اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟
لا مابظن انو بتنقص من روجولته لان نحنا عم نقول مساعدة فقط مو يعني كل شغل المطبخ عكتافو يعني مافيها شي اذا عمل سلطة وحط الصحون ورتب الطاولة او سخن الاكل

ثالثا:هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟سؤالي للبنات
بحاول معو وبظن اني بقدر اقنعو واذاااا ماوافق بدي ابقى عم نق لانو النق بجيب بتيجة عند (أغلب الرجال)

بالاصل هدول مو زلم لكذا سبب
ومنن طبعن انو بالاصل مالازم تكون احاديث الزلم ولو بين بعضن انو والله انا خليت مرتي تعمل هيك وهيك عملت فيها يحرق اخت الرجولة اذا بدها تنقاس بهيك شغلات
واللي بدو يعمل رجولة بهالشغلات يروح عفلسطين والعراق وغيرها من البلاد العربية ويارجي رجولتو هنيك لا تجيبي سيرة العرض

الموضوع نسبي وفي فرق كبير لما بتكون الزوجة موظفي او لاء
يعني لما بتكون متفرغة لشغل البيت كل اليوم ومقضية وقتها بلزيارات وبتطلب من زو جها يساعدها بعد ما يجي من شغلو اسمحيلي هي المراة مسترجلة
والله يعين زوجها

اما لما بتكو ن موظفي وعم تشتغل برا البيت ومطلوب تشتغل جوا البيت
اكيد اذا طلبت من زوجها مساعدي وما قبل بيكون هالرجل بلا احساس
والله يعين مرتو عليه

الموضوع برئيي ما الو علاقة بالرجولة والانوثة
ومتل ما قال الزميل عصام
يحرق اخت الرجولة اذا بدها تنقاس بهيك شغلات مارح اطلب منو هيك طلب الا اذا كنت تعباني كتير او ما عندي وقت كتير
غير هيك ما بطلب
اصلا عادة الزلم ما بيعرفو يشتغلو بالبيت وغالبا بدك ترجعي تشتغلي وراهن

اذا طلبت وما نفذ
مممممممممممم
بحرد
لاء اكيد بالنسبة الي انا مرتبطة بشخص رائع وما بيفكر تفكير العصور القديمة

ومتاكدة مليون بالمية انو رح يساعدني

انا بلاقي المساعدة حلوة بين الزوجين و
كتير بتخلي الحياة مستقرة
و المراة ما عم تطلب من الرجل انو يشتغل كل شغل البيت عم تطلب
مساعدة بس

بصراحة ما بظن انو اذا تزوجت
اطلب الا اذا كنت كتير محتاجة
و بعدين المساعدة كرم اخلاق من الرجال
صح و لا لأ

ج.اولا: بصراحة على العكس لاتنقص من رجولته برايي بذلك بل يجب ان يكون الرجل مساعدا لها بكل شيئ للمحافظة على كيان عش الزوجية متماسكا بالتعاون والمحبة وخاصة اذا كانت المراة في فترة حمل او ما شابه

ج.ثانيا:
طبعا ولا اقولها هكذا (يعني عشان تعجب فيي شي بنت لاني بدي ساعدها ) ولكن بصدق سوف تتم المساعدة وقد ذكرت الاسباب

ج.ثالثا:
ما دخلنا هون

شكرا لك عالموضوع الرائع

شكرا كتير لكل الي شاركو بالموضوع.....
بس ياعصام انت قلت يلعن اخت الرجولة اذا بدها تتناقش بهيك شغلات ..... جواب كتير حلو
بس معناها لازم تجاوب بأريحية على السؤال بس انت ماجاوبت.....
وبتمنى انك تجاوب عالسؤال التاني....
بس الحمد الله مبين انو نسبة الطلاق بدها تخف

fofo star, بتعرفي قلت ايه انو سؤال هاد ورجعت قريت فوق وطبعن الجواب اي والله يهني هالام وسام علي لانو بعرف اقلي بطاطا وقطع بندورة وخيار

أكيد ما رح تنقص شيء من رجولته إذا ساعد المرأة بالمطبخ او بأمور تانية , وخاصة إنه الرجل إله لمساته الخاصة فيه وحتى بالطبخ والمطبخ إله طبعة خاصة
والمساعدة مو بس بالجلي والشطف والمسح , في مساعدة من نوع تاني , يعني مثلا البابا بيخترعلها أدوات للماما منشان يسهّل عليها الشغل كتير , عمل متل طنجرة بطريقة ما خاصة للمحشي , وطريقة (متل آلة صغيرة) لتشريح الفاصولية أسهل بكتير من استخدام السكين , وكم شغلة كمان , بيختصروا عليها الوقت والجهد ..وهي أكيد بحد ذاتها مساعدة ..
أطلب طلب , لا ما أظن
بس ممكن حسسه بشكل ما إني أنا بالفعل بحاجة لمساعدته..ويعني بين مزح وجد كل شي بصير ..
ومو غلط إذا شي نهار طبخ هو , وخاصة إذا في أكله مميزة بيعملها , فليه لاء , وليه لاء كمان إذا بيعمللي شي نهار مفاجئة مساويله شي شغلة

بس يعني أهم أهم أهم الشي عندي يكون بحب الكوي , لاني أنا أكره شي عندي هو إني أقعد أكوي

وبالنهاية يقول المثل : إبنك على ما ربيتيه , وجوزك على ما عودتيه


موضوعك حلو , جدي ومرح بنفس الوقت