السلام عليكم
اذا في مجال يا جماعة عندي كم سؤال بالنسبة للفحص سنة 3
الترجمة : في نوطة تبع اسماء بلدان وهيك شي .... مين بيعرف كيف ممكن تجي صيغة هيك سؤال ..؟؟ اذا حكت الدكتورة ؟.... يعني بتحطلنا البلد ولازم نكمل نحنا العاصمة والعملة وال ... ولا بس ترجمة كلمات ؟؟
2) : المسرح : في مواضيع ولا بس تعاليق .........؟
3) : النثر : في مواضيع ولا تعاليق ؟؟
4) : شو المواد المأتمتة ......؟
طبعا مع الشكر للكل وخاصة فارس الله يعطيه العافية
وانشالله موفقين جميعا

mr.spanker,
هلا أخي وصلت هلق مشان نوطة البلدان انا بتذكر انها قالت انها بدها تحزرنا بس شو هيي عاصمة البلد و نحن منكتبها
بس يمكن تراجعت عن الفكرة
بس هلق بحب قلك انوا احفظ كل اسم بالعربي و كتابتو بالأنكليزي
يعني : قبرص لازم تعرف انت انها Cyprus
بالإضافة انو في علامة على الحرف الأول انوا يكون كبير
و بالعكس بيصير بالنسبة للنكليزي عربي و الله مواضيع و تعاليق
و خود الحل السريع من أخ الك
اقرا اللي كتبنا اياه الدكتور بتلاقية بمحاضرات المكتبات
و الشي المهم كتير و اللي بنصحك تركز عليه هو York Notes
اذا مو موجودين بالمسرحية كاملين عندك فهن موجودين بالنفق عند وضاح و انا رفيقي جبلي اياهن و مفيدات كتييييير النقد اللي موجود فين
اقراهن بتنجح ان شاء الله النثر 60 لل 65 علامة أتمتة من الدكتور
يعني نوطة ال English novel هي رح يجي منها قال كتير يعني شي 20 علامة
و الروايتين و قلنا دققوا على التنتين منيح جود و مرتفعات وذرينغ و قال التنتين بنفس الأهمية و التانية أكتر
و السؤال التاني
موضوع قرابة ال 20 لل 22 سطر
موضوع أو مقالة قال ما بتفرق كتير علم اللغة 2 فقط أكيد كل الشكر لأخونا فارس على تعبوا معنا
و اي شي تاني انا جاهز
موفق ان شاء الله