مرحبا صبايا وشباب وكلكم كلكم
كنت عم دور عالنت على اي شي يفيدني بدراستي للادب الانكليزي لأنو أنا سنة أولى ومازلت فايتة بالحيط
المهم وفي اثناء بحثي وجدت هالموقع وبصراحة فعلا انو رائع , يعني انا ماكنت متخيلة أبدا انو عنا بسوريا هيك شي
بس ماشاءالله روعة وبيفيد كتير
فعنجد شكرا كتير على جهودكم ومساعداتكم لهالعالم

نأتي إلى المهم
انا متل ماقلتلكم طالبة ادب انكليزي سنة أولى وعم ادرس بجامعتي اللي جنب بيتي جامعة طرطوس
وبصراحة هالجامعة مابعرف شو بدي اوصفها غير انها مو جامعة !!!! وللأسف طبعاً
فأنا عندي امتحان مادة النثر بتاريخ 3-1 وباعتبار اني مو كتير درست هالسنة فقلت لحالي اني مارح لحق خلص الرواية اللي عنا بالانكليزي ففضلت قرائتها على الأقل بالعربي وهادا اللي صار
يعني خلصتها بالعربي والحمدلله , وبصراحة انا وأعوذ بالله من كلمة انا بس انا قرأت كتير روايات بحياتي وعندي يعني شو بقولو انو ذاكرة أدبية
بس أنا بصراحة بعمري ما قرأت أسخف من هالرواية واللي هيي آنا والمدن الخمس
وبصراحة لو بدي اكتب نقد عنها كنت ألّفت رواية أكبر منها بإسم نقد آنا والمدن الخمس
مارح كتر اكتر من هيك حكي عنها
فاللي بدي اياه وانا كأنو عرفت انو بحمص مو هي هيي الرواية المقررة عندكم .. لكن بتمنى اذا حدا منكم بيملك اي شي بيخص هالرواية وخاصة أسئلة او معلومات عنها او اي شي بخصها ممكن يفيدني بالامتحان لأنو انا مابعرف ابدا كيف بتجي اسئلتنا الامتحانية وخاصة انو ماعنا اتمتة
فبتمنى من اللي فيه يساعدني بهالخصوص سواء اسئلة اتمتة او مو اتمتة او اي شي عن الرواية انو مايقصر بمساعدتي

وعنجد شكرا شكرا للي ساعدني واللي ما ساعدني
وبالتوفيق للجميع بامتحاناتكم وادعولي

مريم

أهلاً وسهلاً بكي صراحةً هذه الرواية كنا قد درسناها هي والAnimal Farm ولكن الأسئلة كانت تحريري أي بدون أتمتة ..........
ومن جهة الرواية أدري المقدرمة والplot بيفيدو كتير وأدرسي الشخصيات كمان ومتل ما قال أخي صفوة لغة الكاتب قديمة يعني لازم تعرفي معنا الكلماتا يمكن يجي سؤال عن معنى الكلمات ...
وأي سؤال نحن في الخدمة

!#$!##%!#@!

شكرا شكرا كتير لكل مين حاول يساعدني وخاصة حلواني و safwat
وانا من يومين قدمت المادة وما صرلي اتشكركم لهلق

والدكتور جابلنا 3 اسئلة (30-30-40 علامة) يعني شي بموت وما بعرف كيف لحقت قبل ما يخلص الوقت والأحلى انو ماحدا من الطلاب لسه بيعرف شو الاجابات الصحيحة
لأنو مافهمنا شي واللي جابهون برا كل شي شرحه
المهم انو كل واحد حششششششششش حكي وكتب شو حافظ وطلع

وانشالله انجح بالمادة منشان اخلص من هالرواية التافهة لأني مو طايقة ارجع عيدها

وبدي قول لكل طلاب الشام وحمص وحلب وكل مين عندو أتمتة انو احمدو ربكم

المهم انو عنجد شكرا الكم والله يخليلنا هالمنتدى