الـــيـــوم بـــانـــة على كــرســي الاعــتــراف

Asyl · **Posted:** Wed Nov 12, 2008 1:50 am

Quote:

وبالأخص إني فهمت أول سؤالين على كيفي وإنشالله يكون فهمي صح

ماشاء الله عليكي فهمانة ليش مانك فهمانة ياهيك يلي بيفهموا يا بلى

طيب شايفي في إزدحام عندك ماشـــــــــــــــــاء الله من شان هيك ما رح كتر عليكي

بالنسبة ل بــــــ ــــــانـــة :
* إيمت بتحسي باليأس ؟؟؟ شو بتعملي بهيك حالة؟؟؟؟
* إيمت بتحسي بالوحدة؟؟؟نفس يلي فوووووق؟؟؟؟
* شو هوايتك المفضلة ؟؟؟وهل فعلا بتمارسيها لما مجرد حب من بعيد لبعيد ؟
* بتعتبري بــــــــ ـــــــانـــــة محظوظة<<<إن شاء الله>>> أو منحوسة<<<لاقدر الله>>> وإيمت بتحسي بكل من الحالتين ؟؟؟

بتعرفي كل ماعم قول خلص أخر سؤال برجع بفطن بواحد تاني بس خلص حااااج لهون منشان ما تكرهيني

مـــــوفــــقــــــــة

بانة · **Posted:** Wed Nov 12, 2008 1:58 am

Shakespearean,
ليش مصر

بس رح حاول ولا يهمك :evil:

بانة · **Posted:** Wed Nov 12, 2008 2:20 am

عامر الرشواني,

Quote:

رجعت و عندي كم سؤال ( بس ما تقولي الله لا كان جابك )

لكن شو بدي قول:إجيت والله جابك :mrgreen:

Quote:

- تخيلي معي إنك ( كيوبيد " إله الحب الأسطورة " ) و بإيدك القوس و سهمين ... على مين رح تطلقي سهامك ؟؟

مبدئيا رح خبيهم ........ بيلزموا مع الأيام :wink:

Quote:

- بدي منك نهاية غير عادية لقصة شهرزاد و شهريار ؟؟

شهرزاد بتقتل شهريار *good

نهاية غير عادية تماما مو هيك :wink:

رح إكتفي هلق ..........بكرة بكفي

*sla

ابراهيم محمد · **Posted:** Wed Nov 12, 2008 2:35 am

Quote:

ليش مصر
بس رح حاول ولا يهمك

وأنا رح أنطر أسمع الجواب

بانة · **Posted:** Wed Nov 12, 2008 8:39 pm

عامر الرشواني,

Quote:

- برأيك ممكن يكون ( جميل . عنترة . قيس . روميو ... ) مجرد أسماء مرقت بتاريخ البشرية و لا بيعبروا عن حالات موجودة بكل زمان ومكان ... و قديه برأيك ( بثينة . عبلة . ليلى . جولييت ... ) قدروا يغنوا هالشخصيات و يغذوهم ؟؟

اسمحلي أستثني روميو و جوليت من إجابتي سؤالك ..
وعفكرة إنا جوابي موجود بسؤالك : لأنه هالأسماء مرقت بتاريخ البشرية وليكنا لهلق منقول أسماءهم وبنفس الوقت فأنا بعتبرهم موجودين بكل زمان و مكان , ما بعرف شو نسبتهم يعني الكم تبعهم ...
أما بالنسبة لدور بثينة , و عبلة , وليلى فبالفعل غذوا هالشخصيات وأمدوها وأعطوا لها إسم وبريق إضافي :idea:

Quote:

- إذا بيوم من الأيام حبيتي شب من دون ما يعرف ... ( حب من طرف واحد ) ممكن تحاولي تطوري وضعك و تخبري هالشب بمشاعرك ؟؟

لاء

Quote:

5 - احكيلنا عن أحلى موقف مر معك هالسنة ؟؟

كل أحد تقريباً منحضر انا ورفيقتي أدب فارسي بكليتكم الكريمة كلية الآداب ..
بالنسبة لرفيقتي(كمان إرشاد نفسي) فهي سبق وكانت تحضر فارسي أما أنا فلاء لذلك ما كان عندي أي خلفية عنه ..
دخل الدكتور باول محاضرة منحضرها عالقاعة وبدأ يحكي ويحكي وانا متل الأطرش بالزفة *دبكة

, حس إنه هو عم يحكي شي وأنا عم بفهم شي تاني تماما, كان يكتب عاللوح يكتبوا الطلاب بدفاترهم فقوم كمان أكتب بدفتري أحسن ما ألفت نظر هالدكتور لان العدد قليل ,وانا طول الوقت عاملة هيك :shock:

وبالفعل منظري بضحك ,, بس كنت عم حاول إني إفهم وبالفعل عم إقدر إفهم , أخدنا الأعداد : وطلب الدكتور مننا نشارك إنه مين بده يقرأ , ومدري ليش اختارني إلي مع إني ما رفعت إيدي

وبالفعل والله قمت قرأت بالفارسي يا بعدي :lol:

........ بعدين بدأنا بقراءة النصوص وصار نفس الشي :shock:

طلب مني قوم إقرأ(مع عتاب بسيط إنه ليه ما عم تشاركي

, شاركي ترى لمصلحتك هالشي بتتعلمي القراءة بسرعة وبطلاقة

) , وبعد ما خلصت قراءة نص مو فاهمة منه شي , قللي ممتاز بس لازم تنتبهي عالحركات :mrgreen:

... (بعد المحاضرة حكينا لدكتور وبيناله شو قصتنا)
هذا الموقف حكيتلك ياه لانه شي جديد كان علي ولأني بصراحة وقتها فرحت بحالي كيف لقطت اللغة بسرعة وقدرت مشي حالي ..

Quote:

- شو هو حلم الطفولة الوردي اللي لهلق ما فارقك و كل يوم بتحلمي فيه ؟؟

ليش ناوي تحققلي ياه :mrgreen:

بحرفية سؤالك مافي حلم وردي عندي كل يوم بحلم فيه ومافارقني ..
بس أذكر وأنا وصغيرة إنه إجتني هدية ماكينة خياطة هي لعبة وصغيرة بس بتشتغل منيح , كانت ومازالت ستي مخبيتها , بس كنت وقت إمرض تطالعلي ياها

وانا ما إلعب فيها بمتعة لأني كون مريضة ............. لهلق الماكينة مخباية ولهلق بحب إني إلعب فيها ووقت بشوفها بضحك , بس كمان ما بحب نزلها حتى ما تحترق معها قصتها الطفولية *sla

Quote:

7 - شو تصورك لبكرا بشكل عام ؟؟

بكرة بكرة وللا بكرة المستقبل ؟
هون ما فهمت :idea:

Quote:

- لو كنتي بتعرفي تسوقي سيارة و كان معك سيارة و بتقدري تروحي وين ما بدك .. شو أول مكان بيخطر على بالك تروحي عليه ؟؟

بروح عالشام بشوف رفيقتي إذا كانت مو مسافرة , لأنه وقتي ووقتها ما عم يظبطوا مع بعض :idea:

وإلي تلت سنين ما شفتها

Quote:

- رح أعطيكي حالات و حطي حالك فيها :

قوة : بلحظة ضعف الناس حوالي ..
ضعف : بلحظة قوة الناس حوالي ..
فخر : ببعض أفكاري ..
خوف : على الناس اللي حوالي واللي بعرفهم من إنه يصرلهم لا سمح الله شي أو يصيبهم شر ... في كمان شوية خوف من المستقبل وشو مخبي ..
ترقب : بانتظار أي نتيجة كانت ...
قلق : كمان بانتظار أي نتيجة كانت ...
إنهيار : مابحط حالي هون بـ ولا حالة ..
تعب :ماشية كتير ومفكرة كتير ..
أمل : ببكرة وبعده ...
ملل : بعض محاضرات النظري ي ي ي ي ي... تقتلني بمللها ..
روتين : صاير آرتين ..

عامر الرشواني,
*Hi

بانة · **Posted:** Wed Nov 12, 2008 9:34 pm

أسيل,

Quote:

ماشاء الله عليكي فهمانة ليش مانك فهمانة ياهيك يلي بيفهموا يا بلى

هههه أنا برأي ,, بلا :mrgreen:

Quote:

إيمت بتحسي باليأس ؟؟؟ شو بتعملي بهيك حالة؟؟؟؟

اليأس ... إحساس بصيبني بس بفترات متباعدة و قليلة .
إيمت ؟ بصراحة أكتر شي بحسه من الأشخاص الصبرهم قليل و اللي شو ما حكيتي معاهم ما بيسمعوا غير الكلمة اللي بدهم ياها وما بترجموا لحالهم المعنى إلا عكيفهم ...... أما شو بعمل بهيك حالة فأنا كنت عصب وإنزعج و إتضايق ومن جديد عم بقدر إتجاهل وسيطر على حالي بخصوص هالناس ..

Quote:

* إيمت بتحسي بالوحدة؟؟؟نفس يلي فوووووق؟؟؟؟

بحس بالوحدة وقت بكون عندي شي قصة صايرة معي أو شي شغلة وبجي لآخد رأي حدا أو إجي إحكي لحدا , ومالاقيهم , أو يمكن لاقيهم ويكونوا معي وبنفس الوقت مو معي :idea:

........ بالنسبة لشو بعمل فما بعمل شي أبدا لأنه يوم يومين وبيرجعوا هالعالم معي :wink:

Quote:

شو هوايتك المفضلة ؟؟؟وهل فعلا بتمارسيها لما مجرد حب من بعيد لبعيد ؟

بشكل عام ما عندي هواية مفضلة , بتلاقيني برسم وبخبص , ومابكتب شعر بس في إلي هيك كم كلمة على شكل خاطرة بذكروني بوقائع معينة ..
وبشكل عام بحب إقرأ الشعر وبتجذبني الكلمة الحلوة , وكمان بحب إقرأ المقالات الساخرة==> هي روح قلبي ..
يعني متل ما شفتي ما في هواية معينة ...
.

Quote:

بتعتبري بــــــــ ـــــــانـــــة محظوظة<<<إن شاء الله>>> أو منحوسة<<<لاقدر الله>>> وإيمت بتحسي بكل من الحالتين ؟؟؟

ذكرتيني :
وأنا وصغيرة معروفة عني هالجملة : <<< حظي وانا بعرفه >>>
ولهلق بتلاقي بيت جدي بقولوا : على قولة بانة : حظي وأنا بعرفه ,,
هي الجملة صارت متل مزحة وضحكة بقولها وقت ما بصادفني الحظ ..

وللصراحة ,,, كلمة حظ حاليا ما كتير صحبة أنا وياها وبعد ما كبرت عم إقدر إستبدلها بكلمة قدر , بترضيني أكتر وبتقنعني بشكل رائع سواء بالشي الحصلت عليه أو بالشي فقدته...

أسيل,
شكرا على أسئلتك دائما حلوين ومميزين Sorry, you have to register to see the link If you are a member, just sign in

Asyl · **Posted:** Thu Nov 13, 2008 1:54 am

Quote:

أنا برأي ,, بلا

إي والله.. عنجد بلا ...يعني ماشاء الله عليكي أجوبتك هي المميزة وعم تجاوبي بشكل عفوي وذكي وبأسلوب خير الكلام ما قل ودل

طيب ...بما إنك هيك خدي هالسؤال
قال الله تعالى:***إن كيدهن عظيم***صدق الله العظيم

إشرحي الأية لاء عم إمزح

* حكيلنا موقف صارمعك مع إحدى النساء وبالفعل صبت عليكي عظيم كيدها أو جزء منه؟؟؟
* حكيلنا عن بــــــــ ـــانـــة المرأة ؟في أي من الحالات ممكن تستخدمي هالسلاح الفعال؟في قصة معينة كان كيدك هو نجاتك؟؟

تحياتـــــــــــــــــ ـــــــي

ثـــائـــر · **Posted:** Thu Nov 13, 2008 3:16 am

بـــانـــة ...

بهنيكي على أجوبتك يلي فعلا بقدر قول انها لحد الآن أكتر اجوبة بتبهرني من كل يلي سبقوكي على ها الكرسي ..عفوية ..واعية ..دقيقة ... و متل ما قالت أسيل ..عم تتبعي اسلوب .. ( خير الكلام ما قل ودل ) يعني بعكس كندا يلي كانت تاكل نص الجواب و تجاوب على سؤال بسطر بينما لازم يكون جوابه بصفحة ... و بعكس عسولة كمان يلي كانت تتبع اسلوب التهرب و الدبلوماسية ... اجوبتك صريحة و عفوية و متكاملة ... و حتى انها تستوفي كل جوانب السؤال .... لذلك قررت انو ماكترلك اسئلة كتير .. يعني رح اسئلك ها المرة كام سؤال و امشي ... و بما اني بعدك على الكرسي لازم كون حباب مشان تتغير نظرة الناس يلي مدري شو عاملهم انا ؟؟؟ ...

و عفكرة قررت انو غيرلك نمط أسئلتي..يعني رح اسألك أسئلة بغير طريقة ... لانو بصراحة حسيت انو هيك نوع من الأسئلة يلي بيعتمد على انو كيف بكون تصرفك ..
بكون سهل با النسبة الك ..لذلك رح غير نوع الأسئلة ....

1- هل بانة بتتمنى انها تكون شب ... و ليش ؟؟

2- انت قاعدة مع رفقاتك و عم تتناقشو بحديث معين ... وحدة من رفقاتك انت مأمنتيها على سر .. حكت و افشتو ادام الكل ..علما انو ها السر قديم كتير بس انت ما بدك حدا يعرف ... و هي لما حكتو طلعت فيكي ... احكيلي بلحظتها شو هي ردة فعلك ؟؟

3- شو بيعنيلك المال ؟؟ و هل انت من الذين يقتصدون با المال ؟؟ أو بتصرفي كتير ؟

4- شو هو الشي يلي بانة ندمت لانو عملتو ..و لحد اليوم عم تدفع التمن .؟؟

5- في حدا بها الدنيا بتتمني الانتقام منو ؟؟

6- اذا حدا خيرك انو تعيدي ذكرى وحدة من ذكريات الماضي ..يعني قلك انو بتقدري انك تعيشي ساعة من الساعات يلي عشتيها با الماضي ..شو هي الساعة يلي بتختاري انك تعيشيها مرة تاني ؟

7- مين هو قدوتك با الحياة ؟؟

8- بانة ... برأيك الشخصي ... هل الرجل يعتبر مهانا في الحالات التالية و ليش ؟

- رجل عم يعتذر من إمرأة و عم يطلب منها السماح مع الترجي ..
- رجل بيبكي ادام المراة ... و ليس با الضرورة انو تكون هي سبب البكي ..
- رجل حب امراة و لكن هالامرأة ما حبتو ..و مع ها الشي قلها رح تم حبك شو ما صار

9- - بانة ... رتبيلي هالكلمات حسب اهميتها:المال - الحب - الصديق - المستقبل المهني - العائلة !!!!

10- غمضي عيونك دقيقة ..و تخيلي معي انك صاحبة الموقع ... شو هو اول قرار بتتخذيه ؟؟

شايفة كيف ما كترتلك أسئلة ..حباب انا
:mrgreen:

يلا لشوف جاوبي عليهم بسرعة لأنو بكرا مجهزلك هيك كم سؤال خفاف نضاف ..

سلام ... *Hi

بانة · **Posted:** Thu Nov 13, 2008 7:35 pm

أسيل,

Quote:

وبأسلوب خير الكلام ما قل ودل

والله على العكس تماما حاسة حالي جرارة :mrgreen:

Quote:

حكيلنا موقف صارمعك مع إحدى النساء وبالفعل صبت عليكي عظيم كيدها أو جزء منه؟؟؟
* حكيلنا عن بــــــــ ـــانـــة المرأة ؟في أي من الحالات ممكن تستخدمي هالسلاح الفعال؟في قصة معينة كان كيدك هو نجاتك؟؟

حسيت لحتى جاوب على أسئلتك هدول لازم يكون عمري شي 50 سنة و عندي حوالي الـ16 ولد و44 حفيد :mrgreen:

,, لأنه ساعتها يمكن يكون عندي مخزون مو قليل من نوعية هالقصص :wink:

سواء عن كيد النساء اللي حوالي

او عني انا *sla

.
لذلك خلص بعيد ميلادي الخمسين :mrgreen:

رح إرجع على هالكرسي العجيب وحطللك كم قصة :wink:

بانة · **Posted:** Thu Nov 13, 2008 7:37 pm

ثـــائـــر,
*Hi

Quote:

لانو بصراحة حسيت انو هيك نوع من الأسئلة يلي بيعتمد على انو كيف بكون تصرفك ..
بكون سهل با النسبة الك ..لذلك رح غير نوع الأسئلة ....

Quote:

1- هل بانة بتتمنى انها تكون شب

Sorry, you have to register to see the link If you are a member, just sign in لاءبشكل عام ما بتمنى كون شب :mrgreen:

...

Quote:

انت قاعدة مع رفقاتك و عم تتناقشو بحديث معين ... وحدة من رفقاتك انت مأمنتيها على سر .. حكت و افشتو ادام الكل ..علما انو ها السر قديم كتير بس انت ما بدك حدا يعرف ... و هي لما حكتو طلعت فيكي ... احكيلي بلحظتها شو هي ردة فعلك ؟؟

ردة فعلي بتكون هيك Sorry, you have to register to see the link If you are a member, just sign in وهيك Sorry, you have to register to see the link If you are a member, just sign in ... اما شو بتصرف معاها فبناء على تطليعتها فيني (حسب ما قلتلي إنت إنها طلعت فيني وقت حكت ) , يعني منتبهة هي شو عاملة , أو إنها بتكون حست حالها عكّت :idea:

ونسيت إني أنا مأمنتها أو نسيت الموضوع تماماً وهون ما بزعل ومجرد عتاب بكفي ,,, أو إنه بكون في بنظرتها إلي غير هالشي وهون بنزعج بس بعاتبها بلهجة أشد شوي :idea:

Quote:

3- شو بيعنيلك المال ؟؟ و هل انت من الذين يقتصدون با المال ؟؟ أو بتصرفي كتير ؟

المال مهم ما حدا بينكر هالشي , وبيعنيلي تلبية الحاجات سواء الضرورية :idea:

أو المو ضرورية متل الكماليات :shock:

بشكل عام أنا بصرف كتير ومو كتير , يعني فرضاً فرضا لو أخدت 1000 ل.س على إنه تكفيني مثلا شهر , بتلاقيني بأول 15 يوم صرفت حوالي 700 ل.س اما الـ15 يوم الباقين ببقي معي 300 بحاول قدر الإمكان إنهم يكفوني :mrgreen:

بس مو معناها إنهم رح يكفوني :shock:

Quote:

4- شو هو الشي يلي بانة ندمت لانو عملتو ..و لحد اليوم عم تدفع التمن .؟؟

لا الحمد لله مافي ..

Quote:

- في حدا بها الدنيا بتتمني الانتقام منو ؟؟

كمان الحمد لله مافي *sla

Quote:

- اذا حدا خيرك انو تعيدي ذكرى وحدة من ذكريات الماضي ..يعني قلك انو بتقدري انك تعيشي ساعة من الساعات يلي عشتيها با الماضي ..شو هي الساعة يلي بتختاري انك تعيشيها مرة تاني ؟

بصراحة هي مو ساعة هني يومين متواصلين تماماً ..
وقت كنت عطريق سفر عالسعودية بالباص وعملنا حادث :shock:

صحيح في عالم تأذت وقتها بس بدي أعتذر منهم وعيد هاليومين .. كانوا حلوين :mrgreen:

Quote:

7- مين هو قدوتك با الحياة ؟؟

قدوتي بالحياة هو البابا ...... بس مو بكل شي :shock:

Quote:

8- بانة ... برأيك الشخصي ... هل الرجل يعتبر مهانا في الحالات التالية و ليش ؟

Quote:

- رجل عم يعتذر من إمرأة و عم يطلب منها السماح مع الترجي ..

هلق إذا كان هيك عم بدمع يعني متل كأنه غصب عنه وحاسس بغلطه وعم يعتذر فلاء أكيد ما يعتبر مهان بالعكس :wink:

.... اما إذا طول الوقت عم يبكي وعم بيمسح دموعه وبده شي 99 علبة محارم , ما بحب هيك بس كمان مو بصير مهان بس يعني ( رح تكون عندي تقريبا غير مقبولة )

بس كمان مو مهان ..

Quote:

- رجل بيبكي ادام المراة ... و ليس با الضرورة انو تكون هي سبب البكي ..

كمان مانه مهان ليش ليكون مهان ..؟؟؟؟ الله وأعلم شبه , الله يعينه :cry:

Quote:

رجل حب امراة و لكن هالامرأة ما حبتو ..و مع ها الشي قلها رح تم حبك شو ما صار

لا كمان هون مو مهان , بس يعني مع الوقت لازم يحاول يبعد عن حبها شوي شوي , يعني إذا بضل بقلها هالجملة كل فترة وفترة , بيتغير تفكيري شوي من ناحيته :idea:

Quote:

9- - بانة ... رتبيلي هالكلمات حسب اهميتها:المال - الحب - الصديق - المستقبل المهني - العائلة !!!!

كأنك شفتني يعني وقت فتحت نفس هالموضوع بساحة حوار وحاولت رتبهم بس ما عرفت

وتركت الموضوع , فتحت وإذ لقيته هون :
مبدئيا رح رتبهم كالتالي :

Quote:

العائلة

Quote:

الصديق

Quote:

الحب

Quote:

المستقبل المهني

Quote:

المال

بس إحتماااال مع الوقت بدل بين الصديق و الحب ...

Quote:

- غمضي عيونك دقيقة ..و تخيلي معي انك صاحبة الموقع ... شو هو اول قرار بتتخذيه ؟؟

وهي غمضت عيوني :idea:

رح مددلك أعدتك عالكرسي بعدي أسبوع زيادة (يعني تقعد أسبوعين )
مو لاني بدي عذبك بالقعدة :shock:

بالعكس لأني بدي ريحك , منشان تاخد راحتك بالإجابة على الأسئلة الكتيرة اللي رح تتهافت عليك من كل مكان :wink:

وتاخد وقتك بالتفكير :wink:

Quote:

شايفة كيف ما كترتلك أسئلة ..حباب انا

إي ماشاء الله , بس عشر أسئلة :shock:

مو كتار

Quote:

لشوف جاوبي عليهم بسرعة لأنو بكرا مجهزلك هيك كم سؤال خفاف نضاف ..

يا ترى مو كتار متل اليوم :lol:

ثـــائـــر, *ورود

Latest Posts

الـــيـــوم بـــانـــة على كــرســي الاعــتــراف