قصة حلبية جدا

demo · **مرسل:** الاثنين فبراير 16, 2009 9:18 pm

مع الترجمة بالأسفل

أول ما جهجه الضو ، أجا يوسف ليشطف البيت ، منشان البق

سكّر باب الصئاء ، شلح الشحاطة منشان ما يجقجق ، وجرجر الكراسي و أصيص الزريعة ، تكتك شلون بدو يشطف ، بحبش شوي ، دندل الزنبيل وشقل المي من الجب ، سخنا عالنار لبقبقت و بربقت ، وكتا بالحوش الجواني بالطاسة لأنو ما عندن قسطل وصهريج وخرطوم ، ودعك الأرض منيح من الزفر لأنو دبقة ، فك الكمر ليترحرح وشلح الشلحة ، منشان ما تتشحور ، وشلفا وراه ، وفشّخ فوق المي ، ودقّر شوي ، و بعدين نط ، تفشكل بكومة دف ، وانطبش جواتا، طبشة قاتولية ، و انجرحت ايدو واوا ، حشّك ، وبعق وجعّر آخ يا يامو ، يا يابو ، إجت إمه وبإيدا الطواية والشمشاية ، وقالتلو يي يي ، ليش عبتحركش وتنكّش ، متل البوبو ،كنت إمسوك الدربزون ، إش معمصة عيونك ومفشفش ، بروك عالبرطوش ، وتلقح عالزيق ، وحاج تطرطق وتفرتّك ، دحتّه دحة ، وجابت لو شقفة شرشوطة وربطتا ، بعد ما خسلتا بالمي ، وطرطشت تنورتا ، وقالتلو قوم تغندر ، هادا كلو لقش ولعي سرياني حلبي ) ...

وطبعاً النص مفهوم تماماً لأهل حلب ، وهو يعني :

( عند طلوع الضوء وإشراق الصباح ، أراد يوسف أن يغسل بيته لوجود الناموس ، أغلق باب الدار ، وخلع حذائه لئلا يدوس فوق الماء ويلوث الأرض ، وأزاح المقاعد وأحواض الزرع ، خطط طريقة الغسل ، بحث قليلاً ، ورفع الماء من البئر ، وقام بتسخينها حتى تعالى صوت غليانها و صبها في أرض الدار بالوعاء ، لعدم وجود خزان ماء وأنابيب في منزلهم ، وحف الأرض المتسخة والدبقة ، وخلع حزامه و لباساً يرتديه و رماه خلفه ، خشية أن يتسخ بالهباب الأسود ، ليكون لباسه فضفاضاً، ثم تمهل قليلاً وبعدها قفز فوق الماء ، فتعثر بكومة أخشاب ، وسقط سقطة أليمة وجرحت يده ، شتم ونادى : يا أماه يا أبتاه ، فجاءت أمه وبيدها وعاء الطبخ وملعقة كبيرة ، وقالت : واه ، لماذا تبحث بين الأغراض مثل الأطفال الصغار ، كان يجب أن تمسك بالسور الحديدي ، وهل عيناك مغمضتان وقواك ضعيفة ، اجلس على عتبة الباب وتنحى جانباً ، وضربته ، وجلبت له قطعة قماش وربطتها بعد غسلها بالماء ، وتناثر الماء فأصاب رداءها ،

عبيدة · **مرسل:** الاثنين فبراير 16, 2009 9:35 pm

آل داخل وواثق من حالي

إنو صحي حموي

بس بفهم حلبي كتييييييييير

في بس كلمتين ما عرفتون

demo, سلموووون خيتوووووووووووو

كاردينيا · **مرسل:** الثلاثاء فبراير 17, 2009 2:22 am

كتير حلويييييييييييييييي (بالحومصي)
الله يسلم ايديكي

A..R..W..A · **مرسل:** الثلاثاء فبراير 17, 2009 2:31 am

والله أنا لما أريت الفصحى ألت هادا نص تاني

يعني ما فهمت حلبي أبدا

demo, حلو مشكورة

Mahmoud · **مرسل:** الثلاثاء فبراير 17, 2009 2:50 am

هلأ القصه كتير حلوه
بس بدي الفت نظركن لأنه هي اللهجه ما عادت مستخدمه من قبل الحلبيه
أو مستخدمه بشكل الطف شوي
sorry demo
منشان مايقولو علينا مبوجقين

Mahmoud · **مرسل:** الثلاثاء فبراير 17, 2009 2:58 am

بس !!!!

باسل العمروش · **مرسل:** الثلاثاء فبراير 17, 2009 5:56 pm

ههههههههههههه
بطييييير العقل
mhmood,
بس لسه في كتيير ناس بيحكو فيها, يا زلمة عندي رفيق بيحكي هيك و اتقل لسه

و لما بتشوفو و بتسمعو لتمووت من الضحك..
بعدين يا حبيبي .. كيف ما كانت لهجتنا... بحبها..
عاشت حلب

demo · **مرسل:** الأربعاء فبراير 18, 2009 10:53 pm

الف شكر لكل من مر على موضوعي بس فعلاmhmood,

متل ما قالbasil لسا في اقوى وخاصة بالمناطق الشعبية يالطيييييف كانو غير لغة

Mohammed jaz · **مرسل:** الأربعاء فبراير 18, 2009 11:22 pm

حلوة كتير بس ذكرتني باستاذي العملي بيحكي حلبي بس شو حلبي أنا ما بفهمو

باسل أحكيلون كيف انت بتحكي

Mohammed jaz · **مرسل:** الأربعاء فبراير 18, 2009 11:41 pm

اقتباس:

دعك الأرض منيح من الزفر لأنو دبقة

ليش شقد إلون مالون شيطفين حتى كل هالشي الأراضي نشح

بالحلبي كمان

LATEST_POSTS

قصة حلبية جدا

الموجودون الآن