كيف بمقدوركم أن تضعوا كلا من اللين و الشدة في المكان المناسب و الذي من خلاله يصبح بمقدورنا أن نحدد مواطن الشدة و اللين و أسبابهما و الدافع لكل منهما.

السلام عليكم
حبيت كون أول شخص برد على هالموضوع يلي فينا نقول أنو يمكن يكون السبب في كتير من القصص و الخلافات حتى ضمن الأسرة.
يعني فينا نقول أنو الشدة و اللين موضوع فارض نفسو في جميع الأماكن و في جميع الأوقات,
الأستاذ بمدرستو و مع طلابو, الأب ببيتو و مع أفراد أسرتو,و المدير بمؤسستو مع الموظفين,ووووووالخ
والجميع مطالبين بمعرفة الطريقة المثلى للتعامل يلي من خلالها بحققوا النتائج المرجوة و بالطريقة التي تتناسب مع أسلوب الشخص و طريقة نظرتو للأمور الحياتية.
في فئة من الناس بتشوف أنو الشدة و القسوة هي الطريقة المفضلة للتربية المنزلية,و لزيادة الانتاج,و لتحقيق الانضباط في المدرسة . و بهي الطريقة ,برأين,بيفرضو شخصيتن على الأشخاص المحيطين فينو هاد الشي بكون بمثابة نصر لألن لأنو بيرضي غرورن أو ربما حب السيطرة عندن.
وفي فئة من الناس بتميل للين في تعاملها مع الناس الآخرين و غالبا هاد الشي بكون بسبب ضعف في الشخصية أو خلينا نقول ردة فعل على الشدة و القسوة في التعامل.و بتكون النتائج في أغلب الأحيان غير مرضية على الاطلاق لا على صعيد الأشخاص أنفسهم و لا على صعيد المحيط و بالتالي الندم و عدم الرضا و هاد الشي كتير منلاحظو من خلال الدلال الزائد للأهل.
وفي فئة أخيرة بتمشي على مبدأ خير الأمور أوسطها ,وهون لازم نعرف كتير منيح وين المفروض نتسم بالين و وين لازم تكون الشدة غالبي على سلوكنا و تصرفاتنا.
و أنا برأيي أنو حتى على المستوى الشخصي لازم يكون الشخص صارم و شديد شوي مع حالو لأنو بهي الطريقة بيقدر أنو يمنع حالو من قول أو فعل أشياء الشخص نفسو بغنى عنها ,بس هاد ما بيعني أنو يلغي شي أسمو ليونة من حياتو .
هاد كان باختصار, نوعا ما, ردي على موضوع بر أيي كتير مهم و بيستحق منا أنو ناخدوا بعين الاعتبار في حياتنا و على جميع المستويات. بيبقى نعرف ردكن أنتو؟؟؟؟

في الحقيقة إن تطبيق إسلوب الشدة واللين في آن واحد أمر في غاية البساطة والسهولة, ويمكننا تطبيقهاً وفقاً للشخصية التي نتعامل معها فهناك شخصيات لايمكن المزج بين الشدو والين معاً معها لانها شخصية صلبة أويمكننا أن نطلق عليها أسم المتصلبة والتي لا يمكن التعامل معها إلا باسلوب الشدة وهناك شخصيات أيظاً لا نستطيع التعامل معها أبدأ وبدون أي شكل من الأشكال إلا من خلال أسلوب اللين أو الرفق حيث إن طبقناً عليها أسلوب الشدة فربما تصبح شخصية عدائية وقاسية ومنطقة الآنا تتفاقم معها وتصبح عاصية ... وبشكل عام يمكن تطبيق اللين والشدة كما قلت من خلال دراسةا لشخصية ..

سيرين,
نورتي القسم بمشاركة الرائعه..
هدول إلي ذكرتيهم هم إلي بيستخدمو مصطلح اللين والشده حسب الموقف إلي بيحتم عليهم هيك أمر..
لازم كل واحد فينا و كل واحد بحس حالو إنو مسؤول من شي معين يكون عندو درايه و حكمة باستخدام هالطريقيتين..
يعني حتى في القرآن الكريم ذكر الثواب والعقاب و هالشي قريب من اللين و الشده في التعامل و خصوصا في مجال العمل و التربية و كل مجالات الحياة..

بتعرفي يا سيرين, أنا و جهة نظري بهيك أمر إنو الوسطية هي الخيار الصح و إلي من خلالو بنقدر نربي و ننتج و نضبط..
إحنا الرسول قال عنا أمة وسطى يعني لازم ما نركز لا على اللين كتييييييير ولا على الشده كتير يعني لازم نكون هيك و هيك في تعاملاتنا الحياتيه..

و انا بوجهة نظري إلي بدو يضل يركض ورا إرضاء غرورو راح يتعب بآخر المطاف و ما راح يجني شي بالعكس راح يخسر كل شي..
و حب السيطره و التملك بالأول والآخر مرض نفسي في عالم بتحب تتملك و تسيطر و هدول صعب التعامل معهم أو بدنا نكون حذرين بالتعامل معهم يعني هلأ أنا بلاحظ إنو الشخص المسيطر بوجهة نظري منفر وما كتير العالم بتحبو...!!

متل ما قلتي ضعف في الشخصية

و أنا كتير برجح ضعف الشخصية بيكون سببها سوء في التربيه لإنهم كتيير ركزو على اللين في مواطن و أهملو الشده في مواطن ضروري تكون فيها شدة بالأمور..
و كتر الدلال أكبر خرااااااااااب للأجيال و لهيك في كتير أجيال الدلال سبب عندهم الامبالاة و عدم الإكتراث و عدم التأثر والشعور بالآخر و أمور كتيره...

انا بعتقد إنو هيك الأسلم...

سيرين,
بعتذر على الإطاله

و بتشكرك من كل قلبي على هالموضوع الرائع ..
تقبلي مروري..

مسا الخير
شكرا أخ حلواني على مرورك
و شكرا ألك هبة على ردودك كلها دون استثناء و القسم منور أكيد بوجودك و بإشرافك
و موفقة انشاء الله على طول

برأي إنه الردود كانت بتكفي وبتوفي ...
بس عندي إضافة بسيطة حابة قولها : وهي حالة التذبذب بين اللين والشدة ..

بأي مجال من مجالات الحياة ,المدير بشركته , المدرس مع طلابه , الأب أو الأم مع الطفل ,,, ما لازم يكون في تذبذب , الخطأ خطأ والصح صح , مو مرة بيوقع الخطأ بتغاضى عنّه وبسامح ومرّة بعمل مشكلة كبيرة كتير ..
فكرة التغاضي إن وجدت لازم تكون بالبداية وبالتدريج للوصول لمرحلة الشدة ..

التذبذب بتعامل الآخرين معنا بخلينا ضايعين

سيرين