ثـــائـــر,
شو هالعز هاد!!!
هلئ أنس بدو ينتقم مني شر انتقام
عندي سؤال زغير..ولا مابيطلعلي؟؟ هـــع
لو كانت نتيجة تعادل شو كان صار؟؟

اي بلش أسبوع بسيط ومافي شي يعني بئدر جاوبو واشطب غيرو هــع...اسمي مروة
عمري 17 ولساتني بكلوريا (علمي)
إزا بتئصد ع الكرسي..فهو مريح ومافي منو
عامر الرشواني
سطرين ..مابحب اوصف حالي(لأنو محد باول عن زيتو عكر) هــع.. اي ..ألبي طيب.. وواضحة.. مسالمة.. (وأكيد في سلبيات مابشوفا)
مو فقط..بس أكتر شي..مابعرف..يمكن لأنو بجي لانسى الهموم و روء..بس بشارك بأقسام تانية وبحبا
بضل عم صلي وائرا قرآن وودع كل اللي بحبون

اممم..جيب معدل عالي (مابعرف كيف بدو يحئئا)
وبدي طيارة خصوصي مشان روح ايمتى مابدي لعند اللي بحبون
اممم..خلصو مابحب اطلب هـــع..وبطلب يضل يحئئلي أمنيات

أروى وغصون
له له..ولوو الأعدة كتير مدللة..مابكره أبدا حدا..خوود راحتك
عم بستناااك

ثـــائـــر,
ليك ما احلاه هاد كرسي و الكرسي الي جبتلي ياها كرسي؟؟
عاد صار لازم نئول صوفاية الاعتراف على قد ما شكلو مريح مو كرسي كهربا و كلبشات و مدري شو هيك النية
بس لسة ما رح بلش قصف لانو دوبني فايئ من النوم و مخي مسكر شوي بس مسكي هالسؤال الي سئلتيني ياه و انا عالكرسي

شو بتعنيلك الهـــع؟

يلا الي رجعة

3a$õØöLê,
مرحبا مروة ... عندي سؤال واحد لاغير
لما بتسجلي دخول كيف بتكتبي اسم العضوية قصدي حافظة الرموز و بتكتبيها كتابة كل مرة ... أو نسخ و لصق؟!

موفقة

3a$õØöLê,
والله يامروة وقعتي وما حدا سما عليكي
بس شو بدك بالحكي ثائر داعمك مزبوط بهالكرسي
مرتاحة ياترى؟
يلا قولي بسم الله

1-كنتي حابة تقعدي عالكرسي؟
2-شو أتر مادة بتحبيها بالبكلوريا؟
3- شو حابة تدرسي بس تخلصي انشالله
4- شو أكتر قسم بتحبيه بآرتين
5- مين العضو اللي بتحبي تشوفي مشاركاته وردودو دائما؟

يلا حاجة هلق
انشالله ماكون تقلت بس أكيد إلي رجعة انشالله

MÖØÒÕNL!GHT, الله يبارك فيكي حبيبتي...عئبالك ماشوفك عليه
عم بستناكي... اسألي أد مابدك

z-r-11, رح جهز نفسيتي..بس شايف شو مدللة أنا هــــع
كتيرر أشياء ..واهم شي وئت التحشيش..وئت المسخرة..وبكل الأوئات..لابديل
أهلا وسهلا ..عم بستناك

عبير, ههههههههههه ..فيا وجهة نظر..بس مابعمل لاهيك ولا هيك..عاملة حفظ بيانات بفوت بلائيه مكتوب وإزا انمسج بعمل كوبي بيست (مع أنو حافظتو..بس أسهل)

Wissamo, ههههههههه إلا مايجييك الدور..بس شو بدي أول ..جنت على نفسا براقش (بلا تفسير بصير مسخرة) هـــع
بسم الله
ليش الكزب..حابة جرب هالأعدة..نظرا لأني مو شايفتا من أبل..ولا مجربتا..بس بتكفي مرة وحدة
والله بعد اللي عم شوفو ماعم حب شي..بس الإنجليزي أحلى شي
إن شا الله هندسة كمبيوتر إزا بيطلعلي
آرتين كافيه..وساحة حوار
مووووون لايت
لا ولووو... بانتظار رجعتك

3a$õØöLê,

هيك بتقهرمي بأنس رايحه جاي تحطيله اسئله

شدي حيلك لانو سلط عليكي شلة السعاده

رح بلش




1 - شو بيعنيلك منتدى ارتين ؟
2 - مين اقرب الناس الك بالمنتدى ؟
3 - شو اهم حكمة بالنسبه الك وحابه تطبقيها بتصرفاتك ؟
4 - شو بتعنيلك هالكلمات :
* الغربة * - * اللقاء * - * الوداع * - * الصداقة *- * السعادة *

5 - شو اول شي بتعمليه اول ما بترجعي على سوريا ؟




حاجي خمسه مو


وموفقة

يــــــــا الله..إلي ساعة عم بكتوووب..كلششي بححححححح..رح جــــــــن..
الله بصبرنيي.. رح عيد..

شادي, ليش آكل همو؟؟ لاتخاف عليه مارح يئصر بياخود حئو بإيدو

بسم الله

والله صار شئفة من حياتي اليومية وإزا مافتت كل يوم بحس في شي نائصني

موووت لايت
الفشل لايعني الهزيمة
* الغربة * بصراحة أنا بعتبر حالي ببلدي مو بغربة مشان هيك مابعرف أوصفا..بس الغربة بتخلينا نشتاء كتير اللي منحبون
- * اللقاء *أحلى لحظة
- * الوداع *موت معنوي
- * الصداقة *نادرة بس لما تنوجد فيا فهي أجمل شيء في الكون
- * السعادة * هي بتركا لشلة السعادة هـــع..والله يديما ع الكل
بسلم ع اللي عم يستئبلوني وببكي متأثرة ماتخلي شي بنفسك..إزا لسا فيه لاخجل..ماشا الله أسئلتك عن 10 أجوبة..هــع