الـــيــــوم ابراهيم محمد على كرسي الاعتراف

آرتينيه مغتربه · **Inscrit le:** 20 Octobre 2008

مرحبا ابراهيم محمد انا حبيت اسأل كم سؤال من خلال متابعتي لردودك أول بأول وبصراحه اول مره بسأل

شو بتعنيلك او شو بتقول حول:

_البحر عند الغروب

_المطر والغيوم

_المرأه المتزوجه وعم تكفي دراسه و موظفه

البنت الفاشله بدراستها

_البنت رسبت وحاولت كل جهدها لتنجح وتكفي

_البنت الي بتحب شخص اصغر منها

_البنت الي بتحب شخص متزوج

_تابني الي بتبقى وفيه لحبيبها وبتبقى بتحبو رغم هوي الي تركها او ما عاد بدوا ياها

_الولد المعاق في البيت

_الغربة

_العيون الزرقاء
واسفه اذا كانت اسئلتي كثيره بالنسبه للاسئله ما رتبتن ارسلتهن متل ما طلعو معي

____لو سمحت اذا بتقدر تنزلنا كتاب لا تحزن بالمنتدى لان بصراحه صار عندي فضول اني اقرأهالكتاب

Safwat · **Inscrit le:** 01 Mars 2007

بشكرك اخي ابراهيم لكل افكارك الحلوة

و هلق رح اسئلك :

1-    من شاعرك /شاعرتك الانكليزية المفضلة؟؟
2-    ايمت بلشت الكتابة ....و مين كانت صاحبة اول ابياتك الغزلية ؟
3-    لمين بتقول " قلبك بينبض بجسدي "؟
4-    بتتألم ؟؟؟ بتختنق ؟؟؟ من شو ؟؟؟
5-    مين هني افضل 3 بنظرك بقسم بوح المشاعر (3 شعراء بس ؟"
و بالنهاية بشكرك انك تحملتني و بحب قلك انك انسام موهوب باحساسك العالي و تصويرك الراقي لمشاعر الشاب العاشق –شخصيا أنا بحب اتخيل حركاتك بسرد خواطر ك...لانك بتعتمد ع الاحساس المتكامل و و التصوير ؟؟
و اهم شي انك تميزت بخد أدبي سردي وصفي باحساس عالي و بنظم حلو و حركات بتتولد ببال القارئ أثناء القراءة و ان شاء الله تتابع بهل الخط الادبي الشعري اللي انتي رائدو ..........
أحبك في الله ..و السلام عليكم

ابراهيم محمد · **Inscrit le:** 15 Septembre 2007

آرتينيه مغتربه,

أهلا وسهلا وغلا فيكي ومنورة الموضوع

رح بلش مع امتحانك فوراً لأنو الوقت مانو كبير

Citer:

شو بتعنيلك او شو بتقول حول:

Citer:

_البحر عند الغروب

احتضان ما خلفه اليوم من آثام قام بها البشر ووضعت على الشمس واحتواها البحر بسعة صدر

Citer:

_المطر والغيوم

جو رومنسي بينقلني لعالم تاني بعيد ما بعرف شو هو بس بكون فيه مبسوط لما أمشي تحت المطر

Citer:

_المرأه المتزوجه وعم تكفي دراسه و موظفه

مجاهدة وانسانة فذة على شرط انو تقوم بمهام الزوجية من دون تقصير أما فيما عدا ذلك تعتبر خائنة

Citer:

البنت الفاشله بدراستها

ما فيها أي مشكلة انو تكون البنت فاشلة بدراستا لأن الذكاء مستويات ومو اجباري انو الكل يكون متفوق بدراستو

Citer:

_البنت رسبت وحاولت كل جهدها لتنجح وتكفي

الله يعطيها ألف عافية لأنها مصممة انو تتابع وقاومت الفشل وهالبنت برأيي انسانة جاهزة لتكون مسؤولة عن أسرة مستقبلاًَ

Citer:

_البنت الي بتحب شخص اصغر منها

مجنونة حسب شروط مجتمعنا
عاشقة حسب شروط الحب
لأنو الحب ما بيعرف كبير ولا صغير ولا عمر ولا هم يحزنون

Citer:

_البنت الي بتحب شخص متزوج

بداية لإنهاء حالة استقرار اسرة وسبب خراب هالأسرة هو هالحب اللي ما في الو اي داعي

Citer:

_تابني الي بتبقى وفيه لحبيبها وبتبقى بتحبو رغم هوي الي تركها او ما عاد بدوا ياها

إن الاخلاص لدى الرجال يكاد يكون محال أما الاخلاص لدى المرأة فهو معشش في قلبها وعقلها وروحها
هالبنت مخلصة لرابطة جمعت بينها وبين هالشخص اللي حبتو وتركها بالنهاية وهي بهالشي بتثبت انو حبها كان صادق وحبو هو الها كان على مبدأ هات ايدك والحقني

Citer:

_الولد المعاق في البيت

ملاك في اجازة من عمله يجلس في البيت مرتاحاً

Citer:

_الغربة

بشعة بس ضرورية

Citer:

_العيون الزرقاء

صفاء ونقاء وطهارة

Citer:

واسفه اذا كانت اسئلتي كثيره بالنسبه للاسئله ما رتبتن ارسلتهن متل ما طلعو معي

لا آرتينية بالعكس أسئلتك كانو حلوين كتير وأهلا وسهلا فيكي

Citer:

____لو سمحت اذا بتقدر تنزلنا كتاب لا تحزن بالمنتدى لان بصراحه صار عندي فضول اني اقرأهالكتاب

ولو آرتينية

تكرم عيونك فيكي تحمل كتاب لا تحزن من هالرابط

Désolé, vous devez vous inscrire pour voir le lien Si vous êtes membre, il suffit de signer po

سعدت بالرد على أسئلتك آرتينية مغتربة

تحياتي

ابراهيم محمد · **Inscrit le:** 15 Septembre 2007

Safwat,

أهلا فيك يا غالي من جديد

Citer:

بشكرك اخي ابراهيم لكل افكارك الحلوة

هن عاديين بس الجميل يرى كل شيء جميلاً

وأنا رح جاوبك حبيبي

Citer:

1- من شاعرك /شاعرتك الانكليزية المفضلة؟؟

الشاعر الانكليزي المفضل هو أكيد شكسبير
الشاعرة هي Charlote Smith

Citer:

2- ايمت بلشت الكتابة ....و مين كانت صاحبة اول ابياتك الغزلية ؟

بلشت كتابة بصف العاشر وكانت صاحبة أول قصيدة هي بغداد

Citer:

3- لمين بتقول " قلبك بينبض بجسدي "؟

لأبي رحمه الله لأني لم أعتبره ميتاً إلى الآن فلا زال حياً في قلبي وقلب من أحبه

Citer:

4- بتتألم ؟؟؟ بتختنق ؟؟؟ من شو ؟؟؟

أكيد بتألم وبختنق من كتير شغلات
متل انو لما أحكي رايي وما حدا يستوعبني وما يفهمني
وبختنق على وضعي الحالي اللي أنا شايفو انو مو مرضي
وبتألم على الشي اللي عميصير بالبلاد المسلمة والعرب والمسلمين واقفين يتفرجوا من دون ما يعملو أي شي
بختنق لما شوف شغلات بالشارع تهز البدن مع انو ما الي أي علاقة بالشي اللي عميصير بس بحكم غيرتي الشديدة بختنق
وفي لسا كتير شغلات يمكن بكر نزلهون بكتاب لأنو المكان هون ما بيتسع الهن

Citer:

5- مين هني افضل 3 بنظرك بقسم بوح المشاعر (3 شعراء بس ؟"

مممممممممم
سؤالك هاد يا غالي صعب ومحير بنفس الوقت لأنو 99% من اللي ناشطين ببوح المشاعر كتاباتون بترفع الراس وأنا اذا أعطيتك تلات أسماء بكون ظلمت كتير ناس تانية
لذلك بفض انو أكتفي بالقول انو الكل هون مميز ان كان بتواجدو الجميل أو من خلال أشعاوا أو مشاركاتو اللي بترفع الراس

Citer:

و بالنهاية بشكرك انك تحملتني و بحب قلك انك انسان موهوب باحساسك العالي و تصويرك الراقي لمشاعر الشاب العاشق –شخصيا أنا بحب اتخيل حركاتك بسرد خواطرك...لانك بتعتمد ع الاحساس المتكامل و و التصوير ؟؟
و اهم شي انك تميزت بخد أدبي سردي وصفي باحساس عالي و بنظم حلو و حركات بتتولد ببال القارئ أثناء القراءة و ان شاء الله تتابع بهل الخط الادبي الشعري اللي انتي رائدو ..........
أحبك في الله ..و السلام عليكم

صديقي الغالي صفوة
أخجلت تواضعي بكل كلممة انت قلتا هون وبصراحة فكرت كتير انو شو لازم أحكي ورد على حكيك يا غالي ولهلأ وأنا أكتب هالكلمات ما عرفت بشو بدي رد بس بيسعدني انو هيك حكي طلع منك انت
وأنا بشرفني انو كون أخ الك في حب الله وبشرفني كتير تواجدك اللحوظ بهالفترة اللي أنا قعدت فيها على الكرسي
وما في القلب في القلب أخي صفوة

تحياتي لشخصك الكريم

Safa alaasi · **Publié:** Jeu Fév 26, 2009 7:39 pm

Citer:

اقتباس:
_المرأه المتزوجه وعم تكفي دراسه و موظفه

مجاهدة وانسانة فذة على شرط انو تقوم بمهام الزوجية من دون تقصير أما فيما عدا ذلك تعتبر خائنة

لحظة لحظة لحظة,ما كأنو كلمة خاينة كتير كبيرة على هالموضوع *ممم

,ممكن تكون مقصرة اي بس خاينة :shock:

ابراهيم محمد · **Inscrit le:** 15 Septembre 2007

Citer:

لحظة لحظة لحظة,ما كأنو كلمة خاينة كتير كبيرة على هالموضوع *ممم

,ممكن تكون مقصرة اي بس خاينة :shock:

ممممممممممممممممممممم

بالفعل أقنعتيني وأنا بتراجع عن الكلمة علنا
لأنو دورت ما خطرت ببالي غير كلمة خاينة
أنا بعتذر عن هالشي

شكراً صفاء على التعقيب والاستدراك
ممنونك أنا

Odysseus · **Publié:** Ven Fév 27, 2009 5:59 am

ابراهيم محمد,

ابراهيم , من خلال ردك الأخير خطرلي اسألك هالسؤال . . يمكن أنا بحكم معرفتي الشخصية فيك بعرف الجواب . . بس بحب اسمعو منك على العام . .

أنت شخص مسالم جدا شي ؟

ما مدى تمسكك بآرائك الشخصية ؟

أحيانا بحسك بسهولة شديدة بتقتنع من الآخر بوجهة نظرو . . فلشو بترد هالشي هاد بشخصيتك ؟ استوحيت هالسؤال من اعتذارك عن كلمة خاينة . . برأي أنا كان لازم تدافع عن كلمتك . . و خيارك بإنتقاءا للأخير . .

طيب سؤال أخير . . كونو أنا و اياك بنحب الدكتور أحمد العيسى كتير . . فسؤالي عن جملة قالا مرة بإحدى محاضراتو : " لا تقبل أي شي بسهولة" و هون القبول قصدو قبول فكري . .
السؤال شو تأثير هالجملة هي عليك ؟ بتلاقيها صح ؟ غلط ؟ نص نص ؟ شو رأيك انت ؟

بالنسبة الي بطبق هالجملة هي الى أقصى الحدود لدرجة اذا قيل لي اللبن أبيض بتم ناقش انو أسود حتى ما يتم عندي أي حجة . . و بعدين ببلش فكر اذا أبيض أو لا ؟

ناطر اجابتك ابراهيم . . و لاتزعل متي اذا كان بأسئلتي شوية غلاظة :wink:

ابراهيم محمد · **Inscrit le:** 15 Septembre 2007

A. Al-Ibrahim,

انا بظن يا غالي انو انت مستقبلاً رح تكون متل الدكتور احمد العيسى

ورح جاوبك وناقشك كمان

Citer:

أنت شخص مسالم جدا شي ؟

مسالم لحدود معينة أما اذا اندسلي على طرف وانزعجت من تصرف بشع بقابلو بلؤم وحقد

Citer:

ما مدى تمسكك بآرائك الشخصية ؟

بتسمك فيها لدرجة فظيعة لحتى يجي شي ينقضلي اياها بالدليل القاطع وقتا اجباري عني بدي اتخلى عن رأي من هالآراء

Citer:

أحيانا بحسك بسهولة شديدة بتقتنع من الآخر بوجهة نظرو . . فلشو بترد هالشي هاد بشخصيتك ؟ استوحيت هالسؤال من اعتذارك عن كلمة خاينة . . برأي أنا كان لازم تدافع عن كلمتك . . و خيارك بإنتقاءا للأخير . .

اي أحياناً هيك بصير فيني بس من ناحية كلمة خاينة أنا لأنو عن جد فكرت فيها وانو كلمة كبيرة كتير على وحدة بتكافح هالكفاح طبعاً اذا كان غايتها من ورا هالكفاح ارضاء ربها ومن ثم عائلتها ولما أنا حكيت الكلمة ما خطر على بالي غير هي معه انو ترددت كتير قبل ما أكتبا بس وقتا مخي كان مسكر وما عرفت شو بدي قول فضربت هالطيبنة بالحيط واذ بصفاء بتستلقيها وتنبهني على الخطأ

Citer:

طيب سؤال أخير . . كونو أنا و اياك بنحب الدكتور أحمد العيسى كتير . . فسؤالي عن جملة قالا مرة بإحدى محاضراتو : " لا تقبل أي شي بسهولة" و هون القبول قصدو قبول فكري . .

ما بنساها

Citer:

السؤال شو تأثير هالجملة هي عليك ؟ بتلاقيها صح ؟ غلط ؟ نص نص ؟ شو رأيك انت ؟

هي صحيحة تماماً وما عليها أي شائبة وتأثيرها علي انو بحاول ما آخد كلشي بسهولة بس أغلب الأحيان ما بعمل فيها

Citer:

بالنسبة الي بطبق هالجملة هي الى أقصى الحدود لدرجة اذا قيل لي اللبن أبيض بتم ناقش انو أسود حتى ما يتم عندي أي حجة . . و بعدين ببلش فكر اذا أبيض أو لا ؟

ما قلتلك انك بكرا رح تصير متلو

ما انت طول عمرك غليظ وقفت على هلأ :mrgreen:

لا تصدق بمزح معك حبيب قلبي

تحياتي لحضورك يا غالي وتشرفت كتير بأسئلتك

Odysseus · **Publié:** Ven Fév 27, 2009 3:35 pm

Citer:

انا بظن يا غالي انو انت مستقبلاً رح تكون متل الدكتور احمد العيسى

بكون هادا أحلى شي بحياتي . .

Citer:

تحياتي لحضورك يا غالي وتشرفت كتير بأسئلتك

أحلى ابراهيم . .

آرتينيه مغتربه · **Inscrit le:** 20 Octobre 2008

شكرا الك ابراهيم محمد والموضوع منور بوجودك
واجاباتك كانت رائعه جدا وتدل على ذكاء قوي ومشاعر قويه

بالنسبه للملاحظه سبقتني عليها الاخت صفاء

وموفق يا رب

Latest Posts

الـــيــــوم ابراهيم محمد على كرسي الاعتراف