رح بلش أنا
هادا يا جماعة ( بس ما حدا يضحك ) مرة كنا أنا ورفقاتي طالعين نقعد بكافيتيريا
وبعد ما طلبنا وأكلنا وشربنا......بيجي الحساب ( والضربة إني كنت أنا اللي عازم )
بمد إيدي عالجيبة وإذ .........نسيان الجزدان بالبيت
بصراحة أنا انحرجت.......قلنالون للشباب هيك.......الكل بلش يزور
يلا يا شباب طالعو شو معكن وأنا بحاسبكون بعدين ........المهم بيطالعو الشباب شو معن......بتجي المفاجأة إنو المصاري ما بتكفي
شو العمل يا ترى
بقوم أنا ولا شعوريا بروح للمحاسب وبقلو هيك هيك القصة
بيقوم بيزورني زورة
أنا قلت أكلناها........هلق رح يبلش جلي الصحون
المهم بقلو هاي الهوية وخلي الشباب عندك لبين ما روح جيب مصاري وارجع
المهم الزلمة وافق وانحلت القصة بعدين
بس كان يوم

وهلق إجا دوركن إنتو........شو رأيكون؟؟

Wissamo,
والله موقف محرج .. خصوصا أنه أمام الأصدقاء
ربما شعرت أنكه يمكنك أن تحل المشكلة دون أن تخبر أصدقاءك أو تخبرهم كحل أخير
يمكن في البداية إن اكتشفت الكارثة أن آخذ واحدا أو اثنين من هؤلاء الأصدقاء على زاوية وأخبرهم بالمشكلة ليتساعدا في الدقع .. ثم أحاسبهم

أما إذا لم يكن لديهما ذلك المبلغ فلا أحاول أن أحرج نفسي أمام الجميع .. لذا أتصل بأبي أخي أختي .. واحد منهم كي ينقذني ويأتي للدفع

فما رأيك بالحل الأخير .. ألا يمكن أن نختصر به نظرات الأصدقاء الغاضبة ؟

هدى, كلامك صحيح وواقعي نوعا ما
الله لا يحرج اي حدا ابدااااااااااااا

Wissamo,
موضوعك رائع... وفعلاً ممكن يكون تنعمية لمهاراتنا .. مشان نفكر منيح قبل كل تصرف ..
بس يا زلمي إزا كل المزاقف اللي بدها تنحط هون من نموذج موقفك ..
فعلاً موقفك فظيع .. وأنا لو كنت محلك ... ما عرفت شو ممكن اتصرف..
بس بهالحالة...
كان ممكن انك تتفقد شو معك مصاري قبل ما تعمل هالعزيمة الفظيعة..من باب الحيطة..
تانياً .. بظن انو ما كان لازم تخبر رفقاتك بمشكلتك .. لإنو هيك .. فعلاً بينزعجوا ..
كان ممكن فوراً .. تلجأ للمحاسب وتعطيه الهوية .. وبلا ازعاج الشباب...
بس ممكن افهم عشو كنت عازمن لحتى كل مصرياتن ما كفوا لهالعزيمة
سختورة .. ولا خاروف مكتف .. ولا رفقاتك بطبيعة الحال منتوفين
اي انتي كمان ازورو
هاي أبشع شي ... لك شو عامل
خلي الهوية عندو آمنا وسدقنا ..
بس الشباب عم اتخيل شي رفيقة تحجزني بشي كاتيريا هيك
هني شو ذنبن؟؟؟؟؟؟؟؟
منيح ..انك لساتك عايش وما عملولك الشباب شي فصل مرتب من بعدا

هدى,
إيه والله معك حق
بتعرفي عجبني الحل التاني........بس كان بدك يخطر عبالي وقتها
من الخجلة ما عرفت شو أعمل
شكرا لمشاركتك

م.فراس, شكرا لمروروك ومشاركتك

تسلمي .......كلك زوق
إيه شو بيعرفني هاد اللي صار

لك وقتها من كتر ما انحرجت صدقيني انعما على قلبي وما عرفت شو أعمل
لا والله وقتها كنت عازمن عالغدا وكانو تلات شباب.....قمنا خبصناها والله لأني وقتها كنت كتير مبسوط بعد ما طلعت نتيجتي بالسنة الأولى
وهني الله يصلحون ما كانو حاسبين حساب يصير هيك بقا صار اللي صار

شايفة شايفة.......ما قلتلك كان معمي على قلبي
بس شو بدك بالحكي كان يوم ما بينتسى
شكرا لمشاركتك...........وهي أحلى وردة

بس هلق منشوف الملاك شو رأيها......قولتك إلي بهدلة شي

بسس كمان بدي قول للي بدو يشارك: ما بتكفي المناقشة بدنا كمان مواقف
سلااااااااااااام

اول شي شكرا ياوسام على الموضوع الحلو كتير
انا لو كنت مكانك كنت بتصلت بالسيد الوالد اول بحدي من الاقارب مشان يجيب معو المصاري واذا مامشي الحال بروح لعند المحاسب وبتفاهم معو على جنب وبشرحلو الموقف بدون شوشرة
بس دير بالك تاني مرة وماتنسى الجزدان بالبيت لانو ماكل مرة بتسلم الجرة ولولا ماطلع المحاسب مزوء كنت اضيتا جلي صحون للصبح
اما بالنسبة لتيماء انا بلاساس ماكنت سمحت للامور توصل لهالدرجة
بس بفرض صارت والتقينا اكيد رح بادر وسلم علي لانو الصداقة بالنسبة الي شي مقدس

nadeem,
لك أهلين بنديمو والله
لك يا زلمي موقف كنت لا أحسد عليه
الله ستر إنت ما كنت موجود كنت شرشحتني
مشكور لمرورك

تيماء,
مية هلا
هلق إذا كان هاد السلام رح بيسبب حساسية وزعل وكان ممكن تجنبه......فأنا برأيي بلاه بيكون أحسن
أما إذا ما كان في مفر منو.....والله أنا بسلم بقا إذا الشخص التاني رد السلام كان به
بس بهالحالة أنا بحاول وقتها إني صلح الأمور شوي شوي
أما إذا تناشف أو طنش بالمرة ساعتها أنا بكون عملت اللي عليي

لك نورتي الموضوع تيمووووووووو
شكرا لمشاركتك