شكرا فوفو على الموضوع
وخليكي هيك مع النسوان ونحن معك حتى الرمق الاخير
ولا تردي عكلام الاعداء
اقتباس:
معها طالما ماعم تشفط
والله في بنات بيشفطو
شوفيرية التكاسي والسرافيس هني اخر العالم لي بيحقلن يحكو
على القيادة لانن ما شاء الله عنن شو بيلتزمو بنظام السير
بس بدن يدافشو ويطيرو
واخ ما احلى هلخجلة لي اكلها هادا الشوفير لي كنتي طالعة معو:mrgreen:
هلا اذا الواحد بدو يحكي الحق
المراة شوي قلبها ضعيف وخويفة ولما بتكون عم تسوق بتكون حذرة اكتر من الرجل
و الرجل بيسوق بثقة وتمكن اكتر
تسمحولي اتفلسفلكن شوي
هلا براي الرجل بيسوق بثقة اكتر لانو معظم الرجال اذا ما قلنا كلن
بيعرفو الية السيارة يعني كيف بيشتغل المحرك مع دارة الكهربا ودارة الزيت ودارة التبريد .........والخ ولما بيكونو بيعرفو كل هلقصص بيصيرو يسوقو بثقة اكتر يعني ما بيخافو ينزعو السيارة بشي حركة غلط
بس كمان حذر المراة حلو (طول ماهو ما عم يعرقل السير)
وعقولة بابا لو كل العالم بيسوقو بحذر النسوان كانت حوادث السير خفت كتير وكان في نظام بالسير اكتر
لانو من وراء الخوف بيصيرو يطبقو نظام السير بحذافيرو
اما الشباب فروح قلبن يخالفو ويشفطو ويسرعو
ولا شو رئيكن
اقتباس:
هل انت مع او ضد قيادة المرأة للسيارة؟؟وليش؟؟
اكيد مع
رح احكيلكن حادثة صايرة عنجد مع صديقة ماما
كانت مسافرة مع جوزها عحلب وكان جوزها عم يسوق وهي كانت بتعرف تسوق بس ما كانت مطالعة الشهادة لسا
وعلطريق اجتو لجوزها نوبة قلبية
وطبعا استلمت هي السيارة واسعفتو علمشفى
بس للاسف ما لحقتو لانو المشفى كانت بعيدة:(
يعني شهادة السواقة بتلزم الواحد ما بيعرف شو بيصير معو
بس بتعرفو انا طلعت شهادة ولعنت الساعة
لاني صرت شوفيرة العيلة
وكل ما بدن غرض بيطلبوه مني وبيقولولي هي صار معك شهادة
روحي جيبيلنا كذا وكذا وكذا
ما احلى الايام لي كنت اقعد فيا بالسيارة واتمتع بمناظر الطريق
ولا سواقة ولاجع قلب على نطتلك سيارة من هون ولد من هونيك ومتور او بسكليت بنص الشارع والله شي بيمقت
يا الله عكلن صار معي مصلحة يعني اذا ما لقيت وظيفة بشتغل شوفير
_________________
"The causes of events are always more important than the events themselves"
تسجيل الدخول
التسجيل
MOB
الأسئلة المتكررة
بحث
....فبسألو ليش ياعمو الحباب هيك عم تحكي؟؟....بقلي لانو ماعطت غماز وقت لفينا... 
