يلجأ الكثير الكثير من الناس , و خاصة حملة الشهادات , للعمل في مجالات بعيدة كل البعد عن مجال اختصاصم ,حتى أصبح بمقدورنا أن نلاحظ أن القلة القليلة تمارس مهنتها ضمن اختصاصها . البعض يرى في هذا مشكلة بالنسبة لهم لأنهم يرغبون بمتابعة الطريق في مجال يتناسب مع ما يحملونه من شهادات , و البعض الآخر ينظرون إلى هذه المسألة على أنها أمر عادي جداً و حجتهم في ذلك هي أنهم عندما دخلوا مجالاً معيناً دخلوه لا برغبتهم و إما فرضته عليهم علاماتهم و لا مانع لديهم إذا ما فُرض عليهم العمل في مجالات أخرى , هذا بالإضافة إلى المقولة السائدة و التي أصبحت تتردد على كل لسان : " مين هاد ألي عم يشتغل بمجال دراستو ؟؟!! " .

على فرض وُضعتم في هكذا موقف , و أُسند إليكم عمل ما لا علاقة له بمجال دراستكم و لا حتى اهتماماتكم , هل سيكون هذا العمل في موضع ترحيب بالنسبة لكم ؟؟ و ما هي أسبابكم ؟؟

الموضوع متروك للأعضاء الكرام لكي يتحدث كل منهم عن آرائه و أفكاره في ضوء ما تم ذكره .

سيرين,
موضوع فعلا شائع ومنتشر كتير و كتير عم نسمعو خصوصا بين الخريجين
يسلموووووووووووووووووووو يا سيرين
بعتقد أنو الشغلة تتراوح بين حملة الشهادات فمثلا الطالب يلي بيتخرج من كلية الطب فهاد عالأكيد رح يشتغل باختصاصو أما فروع أخرى متل الآداب عموما فمن الصعب أنو يلاقو شفل بشهاداتهم لأسباب صراحة أجهلها
هلق معظم الطلاب بالجامعة أكيد عم يدرسو ليلاقو شغل يتلائم مع الأربع سنين يلي درسوها بالجامعة و البعض الآخر بيدرس لحتى يقول عن حاله أنو خريج الكلية الفلانية يعني بس بدو الشهادة لأنها ممكن تدعمه بيوم من الأيام بس ما عم بيفكر أنو رح يشتغل فيها ..
.بس يمكن أنو الطالب يلي تخرج جديد و بعدين لقى شغل بشهادته فالأكيد أنو بالبداية رح يلاقي صعوبة و ضغط و بنفس الوقت أجر متواضع لا يتلائم مع طموحاته يلي كان عم بيرسمها بخياله أثناء دراسته بالجامعة و لأنو هذا الطالب ما زال مفتقد للخبرة من هيك بيصير بيدور على على شغلة أخرى غالبا ما تكون عمل يدوي أو تجاري ليدعم الراتب الزهيد يلي عم يتقاضاه و لما بيشوف أنو العمل التاني في أجر أكتر من أجر العمل بالشهادة و مافي كمان شروط عليه فبهالحالة رح يلجأ للعمل التاني و يترك الشهادة على جنب و بيقول لحاله....أنو هالشهادة رح تلزم بشي يوم و بعدين بيروح لعمل آخر من بيع أو شراء أو تجارة أو عقد عمل بشي دولة و هيك ممكن يأمن مستقبلة بصورة أسرع ...إلخ
و هاد يلي غالبا عم منشوفه بين الخريجين ...و هي وجهة نظري بالموضوع ...و أكيد بتمنى أنو الخريجين يتشبثوا بالشهادة لأنو بعدين بتصير الخبرة أكبر مساعد بمجال العمل و إنشالله محد بيشتغل إلا بمجاله الجامعي ....و شكرا يا سيرين .....

بصراحة الموضوع رااائع جداً للنقاش هوله . يعني هذا الهاجس الذي نتظرنا جميعاً بدون إستثناء أي مصير كل طالب يتخرج من الكليات النظرية حصراً لان الكليات العلمية على نطاق واسع من الفرص المتاحة له للعمل في المجال الذي درسه في الجامعة التي أنتسب إليها, ولكن الطليات النظرية مثلاً الأدب العربي أو التاريخ إذا تخرج ففرص العمل لديه قد لا تتجاوز 30% أجل لان هو مجاله تعليمي بحت وليس عملي فسوف ينتظر مسابقة للتعليين في إحدى المدارس " وجهة نظري"
متل هذا الإختصاص الذي ذكرته أنفاً دراسته ليس لها فرص عمل متاحة يعني لو درس غير فرع يكون الأمل أكبر وحبذا لو كان علمياً.
يعني بكل إختصار وبدون الإطالة إن العمل بمجال الإختصاص للفروع النظرية صعب جداً... أما العلمية فبكل رياحة يستطيع أن يجد العمل المناسب له سواء أكان مهندساً أم طبيباً...
وشكراً لك

محسوبك سنة رابعة انكليزي وعندي مادتين ع التكميلي وبشتغل بشركة غاز أجنبية....هي كانت فرصتي بالحياة ولازم استفيد منها

مممممممممم سيرين سؤالك بمحله
العمل في غير مجال الإختصاص مو غلط أبدا
ليه في كتير اشخاص بيدخلوا اختصاصات انفرضت عليهم او ما بحبوها بس دخلوها بسبب المجموع ولما بتخرجوا بيشتغلوا بالاكجال الي بحبوه
او ممكن الشخص ما يتوفق بمجاله ف بلاقي فرصة بمجال تاني
انا على سيبيل المثال حاولت كتير لاقيفرصة أشتغل بمجال الترجمة بس مالقت لشغل وظروفه مناسبة لكن لقيت بمجال الدولة اني اشتغل على الكمبيوتر هوطالما شغل دولة ماحدا بقول اني غلطانة بس بنفس الوقت ماني راضية عنه مية مية لاني تعلمت ودرست انكليزي وماني حابة ضوع دراستي وانسى الانكليزي وبتمنى لو لاقي في مجال دراستيرح اترك واختار الانكليزي
برأيي أنه غلط الي ما بيستغل اي فرصة شغل تجيه حتى لو مو ب اختصاصه
لانه ما حدا بيعرف الخير وين ف لازم الانسان يستغل الفرص الي بتنتفتحله لانها ممكن ما تتكرر
شكري سيري على الموضوع المهم

أنا يزن خريج أدب انكليزي وأعمل في السعودية الفائدة الوحيدة من دراستي هي اللغة والمحادثة ولكن عملي هو مدير مكتب المدير العام (الشيخ) وطبيعة عملي متابعة العقود والمراسلات مع الشركات الاجنبية والاعمال الادارية وترتيب المواعيد للرؤوساء الاقسام مع الشيخ.

يزن اليعقوب -مغترب سوري في السعودية- الرياض

مرحبا..
بالنسبه الي ما بتخيل اني رح اتخرج من هون ولاقي العمل المناسب لشهادتي دغري
يعني انا ما بشوف فيا شي لو اشتغلنا بمجال غير شهادتنا... انا شخصيا بفكر انو بعد التخرج اشتغل اي شغل متوفر و لما يصير وضعي مناسب بفتح عملي الخاص (بما انو رح اتخرج كإخصائيه تغذيه) ففيني افتح مركزي الخاص..
و بأيد اللي قالوه من قبل..انو الشغل لأصحاب شهادات الفروع النظريه اصعب من العمليه..
شكرا سيرين وتقبلي مروري

سيرين
موضوع رائع ومميز
أنا إلي 4 سنوات داخل عالحياة الجامعية والحمد لله ثبتت على الترجمة
وأنا سنة تالتة حالياً بس من يوم اللي فتت عالجامعة ما كان عندي أمل أنو لاقي وظيفة عالسريع بعد التخرج
هي اذا تخرج الواحد بأربع سنين
وصحلي أنو اشتغل بشركة وأنا حالياً صرلي سنتين عمأشتغل فيها
وأكيد هيي مو مأثرة على دراستي
بس الواحد فينا كل ما بيكبر بتزيد طموحاتو باحياة وبتزيد مسؤولياتو
وأكيد أنا ما راح استنى أربع سنين وبعدها عسكرية وبعدها بكم سنة لحتى لاقي الشغل اللي أنا مختص فيو وبراتب خيالي 10000 ل.س إن عظمت
أنا ضد هالشي
أنا إلي سنتين بشتغل TRANSITER  = مخلص جمركي
والحمد لله شغلي ولا أروع من هيك ومو منقص علي شي
ومردودو المادي كتير منيح
وصرت بصراحة آخر شغلة بفكر فيها هيي التخرج من الجامعة لأنو عنجد
ما بقى إلها لزمة عندي ومع هيك أنا صرت بالسنة التالتة ولحد هالوقت ما رسبت غير بمادة وحدة
ولذلك أنا بنصح كل شب
عندو فراغ يقدر يشتغل فيو ما يقصر بنوب لأنو عنجد بتتغير نفسيتو عالآخر
وبصير ما يفكر كل شغلة من وين بدو يجيب حقها
الله يعطيك العافية عالموضوع الرائع
اعذروني عالإطالة
وبالتوفيق جميعاًًًًً...........

ranoo.sh
شكراً كتير لأك رنا على مشاركتك و موفقة انشاء الله بحياتك و انشاء الله بتلاقي شغل يتناسب مع الشي ألي أنتي بتفضلي و بتتمني تتابعي في و نورتي

حلواني

الشكر ألك أخي الكريم على مشاركتك و بتمنالك التوفيق بحياتك بعمل يتناسب مع طموحاتك و انشاء الله بتلاقي الفرصة المناسبة لألك بالحياة العملية و نورت

ابن هلال

انشاء الله يارب بتتخرج قريباً و بتمنالك التوفيق و المتابعة بمجال شغلك إذا كان هادالشي ألي بتطمحلو بحياتك و شكراً كتير لأك على مرورك و نورت

Habooosh

أكيد الشغل مو عيب طالما بحافظ على كرامة الشخص و بخلي يعيش حياة كريمة بعيداً عن سؤال الآخرين و بتمنالك التوفيق بدراستك و بشغلك و تحقيق كل ألي بتتمني و بتطمحيلو و يا هلا فيكي هبوش و نورتي