المهم ....... و الأهم

الثانوي ...... و الأساسي

عبارات تعد الأساس الذي تقوم عليه حياتنا بمجملها و هي تمثل المبدأ الذي

من خلاله نحدد خطواتنا و مشاريعنا المستقبلية.

" المهم " و "الأهم " في سلم أولوياتنا محور هذا الموضوع الذي تدور

حوله التساؤلات التالية :

1-ما هي أولوياتكم في هذه الحياة ؟؟؟

2-ما هي الأسس التي تبنون عليها أولوياتكم ؟؟؟

3-و أين الأهل / الأصدقاء في سلم أولوياتكم ؟؟؟

يسعدني اني كون اول شخص بيجاوب عموضوعك الحلو
هيك اسئلة لازم الانسان يطرحها على نفسو بين فترة وفترة
لحتى ياخد نفس ويعيد حساباتو بامور كتير
1- اني كون ام
2- اني كون زوجة صالحة
3- اني كون انسانة ناجحة بعملي
1- كون ام بمعنى الكلمة
اولا رح اعطين كل حنان الارض وبنفس الوقت كون قاسية بالمواقف لي بتستدعي القسوة
ثانيا لازم اخد بعين الاعتبار تغير المجتمع مع مرور الوقت
يعني اكيد ولادي رح يمرو بشي انا ماعشتو لانو بزمن طفولتي ماكان موجود ولازم اعرف اتعامل مع هلشي بموضوعية ولازم وازن بين قلة خبرتن ووعين للدنيا وحاجاتن وبين نقطة انو الدنيا عم تتغير
لازم كون مع اولادي صديقة بتفهم اوجاعن قبل ما كون الموجه وبس .واكيد لازم وجهن دائما للخير وحب الناس ويكونو افراد ايجابين بالمجتمع
2- لكون زوجة صالحة بعتقد انو لازم احترم زوجي واحترم طلباتو وكون سند الو
وكون بمثابة ملجا بيرجعلو بالسراء والضراء

اما بالنسبة لاتخاذ القرارات لازم اخلق عندو الثقة بارائي وهي الثقة لازم تجي عن تجربة يعني لازم يدرك عقلي وما يتاثر برايي عاطفيا وطبعا لازم دائما يكون هو صاحب القرار النهائي هيك بكون زوجة وصديقة بنفس الوقت

3- لحتى كون ناجحة بعملي لازم طبق العبارة لي مؤمنة فيها حتى الموت
انا خلقت لاقدم للبشرية شيء مفيد
البشرية بالنسبة للبعض ممكن تكون(الوطن , المسلمين , المسيحين, العرب) بالنسبة الي بقصد الuniverse وين ماكنت عايشة ومع اي مجتمع بنوجد فيه
وعهادا الاساس انا عايشة حياتي
ولمابتشتغل وبراسك هيك عبارة اكيد النجاح رح يكون من نصيبك
اهلي لما بكون محققة الاولويات التلاتة اكيد رح يكونو فخورين فيني
واكيد الن اولوية كبيرة اذا كانو لاسمح الله بحاجتي بس حاليا هي اولوياتي
اما الاصدقاء فهني شي لابد منه وهني الن مرتبة كبيرة بحياتي بس طبعا لي ذكرتن اهم

شكرا مرة تانية علموضوع