بصراحة انا كل مرة بنزل موضوع وبعطي في رأي فورا .......بس هالمرة مارح اعطي رأي بدي شوف رأيكم اعضاء و(مشرفين)....
وبتمنى تشاركوني برأيكم

للاسف كتير بحياتنا بنلاقي و بنعاني من ظاهرة عدم المبلاة بالمواعيد و احترام اوقات الغير خصوصي انو في كتير مننا ما بيعرف قيمة هالنعمة المهدورة بدون فايدة سواء كان وقتنا متل الفراغ كما قال صلى الله عليه وسلم ( نعمتان مغبون فيهما كثير من الناس : الصحة والفراغ) او وقت غيرنا متل المثال المذكور بالموضوع تبع الغدا..
و اذا بدنا نحكي عن الوقت و اهمتو رح نفوت بمتاهات تانية و نبعد عن موضوع الحوار..
بالنسبة للتساؤولات: هون المشكلة بتكون من شخصية الشخص و قناعاتو يعني صعب كتير انو نعاجلها و بهيك موقف مافي غير انو بقعد مع الشخص و بفهمو انو هالشي بيزعجني و رغم هيك بضل احتمال تغييرو او اقناعو صعب شوي..
الي بيحترم مواعيدو بدل على انه شخص منظم وبخطط لكل شي بتنظيم وترتيب و الغير مبالي عكس هيك...
برأيي ما شرط لأن هالشي بيرجع لشخصية الشخص الغير مبالي يعني الي بيتأخر بيتأخر ع كل العالم ...

fofo star,
يسلمو عالطرح..

fofo star,

لفت انتباهي عنوان الموضوع .. هاد من أهم المواضيع الي لازم تتناقش ..

بالنسبة الي .. احترام المواعيد شئ م ق د س .. مقدس بكل ما للكلمة من معنى .. رفقاتي بيعرفوني منيح و بسموني "السيد دقة بالمواعيد" .. لأني عالرايحة و الجاي بطرقون محاضرة عن احترام دقة المواعيد ..

الشخص اذا عطى موعد المفروض يكون عن موعدو "تماما" .. أو يتصل قبل بوقت يعتذر اذا في عارض ضروري ..

في قصة حلوة بخصوص هالموضوع .. كان في 3 أشخاص دائما يجتمعو بساعة معينة مع بعض .. مرة من المرات .. حضروا شخصين فقط للإجتماع .. و تأخر الشخص الثالث 5 دقائق عن الموعد .. فقال أحد هذين الشخصين للآخر هيا بنا إلى جنازة صاحبا .. عرفوه انو مات بسبب معرفتون بدقة مواعيدو .. ما فصلو عن احترام موعدو إلا الموت .. و هيك لازم نكون ..

يالله شو بحترم و بعز و بقدس الشخص الي بكون دقيق بمواعيدو .. لأن الي بكونو دقيق بمواعيدو معناها هادا انسان صادق .. وهادا انسان ملتزم بحياتو .. معناها هادا ما ممكن يخدع .. لأنو لأن ما بيخدع بأمور صغيرة ما بيخدع بأمور أكبر .. أنا بعتبر التخلف عن الموعد أو حتى التأخر عن نوع من "الخداع" ..

fofo star,

موضوع راااااااااااااااااااااائع جدا جدا جدا جدا ... أشكرك بعنف شديد على قولة رفيقي ابراهيم محمد

شكرا فوفو

مواضيعك دائما مميزة فوفو
اللا مبالاة بالمواعيد مزعجة كتير وفيها شي من عدم المبالاة بالشخص
مافي ابشع من الانتظار
ولسا القصة ابشع وابشع لما بتكوني ناطرة بالشارع وبتصيري تسمعي تعليقات الرايح والجاي
بغض النظر اذا كنتي عم تستني وحدي ولا واحد مثلا بتسمعي شي ظريف عميقلك
ياحرام قديش الك ناطرة
او
طولي بالك ماعاد الا يوصل
يعني فوق قهرك من الانتظار لسا عالم ما بترحمك
مرة صارت معي نهفة
كنت عم انتظر رفيقتي وضليت شي ربع ساعة ناطرة وما كانت تجي
وفي واحد من خفاف الدم واقف طول الوقت وهو عم يعلق ويتغالظ وناطر ليشوف الشخص لي ناطرتو وبكل عين وقحة قلي رح ضل هون وشوف هلتحفة لي ناطرتي
وعينكن تشوفو وجهو لما اجت رفيقتي يعني اكل ضعجة مرتبة

هلا منرجع للموضوع لاني صرت بموضوع تاني اذا صار متكرر معناها متقصد لانو ممكن اعذرو مرة ومرتين وتلاتي
هلا بكل الاحوال مع اني كتير بكره الانتظار بستنى اول الشي لاسمع سبب التاخر بعدين يا بعصب يا بعذرو حسب السبب اذا تاخر بلا سبب وجيه

هو بيكون يا اما

كذاب ومتعود يخدع العالم متل ما قال الاخ علاء
او شايف حالو وما معتبر العالم
يا اما غبي ما بيدرك موقف الشخص لي ناطرو
شكرا على الموضوع مرة تاني

ههههههههههههههههههههههههههههههههههههه

والله انو رفيقك نهفة

اكره شغلة عندي .....و لك و نحنا بزمن فيكي تعرف وين اللي مستني
انا اكتر من 10 دقايق ما بستنى و معروف اني بجي ع التكة .....الله باعتلي شخص بطر احترق و انا عم استناه لانو بدلالولو بيلغي كل غضبي .........حابب علق اكتر بس لازم روح ع الفحص
دعولنا

fofo star,

علقت بلا ما جاوب على أسئلتك ..


شخصيا ما بيتكرر معي أكتر من مرتين .. خلص بقطع علاقتي بالشخص نهائيا .. لسبب وجيه جدا .. هو اني ما بقدر احترم شخص مو محترم حالو ..
متل ما قلت هادا شخص غير مبالي .. لما عطا موعد يعني عطا وعد .. اذا هو ما احترم موعدو و وعدو معنها قبل ما يشكل اهانة الي شكل اهانة لنفسو .. بكون هو ما احترم نفسو و ذاتو .. ولحتى الشخص يكونو محترم من قبل الناس لازم يكون محترم نفسو أولا .. لأن الناس مافينا تحترم شخص غير محترم حالو ..

لا لا لا ... التقيد بالموعد أو عدمو لا يعني المبالاة أو عدما بالشخص الآخر .. أنا لما بعطي موعد - حتى لو كان لشخص ما بطيقو - لازم التزم فيه .. مو احترام للشخص التاني بل احترام لكلمتي .. كلمتي بتمثلني ككل ..
بعدين متل ما تفضل أحد الأعضاء و قال انو ممكن يكون طبع بالشخص التاني .. يعني هو بطبيعته البشرية مهمل .. فمالها علاقة وقتا انو يكون مبالي بالشخص الي عطاه الموعد أو لا ..

fofo star,

أنا أكاد أجزم أنك من الأشخاص الذي يحترمون دقة المواعيد بشدة شديدة والي خلاني وصل لإستنتاجي هو طرحك للموضوع .. لأن - و بكل بساطة - لو مانك من هالنوع ما كنتي اهتميتي بالموضوع من أصلو ..
و أكاد أجزم انك معانية من هالموضوع .. انو رفقاتك ما عم يكونو على مواعيدون معك

يا اختي الشعراء بيطلع معون كل شي

بهالموقف بحذر الشخص او بتركو اذا اتكرر اكتر من مرتين بدون عذر
ورأي فيه لنو شخص غير مبالي وما بيحترمني (متل ما بقولو مو عاملي قيمة)
والتقيد بالموعد يعني تماما الاهتمام بالشخص الآخر وإظهار الاحترام له بما يكمن من محبة تجاه الآخر.

الألمان مشتهرون جدا بدقة المواعيد
الباص الألماني ما بيتحرك الا عالموعد تماما بالساعة والدقيقة والثانية

دقة المواعيد من صفات الشخص المنتظمو المحترم

شكرا لك عالموضوع الرائع

z-r-11,
شكرا كتير على ردك
LILAC,
هاد من ذوقك....واشاء الله الي تأخرت عليكي هديك المرة ماتعود وتتأخر...
Safwat,
موقف بالفحص انشاء الله ....
وعم استنى ردك
sleman alhasan,
شكرا كتير على ردك

Ala` AL-Ibrahim
شكرا كتير على مرورك على مالموضوع (مرتين)
كتير حلو انك انسان محترم مواعيدو.....وانشاء الله يارب تبقى هيك
وعن جد انا انسانة متقيدة بمواعيدها.....
وبحترم كل شخص مقيد بمواعيدو.... وبتمنى الكل يهمتمو بهالموضوع