس:

1: شو بيخطرلك أول شي لما بتسمع هالكلمة؟

ترتسم صورة لا أنساها في ذاكرتي لدموع الأهل عند سفري و الأحباء في مواقف لا تنسى ...

اقتباس:

2: اذا حبيت انك تغير هالمصطلح فشو بتختار؟

( أمل اللقاء مجدداً )

اقتباس:

3: ما هو أسهل فراق وممكن ننساه بسرعة؟

الفراق المؤقت ( لسفر وغيره ) و ينسى بعد اللقاء ...

اقتباس:

4: برأيك بتختلف شدة العذاب منه من شخص لآخر؟ شو السبب؟

أكيد ... ألم الفراق معنوي في القلب و تختلف شدته بقدر الفراغ العاطفي الذي سيتركه غياب أي شخص عن الاخر ...

اقتباس:

5: شو هو أغلي شي بتفقدو لحظة الفراق؟

أكثر من الشخص الذي فقدته ماذا سأفتقد في تلك اللحظة !!

اقتباس:

6: شو الفرق بين مضمون الفراق..ومضمون الوداع.. وشو العلاقة يلي بتربط هالكلمتين؟

كلمة الوداع وقد اتت من ( الايداع ) و سيبقى صاحبها على أمل عودة من فارق في وقت غير محدد لذلك سيأخذ الأمل مكان من فارق و تبقى خاتمة كل ذكرى كلمة كلها أمل بعودته .... الفراق و هي التسليم بابتعاده و ربما موعد العودة محدد إما عن قريب أو في الآخرة ولكل حالة حقها من الأسى ...
(العلاقة بينهما ) ( هي هذا الشعور المتدرج بألمه إلى القمة بعد الابتعاد ,
و هي الصورة الأخيرة التي ستلتقطها ذاكرة الوجع ,
و هي الدمعة التي تسيل على أمل بلوغها الذاكرة راجية ابتسامة جمدها عدم النسيان )

اقتباس:

7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟

الحالات متضادة ففي هذا الزمن تجد أن الفراق نوعين - فراق مرغوب - وفراق مغصوب - و شتان بينهما , شتان بين الاحساس وعدمه و شتان بين الحب و الكره .

اقتباس:

8: مين بيتأثر أكتر..الرجل أم المرأة..؟

نحن في الشرق الاوسط و كان من المفترض أن أقول المرأة فتكون إجابتي عامة و غالبة ,

فالمرأة كانت تعرف قدر من تخسر و عدد الذين تعرفهم محدود قسرا على النساء و بعض المحارم الرجال فعاطفتها توزعت على عدد قليل فسيكون نصيب الفرد أكبر و بالتالي خسارتها أكبر ,

بينما في هذا الزمن سأقول المرأة أيضاً و لكن هذا الألم يختلف باختلاف هذه ( المرأة ) و ربما يصبح الرجل أكثر بالمقارنة مع بعض النساء و لا أعتقد أن دخولي بالتفاصيل سيوضح أكثر مما هو واضح .

اقتباس:

9: ممكن يكون لشدة العاطفة أثر أكبر من ضعف العاطفة؟ كيف وليش؟

بالتأكيد فهناك - معرفة ثم ود ثم حب ثم تعلق -
(كيف؟ ) لكل درجة منهم صورة و مشهد و أغلبنا أخذنا صورة لكل منهم في ذاكرتنا سواء من تجارب حياتنا او مما شاهدنا من تجارب الاخرين .
(ليش ؟ ) الفرق بين الماديات و المعنويات هو أنك عندما تخسر مادة تستطيع تعويضها نفسها و لكن العاطفة من سيعوضها نفسها لذلك العقل الباطن سيتألم
أكثر و من الطبيعي أن تتدرج درجة الألم لتناسب درجة الموقف .

اقتباس:

10: شو هي الأشياء يلي بتخلينا ننسى أو نتناسى هالألم؟

التسليم بأن ما رحل كانت مرحلة و انتهت دون البحث عمن يعوض ذلك فستبقى
حالة البحث مستمرة و لن يجد مثل الذي فقد .
و التسليم تتحقق بالانشغال بأمور أخرى مختلفة .

اقتباس:

11: مين هو أكتر شخص تذكرتو ونحنا عمنحكي عن هالموضوع؟

اقتباس:

12: شو أكتر شي بخليك تتذكر الشخص يلي فارقتو؟

الألم الذي سببه خصوصا أن السبب و كيف و لماذا كان مجهول حينها .

اقتباس:

13: برأيك الفقر والضياع ممكن يكون إلهن سبب بالفراق؟

عند أشخاص معينين هو سبب رئيسي .

اقتباس:

14: ممكن يكون للفراق آثار ايجابية؟

دون المقارنة بين السلبيات و الايجابيات ... فالايجابيات موجودة

يكفي أن يعرف الشخص عن تجربة أن لا شئ يدوم إلا ( الله ) و منها

سيصعب تعلقه بأي شخص أو كائن .

اقتباس:

15: برأيك ممكن يتحول الفراق لحقد على الشخص يلي منفارقو؟

الفراق لا يعني انه أمر مباغت حدث دون سبب ... لذلك احتمال الحقد موجود
نظراً لاختلاف الاسباب .
و احيانا يكون السبب مجهول وهو الاصعب فتجد الشخص متخبط مع نفسه
فتراه محب و اعلن الوفاء يوما و حاقد و كاره و اعلن الانتقام يوما و السبب
هي الافكار التي تاتيه و الاحتمالات التي يفترضها كي تكون سبب فراقه .

اقتباس:

16: عطيني عبارة بتحس انها قوية عن الفراق؟

أيامي بعدك بالأهات بت أحصيها
ليتنا نعود سويا وإلا فالموت ارحم
( دعاي لكتاباتي )

اقتباس:

17: هل من الممكن إنو الفراق يحرك فينا مشاعر كانت مكبوتة؟

ممكن .

اقتباس:

18: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟

دون وداع أرحم .. بينما الوداع أسلم .. دونه سأترك للشك و الظنون مساحة ربما ضيقة لكنني أرفض تركها عند من يهمني أمره .

اقتباس:

19: شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟

عند رحيله قد أقول المبكي أو المفرح بينما الافضل دعائي له بالتوفيق .

اقتباس:

20: شو بتنصح الشخص ببداية فراقو لشخص آخر؟

لكل حالة اسلوب و نصيحة و في النهاية نصيحتي اوجهها لمن لم يفارق - حاول الا تعلق حياتك على حياته فانت تعلم أن كل شئ في هذه الدنيا لن يدوم -.

و اكرر شكري لك أحمد على موضوعك المتميز و اسعدني المشاركة فيه .

أسئلة الضيوف :

سيرين

اقتباس:

للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟

اصعب الانواع هو فراق الروح للجسد . ( لانها نهاية العمر و فرصة تكفير الذنوب )
هناك اشخاص لا يداويهم سوى البعد و أنا مع ما يساعد هذا الشخص مهما كانت الطريقة ...

شكسبيريان

اقتباس:

هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟

بتحديدك ( الأثر ) فلا أعتقد أنه يختلف فلو فرضنا أن الفراق له أثر وحيد وهو ( الحزن ) فلا اعتقد أنه قد يختلف ويصبح ( فرح ) باختلاف الزمن و عوامله .

و امكانية الاعتياد عليه كما استنتجت من سؤالك فأنا لا اتوقعها لان حدوثها يعني
انتهاء العاطفة كما تقصد و تجرد البشر منها و هذا مستحيل حتى عند الغرب و هم
المسبب لهذا التخبط و التغير في شعوبنا و مهما كان لهم من أثر علينا فهذا لا يعني تجردنا من انسانيتنا و التي لم تيجردوا منها هم ايضا فالطفل ما زال يبكي على امه و الام تبكي على ابنها و عاطفة الام و الابن هي أصل العاطفة .

و شكراً لكم .

أحمد الدالي · **مرسل:** الخميس أغسطس 27, 2009 4:59 am

شادي,

اقتباس:

مبارك صيامك يا أحمد و بهنيك على هاللوحة المنتظرة ...

الله يبارك بعمرك يا رب..شهر خير وبركة عالجميع....
صدقني بستمتع لما بقرأ أجوبتك الصادقة ويلي بتعبر عن إحساس عالي..
بتستحق تكون شاعر وبجدارة...وبيسعدني اني كون واحد من المعجبين بأشعارك وبشخصك الكريم....
تقبل فائق احترامي

Taifour7 · **مرسل:** الجمعة أغسطس 28, 2009 3:20 am

[align=center]1- شو بيخطرلك أول شي لما بتسمع هالكلمة؟
يخطر في بالي فقدان عزيز على قلبي

2: اذا حبيت انك تغير هالمصطلح فشو بتختار؟
ضياع الابتسامة بس

3: ما هو أسهل فراق وممكن ننساه بسرعة؟
فراا ق من نكره بسرعة البرق ننساه

4: برأيك بتختلف شدة العذاب منه من شخص لآخر؟ شو السبب؟
طبيعي من نحبه بشدة لا ننساه بسرعة

5: شو هو أغلي شي بتفقدو لحظة الفراق؟
الذكريات

6: شو الفرق بين مضمون الفراق..ومضمون الوداع.. وشو العلاقة يلي بتربط هالكلمتين؟
مابعرف اذا في فرق نفس الشيئ
الفراق لا لقاء فيه
بس الوداع الو لقاء

7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟
احيانا و احيانا الظروووووووووووووووف

8: مين بيتأثر أكتر..الرجل أم المرأة..؟
برايي بان المراة تتاثر اكتر لانها حساسة اكتر من الرجل

9: ممكن يكون لشدة العاطفة أثر أكبر من ضعف العاطفة؟ كيف وليش؟
شي طبيعي لانو كلما كان الشخص اللي فقدناه عزيز علينا لن ننساه بسر عة وسيكون موجود في ذاكرتنا دائما و العكس صحيح

10: شو هي الأشياء يلي بتخلينا ننسى أو نتناس
اولا لا يمكن لنا ان ننسى
اما اذا حاولنا انو نتناسى فما بعرف اذا بننجح
عن طرق الاصدقاء الجدد اكيد

11: مين هو أكتر شخص تذكرتو ونحنا عمنحكي عن هالموضوع؟
صديقتي من حمص كانت معي في الجامعة بحلب

12: شو أكتر شي بخليك تتذكر الشخص يلي فارقتو؟
الماضي و الوقت و المكان و كلما ذكرت حمص

13: برأيك الفقر والضياع ممكن يكون إلهن سبب بالفراق؟
لا
الن سببية 100 بالمئة

14: ممكن يكون للفراق آثار ايجابية؟
بحياتها الفرقة ماكان الها اثار ايجابية

15: برأيك ممكن يتحول الفراق لحقد على الشخص يلي منفارقو؟
مستحيل لانو اللي بحب لا يكره لاي سبب من الاسباب

16: عطيني عبارة بتحس انها قوية عن الفراق؟
برايي انو الصمت اكبر عبارة و الدمعة خير شاهد

17: هل من الممكن إنو الفراق يحرك فينا مشاعر كانت مكبوتة؟
صح انا معك يمكن يعطينا دافع قوي متل ما صار معي و قواااااني
و يمكن يكون الضربة القاضية النا

18: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟
برايي لازم يخبرني من شان تشبع عيني من شوفتو

19: شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟
ياريت احسن اعطيكي قلبي و الله ما ابخل عليكي

20: شو بتنصح الشخص ببداية فراقو لشخص آخر؟
انا بنصحو انو لا تعيش بالماضي
و تذكر اللحظات السعيدة و لكن بقلبك بس

سوال سيرين

اقتباس:
للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟

اصعب انواع الفراق هو فراق الانسان لذاته و كيانه
لانه لايمكن ان يعوضه ابا
البعد ليس بدواء و انما داء و عمرو ما كان البعد دوا

سوال شكسبيريان

اقتباس:
هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟
لا يختلف من جيل لجيل
لان كل الاجيال تعرف ان اللقاء و التواصل سعادة دائمة
و البعد و الفراق نار تحرق قلوب الاحباب

شكرا جزيلا على الموضوع الهادف

[/align][/font]

mohammeddali · **مرسل:** الجمعة أغسطس 28, 2009 4:48 pm

أحمد الدالي ،
بهنيك على هالموضوع المميز...

اقتباس:

1: شو بيخطرلك أول شي لما بتسمع هالكلمة؟

بيخطرلي العذاب والألم

اقتباس:

2: اذا حبيت انك تغير هالمصطلح فشو بتختار؟

أسى وكآبة

اقتباس:

: ما هو أسهل فراق وممكن ننساه بسرعة؟

فراق شخص كنت تحبه وخانك

اقتباس:

: برأيك بتختلف شدة العذاب منه من شخص لآخر؟ شو السبب؟
طبعا ، بسبب شدة حساسيته
5: شو هو أغلي شي بتفقدو لحظة الفراق؟
أغلى شي هوي الحياة والأمل
6: شو الفرق بين مضمون الفراق..ومضمون الوداع.. وشو العلاقة يلي بتربط هالكلمتين؟
برأي الفراق وداع على طول
أما الوداع انك تودع الان وتلاقي بعدحين من ودعت والكلمتين فيهن حزن واسى
7: برأيك شو هي السبل يلي بتوصلنا لتعدد حالات الفراق؟ يعني هل من الممكن إنو الفراق يكون من جني أيدينا؟
عدم فهم بعضنا البعض
وعدم الصبر على أخطاء بعضنا
8: مين بيتأثر أكتر..الرجل أم المرأة..؟
المرأة بطبيعة حساسيتها وكونها عاطفية
9: ممكن يكون لشدة العاطفة أثر أكبر من ضعف العاطفة؟ كيف وليش؟
لانو الشخص صاحب العاطفة الهياجة تقوده عاطفته
10: شو هي الأشياء يلي بتخلينا ننسى أو نتناسى هالألم؟
الانهماك في عمل ما ومخالطة الناس
11: مين هو أكتر شخص تذكرتو ونحنا عمنحكي عن هالموضوع؟
أكيد حالي
12: شو أكتر شي بخليك تتذكر الشخص يلي فارقتو؟
الحب الي قدملي إياه
13: برأيك الفقر والضياع ممكن يكون إلهن سبب بالفراق؟
أكيد لأن الفقر بيكون أحيانا سببا للفراق
14: ممكن يكون للفراق آثار ايجابية؟
ممكن في بعض الاحيان
15: برأيك ممكن يتحول الفراق لحقد على الشخص يلي منفارقو؟
أنـــا براي

16: عطيني عبارة بتحس انها قوية عن الفراق؟
فارق عيني ولكنه من قلبي قريب* وما غاب عن عيني طيف الحبيبُ
17: هل من الممكن إنو الفراق يحرك فينا مشاعر كانت مكبوتة؟
أكيد لأنه رح يذكرنا بمشاعركنا نسيانينها
18: إذا بشي يوم من الأيام شعرت انو الفراق اقترب بينك وبين حدا غالي عليك ..فشلون بتفضل تكون الطريقة؟ بوداع..أو فجائي..أو..؟؟؟
بوداع وسلام
19: شو هي آخر كلمة كنت بتتمنى إنك تقولها للشخص يلي فارقتو أو يلي بدك تفارقو؟
بتمنى انو الأقدار ترجع وتجمعنا
20: شو بتنصح الشخص ببداية فراقو لشخص آخر؟
بنصحه بالقوة والصبر حتى يتجاوز هالأزمة

اقتباس:

للفراق أنواع و أشكال عديدة, برأيكم ما هو أصعب أنواع الفراق ؟؟ و لماذا ؟؟ و هل أنتم مع ما يُسمى التداوي بالبُعد ؟؟

فراق الحبيب للحبيب،لأن قلب الحبيبين متعلقان بكلمة حب
انا برأي

اقتباس:

سؤالي: هل يختلف أثر الفراق من جيل لجيل آخر..وهل من الممكن أن يصبح شي إعتيادي بالنسبة لنا ولا نتأثر به؟

الفراق والحب لا يختلف من جيل لجيل
وطالما موجود الحب فلايمكن ان يكون الفراق شيء عادي

LATEST_POSTS

قوانين المنتدى

اللّوحــة الثالثــة::ألـــم الفـــراق::سيــريـن^_^شيكسبيريان

الموجودون الآن