demo,
الموضوع عن جد كتييير حلو وموفقة باختارك.....
1-هل ترضى الفتاة أن تسكن مع أهل زوجها باستمرار حتى و إن توفرت القدرة على الاستقلال في بيت منفصل عن أهل الزوج؟
لا مابظن... يمكن تقبل بس اول فترة....
بس اذا في قدرة ليش لحتى تسكن مع بيت اهل زوجها
برأيي انو لازم اول فترة من الزواج يكونو الزوجين ببيت لحالهم.... مشان يقدرو يفهمو على بعض اكتر ....يعرفو طباع بعض..... بدون تدخل احد من الاهل بيناتهم
2- هل يرضي الشاب بابتعاده عن أهله بسبب زواجه ؟
هي سنة الكون
بس الزواج مايعني ابتعاد عن الاهل ....الزواج يعني استقلال....
اكيد الشب بس يتزوج مارح يترك اهلو يمكن يكون كل يوم عندهم بس بالاخر رح يرجع على بيتو....
اما اذا ما كانت متوفرة المادة فهادا نقاش تاني

أكيد المفضل عندي إنه نكون ببيت مستقلين , فكيف إذا كان في قدرة مادية بتدعم وبتساعد هالإستقلال .. وبقللك إذا كان ولا بد والحالة المادية لا تسمح , ممكن بأول فترة نستأجر وبعدين نسكن عند أهله لبين ما تصلح أمورنا , هيك منتفاهم يمكن أكتر , بعرف شو طبيعته وبيعرف شو طبيعتي , شو بحب شو بكره بنظام حياتي ونفس الشي هو ,و منشان ما نكون عم نمثل على بعض أنا وياه عند أهله وانا قله إني هيك مرتاحة وكون لاء , عدا إنه السكنة عند الأهل بتعمل تقييد وروتين ونظام اتباعه لا يقهر ولا يكسر وهذا شي صعب بلحظة نحنا يمكن يكون عنا طريقة حياتنا الخاصة .....

برجع وبأكّد إني ماني مع السكنة مع الأهل ,ومع إنه مثلا كل خميس وجمعة نروح نقضيهم عند أهله أو أهلي , كسراً للروتين , وللم العيلة ...

أكيد أو غالبا "نعم" يرضى .

(وعكل الأحوال جواب هالسؤال مو عندي , بس بالنهاية هي سنة الحياة )

الموضوع بمس واقع عم نعيشو بدي أشكرك كتير عليه

هلأ أنا ما بظن انو الشاب لولا ظروفو المادية الصعبة بيقبل انو يسكن عند أهلو لأنو ما في حدا بالكون كلو ما بحب انو يستقل و يصير بالنسبة للشاب رب بأسرته و بالنسبة للمرأة ملكة ببيتا ... الزواج بحد ذاته بيطلب هالاستقلال.. و أنا بقصد بالاستقلال يعني العيشة ببيت منفصل عن الأهل سواء أهل البنت أو أهل الشاب . الزواج نقلة بحياتنا تتطلب كتير من التغييرات

بالنسبة للسؤال الأول: لا ما بظن بترضى بأسوء الأحوال فكيف إذا كان في مقدرة على الاستقلال؟؟ طبعا بيرضى الزواج هيك بيطلب و الشاب اللي بفكر عكس هيك ما بظن إنو بيعرف شو معنى "الزواج"
بس بدي أقول كلمة أخيرة أنو "الله يفرج على كل الشباب لحتى يقدروا يعيشوا و يعيشوا زوجاتهم حياة كريمة"

الموضوع جدا مهم للنقاش ..بس يمكن حتكون عالأغلب الاراء واحدة
لانو هالموضوع بهالأيام صار شبه مسلم فيه مارح جاوب بالعموم ..لانها بتختلف من بنت لبنت ومن تفكير عيلة البنت وعيلة الشب لتفكير عيل أخرى بس بالنسبة الي ..لا أبدا مابفكر ولا واحد بالمية بالسكنة مع أهل زوجي ..طبعا لأسباب مهمة ومنها :
1- تدخل الأهل بكلشي سواء عن حس أو عن سوء نبة وبالتالي بتنشأ كتير وجهات نظر نحنا بغنى عنها وخاصة نحنا بهالفترة المهمة اللي من كون فيها أحوج للتفاهم بصورة هادئة..لنعرف طبيعة بعضنا لانو متل ما الكل بيعرف فترة الخطبة غير كافيه للتعارف
2-اختلاف انماط المعيشة اللي بكون متعودة عليها ببيت أهلي ومعيشة أهلو كمان رح تولد حكي وخلاف.
3-عداكي عن الأمور المعروفة اللي بتصير غالبا اذا كانت الكنة بتعيش مع أهل زوجها ( طبعا برجع بأكد انو مو ضروري يكون أحد الأطراف سيء ليصير مشاكل لا بالعكس أيام حتى حسن النية بتعمل نفس المشاكل بس بطريقة غير مباشرو ومغلفة). طبعا المفروض يرضى يعني بصراحة مو عكيفو لانو متطلبات الزواج تؤدي انو يبتعد عن (بيت) أهلو بس مو عن أهلو لانو هيك بكون مافيه خير لاهلو اذا ما بئئا يتعرف عليهم بعد الزواج وهاد بيأدي انو مافيه خير لحدا

مشكورة

demo,

أهلا و سهلا فيك..
أولا بتشكرك على هالموضوع يلي يعتبر حديث كتير من العائلات..


موضوع متل هيك بدو صراحه و ما بدو مجاملات..
انا بصراحه لأ و هادا مو معناتو كره لا سمح الله .. لا أبدا..

بس فيه بيرضو بس صدقني راح يصير مشاكل وما راح يقدرو يتحملو بعض و لا تنسى نقل الحكي و إمك قالت و إختك قالت و تجي إمك و تقول مرتك ما عملت مرتك ما سوت..
مو معناه إنو فتح بيت جديد إنو بعد عن أهلو لأ بالعكس هاي سنة الحياة..
و هيك بكون أحلى كمان للزوج و الزوجه..
إيشي طبيعي بتعرف ليه لإنو أغلبية حالات الطلاق و المشاكل بتيجي من السكن العائلي المشترك إلي بيفتقد الخصوصية..
كل شي إلو سلبياتو و إيجابياتو صحيح العائله و جو أسري بس في أمور تانيه لازم ما نغفل عنها..


متل ما قالت A..R..W..A, الله يفرج على كل شب يااارب و يحققلو إلي في بالو..

demo,

demo,
و عليكم السلام و رحمة الله و بركاته:
موضوع جميل لا أفضل و لا أحبذ هالشي (تباعدوا تحابوا) ... و كمان في قول بينسب لعمر بن الخطاب (تزاوروا ولا تجاوروا) ... البيت متل المملكة و بحب كون أنا الملكة فيه مهما كان بسيط ... بكون في نظام معين و حياة مشتركة -بين 2 مو مع كل العيلة - قائمة على التفاهم و الحب لنأسس عيلة و نبدا حياتنا و بكون رب الأسرة قائد السفينة و ماحدا غيره. هاد الشي الطبيعي برأيي ... و هالشي طبعا ما بيعني قطع الصلة بالعكس تمام
قديه الأم و الأب بيفرحوا لما بيجي الابن مع زوجته و الولاد بزيارة لعندهم و قديه بتكون فرحة الولاد كبيرة بزيارة بيت جدهم ... هاي سنة الحياة

إذا منرجع لأيام زمان(حسب المسلسلات ) منلاقي إنه الكل كان يسكن مع بعض كل مين بغرفة و على الأغلب يكونوا مبسوطين و هالولاد يلعبوا بأرض الديار حول البحرة ... بتوقع كانوا فاضين و راضين و هالشي يناسبهم ... هلأ الحياة تغيرت كتير