[align=center]أنا أسف إذا تقلت عليكن
تقبلو تحياتي وبإنتضار اجوبتكم
أخوكم المحب: حلواني[/align][/color]

حلواني,

أهلا بيك حلواني . . شلون لقيت هالجامعة عندك . . وين أحسن؟

أنا رح جاوبك على essay وأكيد باقي الزملاء رح يحاولو يشرحولك عن sentence functions ,
بالنسبة للمقالة , انا رح احكي عن المقالة الأدبية كونها دراستنا , بتتألف من 3 أقسام رئيسة . .
أولا : المقدمة: بتصير بتلف وبتدور بالعموميات عن الموضوع المراد مناقشته. . أول جملة بال paragraph بتكون جدا جدا عامة . . الجملة اللي بعدها بتكون أقل عمومية بدرجة . . والجملة اللي بعدها كمان أقل من سابقتها بدرجة . . وهيك حتى توصل لآخر جملة و بيسموها thesis statement . . هي الجملة هي أهم جملة بالمقالة وفيها بتحدد عن شو بدك تحكي . . طبعا المقدمة بتكون بمقطع واحد . .
ثانيا : ال body
وهادا القسم بيتألف من مقطع او 2 او 3 او .. أو . . الخ . . ومتل ما قلتلك . . آخر جملة هي بتحدد العدد. . على سبيل المثال : اذا كانت ال thesis statement عندك كالتالي:
Two reasons make Hassan Nasru Allah great, his modesty and his faith
هون انت لازم تكتب مقطعين , المقطع الاول عن تواضع حسن نصر الله, والمقطع التاني عن ايمانه . . كمان لازم تبدأ كل مقطع من هدول ال2 بجملة بسموها الtopic sentence , وهي أهم جملة بالمقطع . . بتكتبها بعدين بباقي المقطع بتحاول تبرهن أقوالك بأمثلة . .
ثالثا: الخاتمة , بالخاتمة بتحاول تلخص المقالة كلها بكم سطر . . يعني بتعيد كتابة نفس الأفكار بس بكلام تاني . . ولا تكتب اي فكرة جديدة . . ممنوع ثم ممنوع ثم ممنوع انك تكتب فكرة جديدة بالخاتمة . . يعني كل شي بينكتب بالخاتمة هو بس تلخيص للمقالة . .

ان شاء الله بتكون اخدت فكرة منيحة عن المقالة. . موفق ان شاء الله

Odysseus,
شكراً حمص طبعاً

بتمنى من رغد وبقية الزملاء المساعدة

حلواني,
ممكن يا اخ فادي تحددلي أكتر
يعني يمكن فهمت عليك أنو بدك شرح لكيفية تركيب الجملة و عناصرها
وبالنسبة للمفعول به إذا كان بيتعدى لمفعول أو أكتر وإذا ما كان متعدي ؟
فيا ريت تقلي إذا كنت هيك بتقصد لحتى أعرف جاوبك

بالمناسبة كلمة "جملة" تكتب "sentence" وليس sentense

مرحبا يا حلواني

انقر وشوف بنفسك اذا بتقدر تكون فكرة عن عناصر الجملة يلي انا منزلون بالحقيبة من 48 يوم تقريباً

http://www.geocities.com/msallam_80/structure5.htm" onclick="window.open(this.href);return false;