تحديد موعد استلام طلبات الراغبين بالانتساب لماجستير التأهيل والتخصص
- حددت جامعة دمشق، 23 من أب الجاري موعداً، لاستلام طلبات الراغبين بالانتساب إلى أحد ماجستيرات التأهيل والتخصص في المعهد العالي للترجمة، والترجمة الفورية، باللغتين الفرنسية والانكليزية للعام الدراسي المقبل.
ويشمل الماجستير ثلاثة تخصصات في الترجمة، ماجستير التأهيل والتخصص في الترجمة الفورية، والتحريرية، والترجمة الالكترونية، والسمع بصرية.
واشترطت الجامعة على الطلاب المتقدمين، عدم الجمع بين أحد ماجستيرات التأهيل والتخصص في المعهد وأي دبلوم أو ماجستير آخر، على أن يكون المتقدم حاصلاً على درجة الإجازة الجامعية أو ما يعادلها في إحدى اللغتين الفرنسية أو الإنكليزية، أو أي اختصاص آخر من إحدى الجامعات السورية، إضافة لإتقانه اللغة العربية وإحدى اللغتين الأجنبيتين المشار إليهما سابقا.
ويخضع الطلاب إلى امتحاني قبول أحدهما كتابي من المتوقع أن يجري في 12 من شهر أيلول القادم وامتحان شفهي يحدد لاحقاً وذلك باللغتين العربية واللغة الفرنسية أو الانكليزية.
وستحدد الجامعة عدد الطلاب المقبولين في كل ماجستير وفي كل لغة حسب احتياجات وإمكانات المعهد العالي للترجمة والترجمة الفورية، حيث يتم القبول النهائي بالمفاضلة بين المتقدمين للقيد في كل من الماجستيرات الثلاثة، حسب تسلسل المعدل المئوي للنجاح في امتحاني القبول ووفق الأعداد المقررة.

كما يسمح لخريجي التعليم المفتوح بدراسة الماجستير حيث يستمر قبول طلبات الراغبين حتى 3 من شهر أيلول القادم.

يذكر أن مقر المعهد العالي للترجمة، والترجمة الفورية، يقع في تجمع كلية الهندسة الميكانيكية والكهربائية بجامعة دمشق.
سيريانيوز شباب
مع تمنياتي للجميع بالنجاح والتوفيق
الموضوع منقول
http://syria-news.com/edu/readnews.php?sy_seq=27558" onclick="window.open(this.href);return false;

شكرا إلك كتييييييييييييييييييييير يا أخ مخلف والله يعطيك ألف عافية لنقل الخبر ..بس سؤال إذا بتريد ؟؟؟..عندك شي فكرة عن المعدلات المطلوبة بالنسبة للمفتوح نفس الشي بالنسبة للنظامي و لا لأ ؟؟؟أرجوك إذا عندك معلومات عن هالنقطة بالذات تقلي ياها كلها .....بقى إذا في جواب محدد ياريت تقلنا ...وشكرا ..

المعدلات مالها علاقة بس يؤخذ معدل الامتحان الكتابي والشفهي الذي يجريه المعهد وباللغتين العربية والاجنبية وهي امتحانات صعبة مثل ماعرفت وخصوصا اللغة العربية والعدد الذي يقبل عدد محدود

الله يستر و شكرا عالمعلومات و أي مستجدات بتصير بتمنى أنو تخبرنا ياها أول بأول لأنو إنشالله بتتيسر و موفق بخصوص النتائج يلي ماعادو نزلو

Basil, معناتا مو بس أنا يبنقطع عندي كل شوي نحن قبلانبن أنو يعاملونا متلهم أحسن ما يهملونا عالأخير....كالعادة
و البوينت التانية أنو إذا كان المعدل هيك بيكون كتير منيح لأنو نشالله مأمنة عليه
أما التالتة فمتل ما قال مخلف و انا كتير سمعت أنو الإمتحانات صعبة و تعتمد عالكتابة و الإستماع كمان ...على كل حال مارح يبين حتى نتأكد من هالشي بنفسنا و أنشااااااااله يلي بدو.. الله ييسرلو ياها ...

يا جماعة شو مشان جامعة البعث
ما نزل شي لسه بخصوص الدبلوم أو الماجستير
ياريت حدا يخبرنا
مشكورين

Basil,
دبلومات وماجستيرات التأهيل والتخصص مابدها 60 بس الداسات العليا بدها فوق ال60 اجباري حتى لو اخذت ماجستير دراسات عليا من جامعة اجنبية ومعدلك بالاجازة اقل من 60 مايعدلولك

الله يعطيك ألف عافية أخي مخلف عالخبر
وانشالله الكل يسجل فيو وينقبل
وعقبالي أنا

كل سنة و الكل بخير
عندي شؤال اذا حدا بيلاقيلي جواب
بعد التخرج من كلية الترجمة لقينا حالنا متل اللي ما عندو أي شهادة
و ما لقينا شغل
فبعد ما نخلص ماجستير رح يكون وضعنا أحسن أو نفس الشي؟؟؟؟؟؟؟؟؟
و كمان سمعت انو صدر قرار معادلة شهادتنا بشهادة الأدب الانكليزي فاذا حدا عندو أي معلومات أو عندو نص القرار يا ريت يبعتلي ياه ع
الإدارة : تم إزالة عنوان البريد الإلكتروني حيث لا يُسمح بإدراج البريد الإلكتروني في المشاركات .
يرجى مراجعة قوانين المنتدى الرئيسية .
مشكورين جميعا ً و بالتوفيق