مع العلم اني ماني من حمص بس وين ما رحت ووين ما اجيت ما حشوف أحلى من حمص الوليد حمص الأبية
على فكرة أنا بعشقها لحمص وبعشق الشعب الحمصي الرائع بس حابب أني هزّ الورد لشمو بهالموضوع

قال كيف بدك تحصل عالجنسية الحمصية؟؟؟؟؟؟؟

أول شي لازم تعرف أنو الجنسية الحمصية هبة من الله سبحانه
بسم الله الرحمن الرحيم ( و رفعنا بعضهم فوق بعض درجات ) صدق الله العظيم
- لازم تكون مقتنع انو حمص مستقلة و لازم تكون كرماوي لإنو الكرامة إنتماء منفصل.
- أن تكون مستعدا لأن تعيّد يوم الأربعاء ، يعني تصيّف عالأخير تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ، مع إنو ما في شاطئ عنا بحمص ، بس بدك تدبّر راسك ، يعني : تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء .
- لازم تكون من العالم اللي بحبو أكلة المجدرة . مع البصل طبعا . فإذا ماكنت هيك روح دور على غيرنا
- لازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك ..يعني مايكون إلك كلمة بالبيت .
- بدك تكون ظريف كتير مع الموظفين ، لأنو عنا الموظفين بحمص الموظفين حساسين كتير و بيزعلو أوام ، يعني بدك تراجعهم بزوء كبير وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه ما في شي بيمشي .
- لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد
- لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصير مثلا أو بالقرب من مرمريتا ، فيمكن يمشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف .
- لازم تحكي عالعريض كتير يا أأأخــــــــــــــــــي
- ولا ننسى الأركيلة .. لازم يكون عندك نفس ماكن يعني شفّيط نمرة ون .
- ممكن تحصل على مرتبة الشرف إذا قتلت تنين حموية ..
- أكيد بدك تحفظ شعار الحماصنة .. وهوي
الحماصني الصقور الحرة .. نظرتهم حادة ومرة .. واللي بيحبهم مرة بيحبوه ألف مرة ومرة ..
وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ،
فلحق حالك ها لأربعاء لأنو كل أربعاء الشروط بتتغير....!!

خالد الهبل,

أول شي أنا مو حمصي

لشوف فيني صير حمصي
هي موجودة
بسيييطة
أوووووووووووووووووووووووووووووووووووووووووخ
لعما بدي أعمل مجدرة بعرسي
ماني متزوج
مابشتغل
بسييييطة
وهي أبسط
ولا يهمك
على عيني
لك يه
أنا حموي
وهي سهلة

شو خيوووووو
عطيني النتيييجة

خالد,

والله انت الوردة يالله معناتو هلأ بقتل عبادة وفارس

خالد الهبل, هالشروط تعجيزيه ...يعني هل من المعقول ...أو في عقل بالدنيه بيصدق أنو حمصي فينو يقتل تنين حمويه ...

عصام, لكن ما نزلك شروط الحصول على الجنسية الحموية شو رح يصير فيك يا حزرك ؟؟

انا عملت كل هدول وأسا ماقدرت احصل على الجنسية الحمصية ياأخي اللغة صعبة
يعني الجنسية الحمصيةأصعب من الألمانية بكتيير

و الله الحماصنة مافي منن .... و الحموية ع سلامتن و الله
بس صحي ليش واقفين لبعض عنكشة
لا و الله عم امزح ....

قال اجوا الحموية يقلدوا الحماصنة قاموا بنوا سد بالصحرا اجوا تاني يوم لقوا الحماصنة عم يسبحوا فيه

خالد
لازم تعمل احصائية .... من شان نعرف شقد صار عدد الحماصنة

شكرا خالد عالموضوع الظريف

فارس شو هي شروط الحمْونة أااااااااااصدي الجنسية الحموية

فارس, ابقا بتقلي ياهن بشكل شفهي مشان اعرف حسابي معك
a7mad alsibai,
نو كومينت

شو خيوووووو
عطيني النتيييجة
لك يه
أنا حموي
والله بعتزر منك أخ عبيدة لأنو آخر شرط نسيت حطو أنك ما تكون حموي
شكرأ لهالمرور الخفيف حبيبي
عصام,
على راسي أخ عصام والله إذا في وردة بهالدنيا تلاقيها بحمص
kma, هلأ أكيد لأ بس الدنيا مسايرة وما تنسى أخي أنو احنا عم ندرس بحمص
فارس, عقيد آرتين
بدي أزعل منك لأنو أنا اللي بعرفو أنو حماة ما بتعطي الجنسية لحدا ولا لأ؟؟؟؟

Hidding Rose, حلوة كتير لا شكر عواجب تكرم عيونك بالنسبة للأحصائية بس دخلك وين تنصحينا نعملا؟ بآرتين ولا بحمص ولا بحما؟
a7mad alsibai, اذا كان الواحد ما كرماوي فأفضل الو انو يصير أحسن ما بيضل بالدرجة التانية وكل كم سنة بيطلع يشم هوى بالأولى وبآخرة السنة بيطب عاتانية
عم بمزح معك حبيبي شكرا للمرور
عصام,
طولو بالكن يا شباب .........
عقيدنا غالي علينا والله
شكراً للكول ( لعما شو صار معي كأني عم صير حمصي ) للكلع هالمرور