ماذا تقول عن المرأة المسلمة الغير محجبة ؟؟


هل الفتاة الغير محجبة غير محترمة؟؟؟

هل الغير محجبات قد يكون فيها فضائل اكثر من المحجبة. أم العكس ما رايك أنت؟؟؟؟

هل مبادرتك بالكلام مع بنت محجبه تختلف مع مبادره كلام مع بنت غير محجبه
من تحترمها اكثر بنت محجبه ام بنت تقول انها تصلي ولكن غير محجبه؟؟؟؟


هناك كلام سمعته من بعض الشباب ويرددونه كثيرا يقولون ان اكثر المحجبات هن على قدر بسيط من الجمال او ان المحجبه دائما غير جميله فانها تخفي بشاعتها وراء الحجاب وطبعا هذا كلام حرام وغير منطقي فما رايكم؟؟؟؟؟

انا برأيي:

الأخلاق ليست محصورة على الفتاة المحجبة او غير المحجبة ....

لكن الاسلام امر بالحجاب وهو يجب على كل مسلمة ....

وانشاء الله أن يكون الحوار بناءا وأخويا
مع بالغ احترامي للجميع..............................

أول شي بدي جاوب عالأسئلة
أحسن شي الله يهديها أحسن ما نفوت بمواضيع تانيي
بس إزا عم تؤول مسلمة وين دور الأهل ؟؟
مو دائماً ,, بس للأسف كل شي بأدّي لشي
وبعرف قصة واقعية عن هالشي
طبعاً شي سيء رح يأدّي لأسوأ أكيد
قد يكون
بس برأيي الغالبية لأ
أبداً شي غلط بغلط
الوحدة لما عم تتحجب وتنفذ أوامر الدين وتصون نفسا بتكون عم تخبي بشاعتا
أكيد لأ

sleman alhasan, يسلمو عالموضووع خيوووو

تقبل مروووري

أخي سليمان حلو موضوع الحجاب كتير و شكرا على هالنافذة الي فتحتا لنحكي على فريضة الحجاب

هلئ من خلال طرحك للموضوع ما كان عندك أي تحيز للمحجبة أو لغير المحجبة وهاد كمان شي منيح لحتى نخلق جو الحوار .....
بس برأيي
العنوان كان لا يخلو من الخطأ (ماذا تقول عن المرأة المسلمة غير المحجبة ؟)
نحنا ما مطلوب مننا نحكم أساسا عن المرأة الغير المحجبة و ما بيحقلنا أبدا نقول أو ما نقول عن المرأة المسلمة الغير محجبة ...لأنا متل ما قلت هيي مسلمة والمفروض انها بتعرف انو الحجاب فرض ...ممكن ندعيها لوضع الحجاب بس ما بيحقلنا نقيما و نحكي عن أخلاقا بمجرد إنها غير محجبة
و بالنسبة لموضوع انو الي بتصلي ومو محجبة أحسن من المحجبة وما بتصلي فهون أنا براايي انو كل وحدة علما عند ربا وكمان نحنا ما منقدر نحكم أبدا
لأنو الصلاة فريضة والحجاب فريضة ...و تركن للصلاة أو الحجاب أكيد في حرمانية ..
و في نقطة يمكن هيي شوي بعيدة عن الموضوع هون برايي الغير محجبة هيي واضحة وصريحة مع حالا ومع العالم أكتر من المحجبة الي بتطلع بكامل زينتا ولباسها مو مستوفي شروط الحجاب والحشمة...و بهالحالة الغير محجبة ما بتكون عم تسييئ للحجاب على الأقل ...
وبالنسبة الي ما عندي فرق بالتعامل مع المحجبة أو غير المحجبة ... يعني بالنسبة للتعامل الأخلاق والصدق والأمانة اهم شي ... و طبعا البشر أشكال ألوان
يعني بتلاقي وحدة ما محجبة أحسن من وحدة محجبة باخلاقا ودينا ... و ممكن تلاقي محجبة مو منيحة بالمرة ...
وممكن تلاقي وحدةمحجبة ودينة و أخلاقا منيحة و هي بتكون صورة متكاملة للمرأة المسلمة ...
و الله يهدينا و يهدي الجميع ...