[align=center]ترجيات حزينة من شاعر حزين[/align]
[align=center]أيها الماضي المتربع في الأمس
أيتها الليالي المخروزة في حضن الطفولة
إنَّ حزني ينسكبُ من وجهي
كانسكاب الندى من خدود السنابل
ورمال عشقي تذبح السنونو
قبل مجيء الشتاء . . . ,
أيها العمر المغمَّس بالآه
خذني كعصفور ٍبلا قدر
إلى بيادر الولادة
لعلِّي أرتوي من رائحة أمي . . . !
أيها الوجع الملثم بالثلج
قل . . .
متى َستُرفع خناجر العشق عن جسدي المتعطِّش للحرية
وكيف سأضم الصباح وعيون حبيبتي
إذا سكن الظلام روحي وتبرعم
تعال . . . .
أيها المستقبل المختبئ خلف جدران الحياة
صافحني لا تتردد
لنسأل السماء
لماذا تستفيقُ الصقور وفي فمها
مرارة الطيران . . . .!!..؟؟[/align]

مجدي علي رزوق,
أنا هادا النوع من الكتابات بحيرني
يعني مافي وزن إذاً مانو شعر....هون الأمل أنو إذا في تقفية إذاً خاطرة
بس الغريب أنو مافي تقفية ومع ذلك الخاطرة تفرض نفسها ولا نشاز في الكلم

مجدي أنا فعلياً بفضل الكتابة المتقنة أكتر لغوياً وعادةً ما بأثني على خاطرة بغير تقفية ولكن
والحق يقال
أنك أمتعتني بخاطرتك وكان إلها جمالها الخاص اللي خلاني أقراها مرة وتنين وتلاتة

يعني عندك تشابيه وصور جميلة جداً..وقسوة بالكلمات لتعبر عن أرق المشاعر..فتناقض جميل جداً حبب إلي القراءة والتخيل
فعلاً وحدة من أجمل الجمل اللي قريتن بحياتي...مشاعر دفاقة قوية جداً ورقيقة جداً بعتبر هالجملة نقطة الضعف بخاطرتك...ونقطة ضعف قاضية
فأنت يا أخي كتبت كلام يخدع القارئ "والسامع" لجماله وقوته..ولكن المتبصر بالمعنى يوقن بسهولة أنها جملة بلا معنى...
يعني للوهلة الأولى جملة حلوة كفيلة انك تسمع سقفة كبيرة بعد ما تنتهي من الإلقاء..وأنت فعلاً شخص متحكم بالكلمة وقوي بالمفردات ماشاء الله
ولكن كمعنى...شو يعني صقور في فمها مرارة الطيران؟
وليه ممكن نسأل السماء هالسؤال؟
ليه بتفيق الصقوة وبتما مرارة الطيران؟ حتى لو كان لهالسؤال جواب فهو مانو مهم
على اعتبار أنو نحنا البشر منفيق بتمنا مرارة المشي يعني شو بدو يعمل الصقر أول ما يفيق غير أنو يطير

بعتذر عالإطالة...بس لما تلاقيلي ثغرة وتفكرني أنا اللي ماني فهمانة عليك

وبرجع بأكدلك أنو خاطرتك جميلة جداً جداً..وأنا بالفعل استمتعت بقرائتا

شكرا إلك يا سيدة ملاك
الصقر هو الإنسان الي بالفعل صقر بس من كتر الهموم والأحزان والعوائق بالحياة
واللي تراكمت علي متل جبل
منعيتو انو يطلع ويشوف الناس والحياة بالخارج يعني متل الصقر البيملك أجنحة بس مكسورة وضعيفة فلذلك هل هو قادر على الطيران متل رفقاتو يا ترى؟؟؟؟؟؟؟
وكل إنسان بيفهم القصيدة على هوا ما بتحرك في من مشاعر وأحاسيس

أنا بشكرك يا مجدي الصقر على هل قصيدة
لأنو من زمان ما قريت قصيدة بهل روعة والقوة
وما شفت حدا بيمتلك مفتاح المفردات متلك
الله يوفقك

The black eagle
شكرا على مرورك الجميل وانا بتشرف بقرائتك لقصيدتي