هذا الموضوع جاد جدا و أتمنى من كل شخص يقرأه أن يعلق و لو بكلمة ..........
السؤال ماأمنيتك بعد التخرج؟
هل تفكر بالعمل ضمن مجال التعليم أم تفكر بالعمل ضمن المؤسسات الخاصة أم بالسفر خارجا؟؟؟
أسئلة كثيرة جدا ولكن وحدك فقط قادر على الاجابة عنها.......
[align=center]مع كامل حبي و احترامي للجميع[/align]

مع أمنيتي بالتخرج لجميع الطلاب و ألف مبروك سلفا.

greeneyes-87
شكرا على موضوعك حلو
بالنسبة إلي إني اتخرج هاي هلق أكبر أمنية عندي وحلمي الوحيد أما بعدين شو رح اعمل ما كتير مهم لاني بكون تخرجت وارتحت من هالهم
بس بدك الصراحة أمنيتي لاقي شغل مرتب مثلا بشي بنك بس متل ما بتعرفي هالشي رح يكون حلم بس لانو ما في شي بلا واسطة لهيك خليني هلق عم احلم بالتخرج هالسنة أو ع التكميلية
و هم الشغل !!! رح اتركوا لبعدين
و كل شي بوقتوا حلو
وانشالله يارب الكل بيتخرجوا وصلواتي كلها معكن

اول شي بدي اعتذر ع تكرار الرسالة 3 مرات
بس يظهر إنو كان في مشكلة بالموقع ويقولولي انو في خطأ
بس الحلو وين انو يخزي العين عني راجعة كاتبة نفس الرسالة مرتين بلا ما خربط
بكرر اعتذاري مرة تانية

شكرا بس حسيت هاد هم كل طالب على باب التخرج .....
و لا يهمك حتى الرسالة لو وصلت 3 مرات بس هالشي خلاني حس أنو فعلا في حدا متلي عم بيفكر بنفس الطريقة


انشا الله بتتخرجي يا ستي و بتحققي يلي ببالك

بدي سافر
واذا ما مشي الحال بضل هون وبفتح محل فلافل..
greeneyes-87,
تسلم عالموضوع

الصراحه امنيتي ان اجد وظيفه فى بنك وهذا طبعا مستحيل الا بالواسطه لان البنك شغله مرتب او اي شركه اجنبيه بس هذا كمان مستحيل لاني اسكن فى مكان بعيد عن العاصمه والمسافه تقريبا سفر ليوم كامل انه مجرد حلم الظاهر احلامنا وامنياتنا ما بتنتهي وامنيتي الاخيره اسافر برع بلدي الى دوله ما هذا الصراحه والحمدلله مش مستحيل لان اصلا انا كنت برع بلادي 12 سنه مغتربه فى الامارات بس الواحد ما يعرف ايش مخبئ له الايام احتمال ارجع واحتمال لا ارجع الله اعلم ................

والله بالنسبة لأمنيتي فهي مو شي مهم بالنسبة للشغل ولا تتضحكو علي اذا قلتلكن انو عم احلم من شي خمس سنين انو نام ليلة مرتاح ومافي شي فكر فيه ولما فيق من النوم اعرف حالي رايح هيك اطلع وشوف ناس والله راح طق بين محاضرات وقطع وامتحان ......العمر عم يروح هيك ضايع

والله ياخي الكريم كلام اسماعيلوفتش كلام صحيح مئة في المئة من كنت في الصف الاول ابتدائي كنت اقول نيال والدي لانو بينام مرتاح وبتفرج على التلفاز ايمت منبدو وبروح وانا لهلق ماعندي هالحساس حتى بالعطل بحس حالي مقيد عما فكر بالمواد والدراسة بصراحة لا اذا درسنا بنرتاح ولا اذا خلصنا دراسة بنرتلح وبعين الله احسن شي الطريق طويل ونحن لاندري في بدايته ام نهايته ام ربما لانكون فيه لاادري

اي والله صح كلام (اسماعيلوفيتش وجورح برناردشو )متى نرتاح مثل العالم والناس بيخلص عمرنا واحنا بين هالكتب كثير عجبني تعليقكم هذا احساس كل واحد يدرس فى دولنا العربيه