إلى أصحاب الأمل و التحدي ... أجمل تحية من آرتين قمة القمم

Habooosh · **مرسل:** الأربعاء أغسطس 05, 2009 11:59 pm

[align=center]للجميع كل التحيه والاحترام

اعزائي

احببت ان نناقش سويا مشكله قديمه جديده

الا وهي مشكله المعاقين ونظره المجتمع والناس لهم

فقد يواجه المعاقون أيضًا مشكلات نفسية خاصة،
فقد يصابون بالإحباط، لأن عجزهم يجعلهم يشعرون
بأنهم مختلفون عن أغلب الناس. إلا أن بعض المعاقين
أيضًا يعتبرون عجزهم نوعاً من التحدي. وهذا ما يجعلهم
يتغلبون على الإعاقة.

وقد تصعب العلاقات الاجتماعية على المعاقين. فالكثير من
غير المعاقين لايحسون بالارتياح في حضور شخص معاق.
ومن أهم ما يجب أن يتعلمه المعاق هو كيف يجعل الآخرين
في حالة من الاطمئنان إليه

وهنا اعزائي لا اريد الخوض كثيرا في هذا الموضوع الشائك

ولكني اريد ان اسمع رايكم بالموضوع ونناقشه بعد قرائه

هذه القصيده المحزنه لفتاه معاقه

يجينا الفرج بكرا يا بنتي بس لا تبكين
انا مااستحمل دموعك وهمساتك تبكيني

::

نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني

::

يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني

::

تعالي واحظني فرحي وقولي للفرح اهلين
وخلي حزنك بقلبي دخيلك يابعـد عيني

::

اشوف الدنيا بعيونك واشوف الفرحة بك يا زين
وانا مالي سواك إنتِ وإنتِ شمعة تضويني

::

علام الهم في قلبك يابنتي ليه ماتحكين
ابيك تكسري همك وانا امك قولي حاكيني

::

يايمـه حالتي صعبة انا و الفقر صرنا اخوين
اعيش بظلمة همومي والاقي الهم يكويني

::

معاقة يمه من صغري معاقة تشتكي حق مين
مدام ان البشر تنظر لحالي بعطف يعميني

::

اناظر هالبشر واسال أنا وش موقعي الحيــن ؟
وش اللي يميز الأعمى عن اللي شوفهم زيني

::

فقيرة حظ يا يمـه وحالي تعمي العينين
من اللي يعشق ويهوى معاقة حظها شيني

::

سألتيني وش اتمنى يايمه منيتي شيين
يكون الفرح اولهم بعدها تعيش رجليني

::

انا ودي ومنا عيني يكون لجسمي بس رجلين
تساعدني على برك وبرك غايتي وديني

::

يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني

::

تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني

::

معاقة يمه قوليلي علامك ساكتة تبكين
كلامي ازعجك ادري وادري الدمع يشكيني

::

دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني

::

طلبتك يمه هاتيلي عروسة مالها رجلين
وابيها تكون في كرسي معاقة مثلي ترثيني

(المقصود بالعروسه هنا لعبه الاطفال)

اتمنى ابداء ارائكم حول الموضوع ولكم مني كل الاحترام
__________________[/align][/font]

Maya · **مرسل:** الخميس أغسطس 06, 2009 3:01 am

اقتباس:

احببت ان نناقش سويا مشكله قديمه جديده

الا وهي مشكله المعاقين ونظره المجتمع والناس لهم

اول شي كلمة معاقين تقيلة شوي

لانو الاعاقة ممكن تكون بالاشخاص الأصحاء قبل يلي بيعانوا من بعض الاختلافات عنا

انا ضد الكلمة شكلا ومضمونا وبكره يلي بيسميهم هيك لانو مابحب الحكي المعاق

هني نااااااااااااااااس متلنا متلهم والله لحكمة منو خلاهم هيك بغض النظر عن نوع الاعاقة ...سبحانو الو حكمة بكل شي
يلي الله حرموا قدرة المشي اكيد عاطيه قدارت تانية اكتر منا
بعرف زميل الي اكبر مني بسنة فاقد البصر بس بصيرتو حية وبتدهش وهوي الاول ع سنتو وبين رفقاتو بالترجمة
هيدا مثال عن ناس منلاقيهم غراب عنا او منقول عنهم ناقصهم شي بس الحقيقة هني يلي بيشوفونا كتير احيانا عم نعاني من نواقص كبيرة

برأي صار لازم نكبر شوي ونوسع نظرتنا لانو الحياة ما بتوقف ع الشكل ومانها بعمرها للناس يلي بيشبهوا بعض بس
Habooosh,
شكرا ع الموضوع كتير

سيرين · **مرسل:** الخميس أغسطس 06, 2009 7:57 am

Habooosh

موضوع يستحق منا المناقشة و شكراً كتير ألك هبوش على حسن اختيارك

للموضوع .... و هو بمثابة تحية منا لكل أصحاب الأمل و الإرادة القوية

و حبيت يا هبوش أنو يكون عنوان الموضوع بهي الصيغة بدل الصيغة ألي حضرتك كنتي

كاتبتيها

لي عودة أكيدة إنشاء الله

الموضوع مثبت

Habooosh · **مرسل:** الجمعة أغسطس 07, 2009 1:12 am

Maya

اشكرك ع المرور الرائع ... وأنا مع كلامك في البداية ترددت قليلا لأطرح هكذا موضوع لحساسيته و سوء الفهم لدى البعض ...
و أكيد إن الله سبحانه وتعالى يأخذ شيء و يعوض عنه بأخر و يجب علينا ان نغير نظرة المجتمع لمثل هكذا حالات وخاصة نحن فئة الشباب قادرين على استيعاب الأمور بشكل أفضل و بث الوعي في نفوس باقي شرائح المجتمع ...

سيرين ,

اشكرك من كل قلبي ع هذه اللفتة الكريمة بتثبيت الموضوع
و ايضا لمرورك الآخاذ ....

بانة · **مرسل:** الجمعة أغسطس 07, 2009 2:42 am

موضوع حلو وطرحه أحلى

اقتباس:

وقد تصعب العلاقات الاجتماعية على المعاقين

بداية حابة إحكي عن هالفكرة

مشكلة العلاقات الإجتماعية بين المعاقين وغير المعاقين مشكلة عظيمة وهي تقريبا أساس كل مشكلة ممكن إن يواجهها الإنسان المعاق ..
أفظعها بصراحة حسب ما واجهت وشفت إنه المعاق يعامل على أنه إنسان غير موجود ..
بمجلس حضرته كان موجود كفيف لاحظت عدّة ملاحظات كنت قاريتها أو بالأحرى دارسة عنها قبل :
أول شي غالبا كان الحديث مع الشخص المرافق للكفيف , مثلا كيفه ؟ شو إسمه ...
تانيا وقت كان الحديث يوجه للكفيف كانوا يعلو صوتهم ... وكأن الكفيف ما بيسمع , وقيسي على هالأمثلة أمثلة أكتر بكتير كلها مو حلوة وجارحة وللحقيقة ببعض منها ممكن تكون مهينة ..

أما الفكرة التانية اللي رح إحكي عنها هي بقمة البساطة :
وهي إنه أي إنسان إذا تهيئت إله ظروف معينة ممكن تدعمة ممكن يعطي أفضل ما عنده وما يكون متل مو شايفه البعض "عائق ",
اللي نظره ضعيف بالنظارة بيقدر يشوف كتير منيح واللي سمعه ضعيف بالسماعة كمان بصير سمعه كتير منيح ..
لذلك نحن وقت منحكي عم المعوقين من كون عم نحكي بشكل خاص عن فئة ضمن هالعنوان الكبير : ذوي الاحتياجات الخاصة .
وعلى فكرة هالفئة ما بتشمل المعوقين فقط بل بتشمل المتفوقين والموهوبين
لانه كلا الطرفين من المعوقين والموهوبين وإذا بدنا حتى العاديين(اللي بتلزمهم متل ما حكيت سابقا نظارة أو سماعة ) تحت توفير متل هالدعم مثل هندسة الطرقات والمباني والمدارس اللي بتسهل حركة المعوقين حركيا ممكن نساعدهم ليكونوا متل ما بدنا ياهم يكونو ... لذلك هم ذوي إحتياجات خاصة ..

بعتذر كتير عن الإطالة بالرد بس الموضوع بصراحة يطول الكلام فيه وفي جعبتي الكثير

Maya · **مرسل:** الجمعة أغسطس 07, 2009 5:33 am

سيرين,
شكرا كتيييييييييييييييييير ع تغير العنوان
يسلمن

Habooosh,
عن جديد بدي قلك انو الموضوع حلو

بانة,

اقتباس:

أي إنسان إذا تهيئت إله ظروف معينة ممكن تدعمة ممكن يعطي أفضل ما عنده وما يكون متل مو شايفه البعض "عائق ",

بوافقك مية بالمية ع هالحكي وهالشي صح بالنسبة لذوي الحاجات الخاصة و لغيرهم كمان

النقطة يلي بدي اكد عليها مرة تانية هي موضوع نظرتنا نحنا لموضوع الاعاقة
هالشخص يلي عم نحكم عليه انو ناقصو شي (إن كان من ناحية المشي وحدو او البصر او السمع...) لازم ندور عندو ع الشي يلي متفوق علينا فيه
مثلا اغلب او معظم المكفوفين سمعهم بيكون كتيييييييييييير حاد وحاسة اللمس عندهم قوية كتير وفوق هالشي واهم من هيدا كلو الذاكرة عندهم بتكون قوية لدرجة ما معقولة

ونفس الشي للمقعدين يلي حسب ما انتبهت عند بعضهم انو بتكون عندهم قدرات كبيرة باستغلال ايدهم وياما شفنا منهم ناس عباقرة بالاشيا اليدوية وحتى بمجال التكنولوجيا وغيرها
عنجد الموضوع بيشد وبيلامسنا كلنا
مع انو مستغربة قلة المشاركين

Habooosh · **مرسل:** الجمعة أغسطس 07, 2009 4:36 pm

بــــانة ,

لك كل التحية ع مشاركتك الغنية و تجاربك .. ياريت تزيدنا معرفة كمان ...

نا بحس انو نظرات الناس لهالشخص هي اللي بتجرحوا اكتر من الحكي بمية مرة بينظروا الو وكانه شخص غريب جايي من الفضاء... ما هو شخص متلنا بدل من هالنظرات ليش ما تقرب وتحكي معو باي شي حتى اسالو عن وضعو ... هو رح يجاوب وبعض الاحيان بيكون مرتاح بالحديث اكتر من النظرات من بعيد لبعيد ....

maya ,

شكرا ع مرورك وتفاعلك معنا ....
لازم المؤسسات اللي بتعنى بذوي الاحتباجات الخاصة يكون الها مشاركات اكتر من ناحية الخدمات الاجتماعية والبنية التحتية بالمجتمع حتى نامنلن الشي المريح الن ونخلين يطلعوا قدراتن ويبدعوا ...
اهم شي ناملن طريقة تنقلن بالشوارع والله هالشي مو صعب ليش ماعم يتخذوا خطوات كبيرة من هالناحية .... وكتيرررر قصص
على امل انو تتحسن الامور للافضل .....

حلواني · **مرسل:** الجمعة أغسطس 07, 2009 9:07 pm

بصراحة هذا الموضوع من المواضيع التي أشرتي إليها اناها شائكة .. يعني مسألة المعاق تبقى في نظر المجتمع نظرة عادية وليس نقول ازدرلائية لإنه مخن المستحيل طبعاً أن ينظر إسان سليم لأخر بهذه النظرة بل بالنظرة الإستعطاف عليه إذا إن المعاق شخص لم تشأه إرادته أن يكون كذلك ولكن شأت الأقدار وأصيب بشيء من العلة (دعونى نطلق عليه هذا الإسم ) فهو ليس بمحض إرادته أصبح معاقاً بل هناك ظروف خارجة عن إرادته هي التي جعلته يصبح معاقاً.. وكلمة معاق ليس لها معنى سلبي إطلاقاً أي أن عندما نقول أن فلاناً معاق.. فلا نعني أبداً أنه هذا الشخص سبي على المجتمع بل على العكس تماماً فهناك أشخاص معاقين تحدوا إعاقته ومارسو مهن على الشخص السليم القيام بها , فلهم إرادة وقدرة على بناء المجتمع ولهم دور كبير في النهوض بها لذلك لايجب علينا إطلاقاً أن نقول معاق .. ومكأنه شخص منبوذ إجتماعياً... لن أطيل الحديث لان الحديث لن يختتم ببضع كليمات... وأحب أن الخص ما أوردته أن المعاقعين كالأشخاص السليمين تماماً....

جنى · **مرسل:** السبت أغسطس 08, 2009 4:16 am

Habooosh
بحييك على حسن اختيارك للموضوع

لأنو فعلا هيدا الموضوع من اهم المواضيع يلي لازم نناقشها
وبالنسبة للناس اللي بيحملو إعاقة جسدية وبصراحة أنا برفض سميها إعاقة
لأنو الإعاقة فعلا وقت بيكون اإلإنسان عنده عقل وما عم يحسن استخدامه بينما هدول الناس اللّه وهبن قدرة خارقة
وبصراحة انا كم سنة اصبت بكسر كتير خطير بقدمي وبعد إجراء عملية ضليت
لمدة شهرين خلال فترة علاج فيزيائي بالبيت وبهيدي الفترة كنت عم ادرس من خلال المحاضرات اللي جيبن من المكتبة فقط بدون حضور
ولسا كنت سنة اولى وبحاجة للحضور مع انو كتير تعذبت بس حسيت انو عندي قدرة كبيرة على الدرس يعني حتى هلا وبعد ما تعافيت ما بدرس اكتر ما وقت كنت مريضة
وعن جد لما ترفعت بوقتها على السنة التانية حسيت غني ساويت انجاز كبير وانا بالبيت وما طلعت غلا وقت الامتحان مع غني حملت اربع مواد وهدول الناس هيك
فسبحان اللّه عن جد لما الإنيسان بعاني من أي نقص بيقدر يتغلب عليه من خلال ممارسنه لشيء تاني فلازم نعطيه الفرصة ليعطي كل شيء عندهن
مرة تانية شكراً على هالموضوع الرائع وبتمنى الناس وقت يشوفوا شخص مريض وما بدي قول معاق ما بقى يطلعوا عليه وكانو جاية من كوكب تاني
تقبلّي مروري

سيرين · **مرسل:** السبت أغسطس 08, 2009 10:15 pm

Maya,

اقتباس:

سيرين,
شكرا كتيييييييييييييييييير ع تغير العنوان
يسلمن

الله يسلمك يااااااااااااارب

و الشكر ألك على حضورك المميز بساحة حوار

جنى ,

اقتباس:

وبصراحة انا كم سنة اصبت بكسر كتير خطير بقدمي وبعد إجراء عملية ضليت
لمدة شهرين خلال فترة علاج فيزيائي بالبيت

دائماً الحمد لله على الصحة و العافية ...

Habooosh ,

اقتباس:

اشكرك من كل قلبي ع هذه اللفتة الكريمة بتثبيت الموضوع

و لو يا هبوش لا شكر على واجب و هاد أقل شي ممكن نعملو بخصوص موضوع رائع متل موضوعك .
و أكيد متابعة

LATEST_POSTS

قوانين المنتدى

إلى أصحاب الأمل و التحدي ... أجمل تحية من آرتين قمة القمم

الموجودون الآن