قيادة السيارة مانا حكر عالرجل فقط فعادي جدا انك تشوفي مرة عم تقود سيارة
وين المشكلة يعني ؟ لا ابدا ما بينقص من قدرها لا ابدا هالكلام مو صحيح
بالعكس الشب عنا من بيشوف بنت سايقة سيارة بيعطيها طريق مباشرة
وحتى لما بتوقف عالاشارة بيصف حدا وبلا شعور (سبحان الله )بيفتح البلور وبعلي المسجلة عادية ما بو فرق بين الشب والبنت بها الامر بالنسبة الي



مشكورة عالموضوع

كندا ,
شكرا على موضوعك و بالفعل كلامك صحيح ببعض المجتمعات المتخلفة صراحة أمر عادي انو المرأة تقود سيارة و خاصة انو المرأة نصف المجتمع بالعكس تماما لأنو قيادة السيارة مو حكر عالرجال أنا برأي متل ما المرأة لها الحق بالدراسة و العمل فقيادة السيارة أمر بسيط وبصراحة لما بسمع أو بشوف بنت عم تقود سيارة بشوف هالأمر كتير جيد لأنو بيدل على عدالة المجتمع ووعيه .
و شكرا مرة تانية على موضوعك

كندا, إي ليش لأ..حلو كتيررررر منبلش:
حقها الطبيعي..ما عمتعمل شي غلط...
لا أبدا ما بنقّص من أنوثتها..بالعكس بمجتمعنا اذا معها سيارة بزيد قدرها
مو دائما بالعكس الرجال دائما برعاو وضع المرأة وخصوصا بالقيادة..لأنو بقولوا سواقتها على قدها..وهدول يلي ما بيعطوها طريق..بكون عما يغنجوها ويلطشوها
بس الصح إنو في مراعة عنّا بهيك موضوع..
لا أبدا..بس مجتمعنا تعود بالبدايات على هدا الأساس..بس كل مالو الأمر عما يصير أسهل..حتى إنو وصل للحد إنو عادي جدا...
أنا بالنسبة إلي أمر طبيعي ..بس ما بخفكي بحب اي اتطلع على قدرتها بالقيادة للسيارة...وفي بنات حربوقات بالسواقة
ليش ليكون عيب ..يعني ... ممكن في بعض المناطق النائية يكون عيب..
بس لازم يفكروا سكان هيك مناطق..إنو الرجال بزمن أول كانوا يركبو على الحمار
وكمان النسوان نفس المبدأ..فليش يعني بيتطمنوا على المرأة مع الدابة..وعندهن عيب قيادتها للسيارة...والله غريب..التطور صار معيب

وعلى فكرة أنا من فترة بعترف إني انهزمت قدام بنوتة بالسيارة
..بس شو بدي إعمل اذا كانت هي راكبة bmw>>
وحبت تشفط قدامي وتعبر عن إستياءها مني.. وما عرفت ليش لهلأ

كندا,
ظريف الأسئلة

موضوعك حلو وبوقتو كمان ...
ومافي فرق بين بنت وشب بالعكس شي كتير حضاري وجنتل بعدين في كتير بنات سواقتون بتجنن أكتر من الشباب وبوقتنا هاد السيارة معادت مستحيلة يعني صار مين ماكان بيركب سيارات وتزايد أعداد النساء اللي عندهون سيارات
وبيغلبوا الشباب بعدين شيت أنه الشباب مايعطوها طريق للبنت بالسيارة هي أسمها مراقة وقلت زوق قال بيعتبروا أنه البنت عبيطة ومابتعرف تسوق..
بالعكس حتى ولو كانت مابتعرف تسوق لازم الواحد يعطيها طريق..
أنا بشجع البنات أنه يتعلموا السواقة ويمتلكوا رخصة قيادة..
يعني لا عيب ولا حرام..؟؟

كندا, اي ها من زمان احكو عن هالموضوع بصراحة بغار منا شوي بس بقول الله يهنيها ويطعمني متل ما طعما طبعا ما بينتقص من انوثتا بالعكس بيزيد من انوثتا لانو الي بتقود بيدل هالشي انها مدللة والمرة كل اتدللت بتزيد انوثتا
أحسن ما تركب بالتكاسي وتتقرض بالسرابيس ما بعرف بعتقد هالشي قليلي ,بس فعلا في ناس مجرد ما يشوفو مرة عم تسوق فورا بيقولو مرة ما في شك لاء طبعا,المرة من عايام الصحابة كانت تمطتي الحصان بكل جرأة وقوة وعندك أكبر مثال (خولة بنت الأزور)كانت مجاهدة ,بالعكس اتخلد اسما بالتارخ من ورا جرأتا وشجاعتا بصراحة,بحس شخصيتا قوية (مع انه مو شرط )بس هاد الانطباع الاول عنها
بس انا هون حابة اطرح وجهة نظر جدا مهمة يمكن النساء اقل خبرة بالسواقة ويمكن بيرتكبو أخطاء أكبر وطبعا هالشي ما لانن ضعيفات او اقل ذكاء من الرجال
بس لانن بطبيعتن كونا طلعاتن من البيت بتكون اقل فبالتالي خبرتن اقل بالسواقة +انو نظرة المجتمع الن بتقلل ثقتن بنفسن اثناء السواقة
يعني اتصوري وحدة بدها تصف باركنج او بدا تلف يوتيرن ساعتا الكل بدو يشوف راح تعرف ولا لاء وهون هيي بتحس حالا صارت محط انظار وبتتلبك

اكيد مو غلط بالعكس بيعطي انطباع انها واثقة من نفسها ع فكرة بتصير وكتير كتير ليش ما بعرف غلاظة وئلة زوء سبحان الله اييييييي والله
بس المشكلة لما بتتعطل السيارة بنص الطريق...... يعني البنات حلو يسوقو بس شو مشان المكنيك

ع فكرة انا مبارح عملت فحص السواقة دعولي كون ناجحة

ما بحسن أحكي شي...لأنو أمي بتسوق
أمرأه عصريه بمجارات التطور وليس الموضه طبعا لأ....ومتل ما سبقوني وقالو ...بالعكس بزيدها....
بس أتذكرت كان في إمرأه بتسوق ميكرو باص بالشام...لأنو أتوفى زوجها وترك الميكرو وما عاد تعرف منين بدها تاكل شو بدك تقول سبقتني !!!! يا باطل...
أنا بخليها تسبقني بعدين بسبقها ...يعني نوع من عرض العضلات كمان لأ ...هادا السؤال بدك تسألي لسعوديين مو ألنا... طبعا ماني معارض ....لأنو ما بذكر حالي غير أنا وصغير وأمي جنبي عم تسوق السياره..وأنا ماطط راسي من الشباك

كندا,
Nice topic..

راح أعطيك رأيي بس بدي علق على آراء الأعضاء..

MHD,
عجبني ردك كتير لاني رد عن شخصيه سويه ..

القلب الصادق,

وانا بوفقك الراي تماما..





أحمد الدالي,
هههههههههههه صحيح لنكون صادقين بزيد من قدرها و مكانتها وهالشي من سلوكيات المجتمع إلي بنحس فيها..
سبحان الله ... تصدق يا أحمد لو المرأه تفوز بسباق سيارات ليضل إحساسو إ،ها لسه بدها كمان شوية قوه.. وهالشي مو غلط لإنو طبيعة المرأه هيك وربنا خلقها هيك وراح إتضل عطول بنفس التركيبه إلي خلقها بنا عليها لو شو ما عملت بضلها مخلوق صغير وضعيف وأد ما تكون قويه بتبقى بوجهة نظري ضعيفه
كلامك رائع وصحيح..
بحييك عليه..





Soledad,


كلام جميل لا عيب ولا حرام أبدا..
وبتعرف يمكن لا سمح الله البنت توقع بشي مشكله و محتاجه سياره تنقل مريض أو أي شي تاني فبلزمها سياره تتقدم مساعده..


Safa alaasi, صحيح وبتعرفي ليه بيجيك هالإنطباع لإنو إلي بدها تسوق لازم تكون قويه فعلا و هالشي مو غلط..


lili., المفروض وقت ما يتعلمو يسوقو كمان يتعلمو كيف يصلحو سياراتهم وقت ما يعلقو بمكان.. الله يوفقك يا رب و إن شالله بالسلامه ..


kma, أحييها ..
و هادا أحلى وأحسن شي..
هههههههههههههه
صح معك حق انا بستغرب فعلا لهلأ هالشي ممنوع عندهم بس بتعرف إلهم أسبابهم يعني أنا متأكده ما راح يستعملو في شي صحيح أو بتكون أهدافهم لعرض العضلات أكتر يعني شوفة حيل بزياده...
هههههههههههههه أكيد بيكون لفت انتباهك شي لعبه أو حدا عالطريق أو بتحب الهوا البارد يطير على وشك..



كندا,
موضوعك حلو وبصراحه آراء ولا أحلى من هيك..

طبعا عزيزتي لا عيب ولا حرام بالعكس دائما الواحد يفكر بالأمور الإيجابيه لأي موضوع وياخدها ويستفيد منها..

أنا بأيد طبعا وعنا هون مجتمعنا بأيد هالشي وبالعكس بيزيد نظرة الإحترام للمرأه كونها قادرة تكون مسؤوله عن نفسها وبيتها..
بعدين الرجل بيكون مشغول دائما فما كل ما بدنا طلب نبعتو مشوار وغير الأولاد و روحتهم عالمدرسه وأمور تانيه..

و إلي بفكر إنو السواقه بس للرجال طبعا هالتفكير غلط و بعتقد حاليا بوقتنا ما في عالم بتفكر هيك غير إلي بكون ديكتاتوري وبيكون مغلق على حالو..
وأي شي ما بعارض دينا وإسلامنا طبعا مو حرام..

كندا,


شكرا كمان مره لإلك غاليتي..

طبعا مو غلط
عن اول نئطة ما بعرف اول مرة بسمع انو الشب ما بيعطي طريق للبنت اذا بدها تتجاوزو

و تاني نقطة طبعا مو حكر للرجال فقط يعني كتير عادي انو المراة تقود سيارة

بالنسبة لعنوان الموضوع انو شو رأيي بقيادة المرأة للسيارة
انو معظم النساء الي عم يسوئو بتكوت قيادتن ضعيفة,, طبعا مو الكل يعني بشكل عام يعني حتى الي عم يمشي و بدو يقطع الشارع بخاف وقت يشوف مراة عم تسوق

بس بضل حقها للمرأة انو تمتلك سيارة و تقودها لانو بصير معا حالة انو مثلا لازم تنزل عالسوق او زيارة و ما في حدا يوصلها او بمنطقة ما فيا مواصلات,,يعني السيارة رح تلزمها بكتير احيان

كندا,
يسلموووو عالطرح الجميل و يعطيكي العافية

بالعكس شي كتيير كويس انو البنت أو المرأة تسوق وعادي كتيير المرأة صارت نص المجتمع وما في شي حكر للرجال