خالد الهبل,
طول بالك شوي يا زلمة هلأ ما بدي قلك ليش كل هالقد محملها لأنو متل ما عم تقول خمس سنين مو هينة القصة بس لازم تقوي حالك وتقدر تتغلب على هالشي ... ما اختلفنا ببعض الأحيان تجي الأسئلة صعبة أو الدكتور ما يعطي حقو للطالب بس كمان ممكن يكون في حق عالطالب (بشكل عام) يعني ممكن هالطالب ما يكون دارس كويس أو دارس بس ما كتب بطريقة صح وهاد أكتر شي بيخلي الطلاب يرسبو بالمواد ومن دون ما يعرفو ليش لأنو الدكاترة كتير بيركزوا عطريقة الكتابة اذا كانت صح او لاء spelling - punctuation - grammar ... etc
بنصحك ما تلجأ لهالطريقة لأنو مو كل مرة بتسلم الجرة وإذا لا سمح الله انكشفت بتروح فيها أنت هلأ استهدي بالرحمن وحاول تعرف السبب من حالك لحالك وليش هيك عم يصير معك وبتذكر يمكن انت ما كنت تحضر مع انو الحضور مو مقياس للنجاح بس حاول بركي بتظبط معك
على كل ان شاء الله يا رب كل المواد الي قدمتها بتطلع وبتكون جايب فيها علامات كويسة بإذن الله وبتبشرنا فيهن مشان نعملك حفلة غير شكل بالتوفيييييق

خالد الهبل,
روء اخي بسيطة اتطمن عامة.....هالفصل اكيد عامة الفحوصات اكيد كانت صعبة بس الاغلب انو الطلاب عم يفكرو انن فهمانين المادة او انهن دارسين منيح بس بالفحص بيكتشفو الحقيقة المرة
بالنسبة الي بمنهجية البحث صابتني حالة فقدان ذاكرة ليش ما بعرف روء يا زلمي لا تروح حالك بعدين الخمسة بيصيرو سبعة
بعدين بسيطة ازاا رسبنا منزيد ثقافتنا
ومتل ما ئالتلك رغد الحضور بيلعب دور كبير يعني ممكن تفهم شو المهم اكتر وشو النقاط اللي لازم تركز عليها او تتجنبا
وما بتعرف بجوز يطلعو كل موادك ..... لا تنسى الله ما بيضيع تعب حدا
موفق انشالله

عذرا اخ خالد ما اقصدي اجرحك بش الشغلة يدها تركيز ع الدراسة وبس وبس وبس يعني بلا شغل بالبنك وما بعرف شو ومرة تاني عذرا
متل مابتعرف كنا انا وانت بالسنة الاولى سوا الفرق انو انا ركزت ع الدراسة بس واجلت مواضيع العمل لوقتها وهاد هو الفرق كلو.

عذرا ع الكلام اذا كان قاسي------


وبالتوفيق

السلام عليكم

أخي خالد الحل بسيط جداً و السبب واضح وضوح الشمس .

قم بكتابة ماقالة واحدة عن احد الأعمال الأدبية و دع أحد من الدكاترة يصححها لك . الأكيد أن لغتك في المحادثة جيدة جداً , لكن الأخطاء ستكون في مستواك في الكتابة . لا يوجد سبب آخر , فالكثير من الدكاترة يخبرنا أن اللغة السليمة هي في الدرجة الأولى , ثم تأتي الأفكار و المعلومات

طبعا لا شك من وجود بعد الامتحانات تأتي فيها الصعوبة ملحوظة , لكن لا مفر الا بالتخرج

بالتوفيق

الله يستر

فارس,
أهلا وسهلا أخي فارس وقبل ما أعلق بيشرفني أنك زينت موضوعي بردك الجميل... أنا كنت دائما أراسل الدكتورة مي جرجور والدكتور مزعل وقبلن دكتور فلاح ودكتور نادر الله يرحمن والحمد لله مستواي منيح بالكتابة والدليل بس الانشاء 3 حملتها دورة وحدة وباقي الانشاءات كلها طلعت من أول دورة وكنت واحد من الطلاب اللي شكلو عشرين بالمية من نسبة النجاح بالانشاء 5 الفصل الأول عند الدكتورة مي وبعلامة منيحة كمان...
بس برأيي العطل الوحيد والمشكلة الكبيرة هيي بالحضور بس...
Raghad,
شكرا مشرفتنا العزيزة رغد على ردك واهتمامك هلأ أكيد لحظة جنان هي لما فكرت بهالطريقة
فاتن, أي والله احسن شي
شكرا لمرورك أختي ولكلامك اللي فعلا جميل
lili., والله مزبوط كلامك يعني اتخيلي صارو سبعة وهلأ من جديد تالتة لعمى بجن نظامي
zozo,
شكرا لمرورك وبيعننا الله
A7mad,
أي والله الله يستر
alayham,
أبو حاتم شلونك يا عزيزي
أنا مازعلت ولا بزعل من أخ إلي
خيو صحيح كلامك بس لا تنسى أنك صحيح ركزت وهلا رح تتخرج طيب وافرض انشالله هالفصل آخر فصل إلك واتخرجت شو بدك تساوي بعدين؟؟؟ تدور على وظيفة أو شغل ما هيك والراتب بالكتير رح يكون 12 أو 13 ألف صح؟؟
أنا قررت من زمان أنو الجامعة ما تكون أول همي ولا تركيزي الرئيسي عليها وأنا الكسبان بالشغل وأنت تعرف أنو والدي تقاعد وصارلو خمسة تلاتين سنة مدرس وهلأ أنا بعد تلات سنين من الشغل بهالمجال صار راتبي بقد راتبو أربع أضعاف مع العلم أنو هوي صارلو خمسة وتلاتين سنة بالتدريس...
ما بدك تدرس طيب ممكن بس شو بدك تدور بعد التخرج على شركة خاصة طيب السيرياتيل والام تي ان أول ما تتوظف فيهم 18000 ليرة راتبك وبدك تضل هيك 3 سنين لحتى يزيدوه لل25000 طبعا عم بحكي عن الراتب الثابت بينما أنا بشغلي كل تلات شهور في زيادة راتب بحدود الألف وخمسميه للتلات آلاف
وهاد هوي الفرق بين التركيز عالجامعة وإلغاء باقي المجالات وبين التركيز على الشغل والاهتمام جزئيا بالجامعة
عكلن أهلا وسهلا فيك وشرفتني بردك أحلى أبو حاتم

ابو وليد ولا يهمك بسيطة