سنا,  
اهلا بمشرفتنا الغالية .... تسلمي كلك زوء  

كنت عم دور ع موقع لكليتنا فطلع بوشي ارتين   وكنت زائرة دائمة بس انضميت للمنتدى بــ 17\10\2008  ...أما أول مشاركة كانت رد ع موضوع الترحيب فيني  

الايجابيات كتيييرة ماشاالله ..يعني ارتين بأكمله ثروة ( تعليمي-هادف-رائع من كل النواحي)   

أما السلبيات... على صعيد المنتدى في بعض الاعضاء بيدخلوا عمواضيع العضو اللي بيعرفوه بس  ..حتى انو في مواضيع بتنزل مافي عليها و لارد !!!!
أو انو واحد بيعلق بتلاقي الكل وراه نفس الشي علقو (طبعا انا ما عم احكي عن كل المنتدى والاعضاء ) طبعا وما فينا ننكر انو في مواضيع التعليق عليها واحد
بس رغم هيك بشوف المنتدى رائع وراقي  


ممممم  هوي مو تغييير ...بعمل امسية ارتينية صيفية كل سنة


غالبا ارتين كافيه او بوح المشاعر ..إلا ازا واجهت بطريئي شي عنوان عجبني بفتح عليه اول .


آرتييين رائع وحلقة الوصل بيني وبين جامعتي وبلدي سوريا وحبيبتي حمص ...بتمناله الارتقاء للقمم دائما  


تسلميلي شو متفائلة  
شرفتي حبيبتي  

Safa alaasi,  

شمتانة مو    

التزلج و القراءة  

أحلامي وطموحاتي كتيييييييييييييييرة  
تحقيق أحلامي وطموحاتي وأمنياتي  
ومنها انو كمل دراسات... وارتبط بالانسان المناسب اللي يفهمني ويحبني

الباكالوريا

مافيني اعتبره فشل بس ما كنت راضية عن نفسي .... اني ما قدرت أتأقلم مع دراستي للأدب بالوقت اللازم  

الكذب -المجاملة الزايدة - الغدر

شوف الناس اللي حواليي و اللي بعرفن مبسوطين وعم يضحكوا

العيلة:الكل والله ... بس اكتر اكتر شي ماما  
الأصدقاء:صديقة رائعة ووفية..(منال)  
أهل المنتدى: صفا العاصي    هدى  


 قناة مفضلة: mbc 4 & action (اصلا دايما بالمفضلة   )
أغنية بحبا: شايف البحر .....
مسلسل حبيتو ومابمل منو: ورود في تربة مالحة


كتاب أثر فيني  " لا تحزن "
رواية حبيتا  " مرتفعات وذرنج"

 
الفيلم اللي بكاني  A Walk to remember   فيلم راااائع
الفيلم اللي بيضحك Friends    


بعشق سوريا  
وما بحب السعودية (مع اني مواليد جدة)  


BOSS  النسواني  (الجاهز)


انا كل الاسماء  
الاسماء اللي بحبا للبنات: يوللا - غاردينيا
                        للأولاد: ثائر - ليث
و ما بحبا الأسماء اللي ما الها معنى أو ما عجبني موسيقا احرفا

أسئلتك حلوة    شي 2 بواحد ...ومنها 3بواحد    
لك مييييييييية ولكم حبيبتي صوفي ... بس بعرفك ما رح تصعبي الاسئلة مو  

Hidding Rose,  
أول شي وقبل ما أبدأ بوضع أسئلتي الصعبة بحب قدملك فنجان شاي مشان تجاوبي عليها وأنت رايقة ونسيانة بطىء النت الي عندك الي دايمآ بكونك متوترة منو

Désolé, vous devez vous inscrire pour voir le lien Si vous êtes membre, il suffit de signer po

وهلق باسم الله نبدأ ..

1-أي شعر بتحبي الحديث ولا القديم ولو طلبت منك تقيمي أشعار نزار قباني
بشكل عام شو بتحكيلنا عنها
2- معظم ردودك هون بالمنتدى بأرتين كافيه شو سر أعجابك بهالقسم ومحبتك لألو ..؟
3- بتابعي قسم بوح المشاعر لكل من يكتب به ولا أوقات من بتشوفي الاسم بتهربي  وشو هي أحلى خاطرة مرت عليكي ولمين..؟
4- أذكري أرتينية هون بالمنتدى بتحبي كتاباتها بمجال الشعر وليش..؟
وأرتيني كمان بتحبي كتاباتوا هون بالمنتدى وشو سبب محبتك لألها ..؟
5- مين بتفضلي أكتر الخواطر الحزينة الي بتنكتب من وراء جرح بالقلب ولا خواطر الغزل والوصف للحبيب ..؟

لهون بكفي اليوم وأكيد النا رجعة تانية مع أسئلة في مجال الحياة  
   

       
وأخييييييييييييييرا فتحت الصفحة    
سوري كتيييييييير عالتأخر بالرد بس بتعرفوا النت عم يركد ركييد ما عم لحئلو       

unknown,  
الله يبارك فيك يارب    ع قبالك      


ممممم ..والله في كتيير حبوبين بالمنتدى ومنن صفا وهدى

ميييييية هلا أخي ..نورت  

سما الشام,  

  ....  إلا ما يجيكي يوم  

لك سما حبيبتي بكفيني مرورك  
ترى مسموح ما تسألي هه بلا ما يخلص الحبر عندك متل عبووود    

زكريا,  
يا أهلا وسهلا ......... نورت   

الله يبارك فيك ياارب    ... والله لو صاير لجدي ما مات     ترى ازا عبالك شي سؤال  
ميييييية هلا فيك أخي    نورت الصفحة  

عدنــــــــــــــا ...
Habooosh,  
الله يبارك فيكي     أكيد عجبني الكرسي بيجنن  
مانك شايفة كيف عجبتني القعدة والتهيت ما عم جاوب عالاسئلة    
تسلميلي هبوووش ...... ومييية ولكم  

fofo star,  

اي والله كتييير  

بتعرفي ...لازم تكوني سائلتيني لما بتفوتي تنامي بشو ما بتفكري ....
لاني أنا بقررنام وبتصير الأفكار تتزاحم براسي ...بفكر بكل شي ....باليوم وشو عملت وشو أخطائي وكيف لازم صلحها وكيف بدي عيش بكرة ...بفكر بمواقف صارت بحياتي .... بفكر بالناس اللي بحبن .... بحب الليل كتييير بحب النجوم والقمر  

بظن قصدك وقت بوقف قدام المرآة ......
ماتبلي هالضحكة يا سوسو  
بحمد الله ...بس مريت بفترة قول ... لازم ترجعي أسماء اللي ضحكتا تملي الدنيي


بتلبك وبصير أرجف وبصير وجهي يطلع ألوان    و بطلع بالأرض وبكمل طريقي ..
بس مرة مابعرف كيف تجرأت وتطلعت تطليعة !!(يعني زوته ) وطلع ابن حلال وخجل ع حاله  
و مرة واحد قد ولادي لطشني تخيلي!!!...يومها فرطت من الضحك عليه  


والله حسب .... بس عالأغلب رح ادايق وماضل مبسوطة خاصة ازا ماعندي وقت ولافي مجال اتصرف ... وبكل الأحوال بحاول زبط الوضع قدر الامكان وازا في وقت برجع عالبيت وببدل تيابي وازا لاء ممكن الغي الزيارة  


في منن بيقطعوا القلب وبيخلوا الواحد يتعاطف معن ويعطين ... وفي منن بتلاقين بكامل قوتن ومافيون شي و مرة قلت لولد روح اشتغل احسن الك

اسئلتك حلوة ..... مييية هلا فيكي فوفو  

بعتزر عالتأخير  
أنس الدالي,  

اي والله بدا فنجان قهوة .... ريتن يسلمو هالديات والله  
رح اشرب القهوة وبلش  .. باسم الله نبدأ ...

لكل نوع طابعه  ... لكن للشعر القديم جماليته وطابعته وتأثيره الخاص
أما عن شعر نزار قباني ... نزار شاعر كبير له شعره ودواوينه ومحبيه أيضا ... فلا أنا ولا أنت من نقيم نزار    أما عن رأيي فلست من عشاق نزار ... وهذا لايعني أني لا أقرأ له شيئا ...ولكن لا أحب وصفه للمرأة ولا الاباحية الزائدة في شعره ولا تطاوله ...

من اسمه ..كافيه    فرفشة وضحك وفشة خلق
بس هاد ما بيعني انو اكتر قسم بحبو  


أبدا أنا مو من هالنوع اللي بشوف الاسم فبينقر عالموضوع ..... وبالنسبة لبوح المشاعر بتابع كل شي فيه تقريبا ... أما أحلى خاطرة : فهناك العديد من الخواطر  الرائعة   
"قمر وبحر"  "امرأة شرقية"  وغيرها ....

في أكتر من آرتينية ... إما لأن كتاباتهن تنقل واقع أو مشاعر صادقة أو موزونة تعبر عن شخص متمكن بالكتابة  
هدى ...صفا .... مون لايت .... تيماء....        
(شوبدي عد لعد )

كمان في كتير آرتينيين موهوبين    لهم كتابات أكثر من رائعة ...
ابراهيم ... شادي... أنس... أحمد الدالي ... صفوة ....سليمان ...
( هدول اللي متزكرتن )

الحزينة ... ولدينا ببوح المشاعر شاعر يكتب أشجى المشاعر  واللي هوي شادي    كتاباتو راااائعة

 
ميييييييييية هلا    

Habooosh,  
يــــــــــــــــا هلا والله    

مممممممم ..... صار معي مواقف خيرات الله    مابعرف عن شو بدك احكي بالزبط .... اسمعي هالقصة ...
بيوم من الأيام  عم أعطي درس عند صف سابع ولاد فتطرقنا لموضوع التدخين ... وحكينا عالمضار وهيك شغلات ...اجيت سألت الطلاب حدا فيكن يا شباب بدخن    .. قالوا لاء ... أكيد يا شباب   ... قام نط واحد من هالعفاريت وقال ... مس أنا بعرف مين بدخن من اولاد الصف ...بس انا ما بخون رفقاتي وبحكي    قلتلو لا تخاف ما بحكي لحدا وعليك الامان    وبعد ساعة من التردد وعصر الكلام  وسحبو من تمو قال والله فلان وفلان وفلان (طلع شي 7  بدخنوا ... وصار كل واحد يعترف وانا اسمع ... (يبدو حسوني بتأمن عالاسرار ومعلمة فري:mrgreen: ) قاموا قالولي ... بدنا نقلك ع شغلة ما بتقولي للأخصائية ... قلتلن لاء ... قال نحنا اليوم بدنا نكسرلا بلور سيارتا لانها ما عم تطالعنا رحلة    طلعت من الصف وبوشي عالاخصائية خبرها   كمان أنا ما بحب خون رفيقتي  

تسلميلي حبيبتي   شرفتي

sleman alhasan,  

أهلا أهلا    
اي والله قعدة من العمر مع نت ومنتدى متوقفين    


بحب أكتر من نوع ... بس الروز (الجوري) احلى شي .. بحسو لغة بتحكي حالها لحالها
وبحب كمان التوليب ... بحس وردة التوليب رقة ونعومة
وأخر نوع الأوركيد ... بحب شكله ولونه  


بشكل عام لا أحب التناقض او التقلب ....
اما ان كنت تقصد بالتناقض في حالة نقاش ... فلا أعتبره تناقض وانما تغيير وجهة نظر ربما بسبب الاقتناع بوجهة نظر أخرى فنحن نكبر وتزداد خبرتنا هكذا  
وأيضا نتغير وتتطور شخصياتنا من يوم ليوم لعدة اسباب منها السفر أو اكتساب خبرة أو ربما عمل  
فأنا اليوم أختلف عني منذ سنة
وربما أنت اليوم تختلف عنك منذ أسبوعين ..  


الحياة هي العمل وبذل المستطاع لتحقيق طموحاتنا وأحلامنا ... أن نعمل وفقا لمبادئنا وديننا ...
أن نعبر ونقول عن شي من الذي بداخلنا وما يجول بخواطرنا لنتعلم ونستفيد من الاخرين وتزداد خبرتنا وتصقل شخصياتنا


لا.... مهما كان الانسان سيء ومتغطرس سيمر في لحظات  قليلة وربما نادرة تتغلب عليه فطرته ويعرف الخير ويعرفه  


أسئلتك حلوة ... ومييية هلا