-أرضنا الخضراء:
ناس عم تفلح و تزرع و شو ذنبنا نشوفن؟ ما بعرف!
و بيصورولك الزراعة كأنها شي صناعة ذرية تقول!!! ولهلأ بتذكر اسم مقدم البرنامج: بشار مصري زاده


-الايدي الماهرة:
و من اعداد و تقديم الشب نفسو (لعما واستطو شو قوية) ,كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!
و أحلى شي بيسألو بالآخر:"وين اليد الماهرة بالموضوع" هادا عأساس متل سؤال أزلي!


مع العمال:
وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
-

نحن الطلبة:
كلو رقص و دبك و انشطة اجتماعية و محاضرات و سيارين و شك نصبات شجر ....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هاي شغلات ثانوية ...انا بفضل يتسمى مع الدبيكة و رقيصة العربي!


أطفال هواة:
يااااي ماما فاتنة ليش سنانك سود؟؟!!دخان ولا حشيش؟؟!!
و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام! و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!! وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف !!هوي صنع الشطرنج ولا بيلعب فيه!!
-

الطلائع:
برنامجي المفضل! بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء" خزيت العين! و بدو يفرجينا عالتجربة اللي رح تغير وجه الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!" ....
اسم الله عليه!! بدو طابة زرقا مو خرزة!!

الحمدلله على نعمة الدش

ملطووووووووووووووووووووش

كنت عم بئرا هي آمت عجبتني كتيييييييييييييير
بس لما أريت هي فرطت من الضحك
آآآمين
على حد علمي هي شغلتي
من وين متعلم الصنعة

ليك شخبطت عالحيط بس ما صرت رسام شو أعمل




Wissamo, سلمون خيووووو

عبيدة,
لك أهليييييييين عبود.......ليك تعا لعندي وأنا بعملك أحلى دورة رسم وببلاش كمان .......روح جخ

a7mad alsibai,
شايف ما أحلاهن شايف
الحلابات الاطناعيات اختراع سيذكر حتى عام 2230
أهلين أخي أحمد......نورت الموضوع

حتى ما ينصاب بالعين
يسلموايديك Wissamo موضوع حلو..
تقبل شكري..

لك آآآآآآآخ...لكن شو بدنا نحكي نحنه
أنا كان حلمي أعرف واحد بيتابع أطفال هواة...
عندي عقدة من ورى هالبرنامج... يا الهي قديش كنت أكرهها
لك واذا انجبرت أحضرها (باعتبار ما كان عنا غير غصب واحد وغصب تنين)
يعني القناة الأولى والتانيه
المهم اذا انجبرت أحضرها مافي غير مسخرة وتئريئ عالمذيعه
بعدين الله يسامحك كيف نسيت برنامج سؤال عالماشي يلي حطّم الأرقام القياسيه بنسبة المشاهدين...وبالأخير يلي بيعرفو الجواب تنين من أصل 1500 واحد
والجائزه ألف ليره 500 لكل منكم...
لما البرنامج الوثائقي عن بحيرة زرزر...
يحد بحيرة زرزر من الشمال شمال بحيرة زرزر
ويحدها من الغرب غرب بحيرة زرزر
أما شرقا فيحدها شرقا شرق بحيرة زرزر!!!!!!!
الذي زرزرها ..زرزر ابن زرزور الفلافلي في العهد الصندويشي
لأ وكانت قمة التسلايه عندي أني أعرف شو صار نسبة الأمطار عنا مقارنة بالمعدل(سبحان الله من صغري آكل هم الزراعه)
لأ والأبراج تبع غدا نلتقي...كل يوم برج
لأ وبيعطوك شوية حماس أنو حزير شو هو البرج ..(كأنو عم أتفرج علوتو أو برنامج مسابقات)
لمّا ما يطلبه الجمهور والتيته أم عمار(وكلمتها المشهوره ....أهلين عيوني)
لك آآآآآآآخ والله فتحتلي جروحاتي يا وسام
والله بدي مجلد كامل لفرّغ الشحنة يلي ولّدها التلفزيون فيي

Wissamo, مشكوووووووور

mohammeddali,
أهلا وسهلا فيك أخي

عبدالله,
أهلا فيك.....نورت الموضوع

أوركيدا,
لك أهليييييييييين بأوركيدا والله
إيه إيه خلف الجاسم
نور الموضوع



kma,
لك ميه هلا بخالد
لك عنجد فرطت من الضحك على هالرد تبعك
خيو إذا حابب تفرغ شحنة...الموضوع كلو ع حسابك
ممشكوووووووور عالرد