مرحبا
اذا سمحتو حاد يجاوبني اذا في
بلش الدوام نظامي ولا لسا بالرابعة وبدي اسأل شو هنن المواد واذا انعرف الكتب شو هنن للمواد وعن المحاضرات اذا نزلت
بعرف رح تئل عليكون شوي بس انا ما بداوم وبدي انزل عحمص بس مشان الكتب مشان هيك لازم اعرف شو هنن
شكرا كتير

صرنا اتنين
اللي بعرفون heart of darkness

السنة الماضية كانت قصص النثر هيي: heart of darkness + women in love و كان الدكتور مزعل مستلم المادة و هالسنة كمان هو مستلمها
و الأدب الكلاسيكي:oedipus the king + the iliad و كان الدكتور فؤاد مستلم المادة بس هالسنة الدكتور الياس خلف استلما ف بيجوز يتغير شي
باقي المواد علم اللغة للدكتورة سلوى (كان السنة الماضية دكتور رياض طيفور)و أدب مقارن للدكتور فؤاد (كان الدكتور الياس)و نقد2 للدكتور محمد العلي و شعر للدكتور مؤيد(كانت الدكتورة مروة)
مشان الدوام : هو في برنامج بس الدوام الفعلي عم يقولوا بيبلش يوم الأحد الجاي
أنا بعرف هالمعلومات لأنو عندي كتير من رفقاتي سنة الرابعة مشان هيك منضل ع اطلاع دايماً
بالتوفيق للجميع و عنجد السنة الرابعة أكثف و أحلى سنة بالجامعة فاستمتعو فيها(طبعاً هاد رأيي الشخصي)

اليوم اذا حدا نزل عالجامعة لازم يكون اسماء الكتب نزلت اللي بيعرف يخبرنا
شكرا

الله يعينكم ويوفقكم

بس جد هيك أحسنلن وخاصة إذا كانت المقارن مأتمتة بيكون بألف نعمة لأنو كلاسيكي وفؤاد نو وي
بئا حمدو ربكم

معك حق يارغد الكلاسيكي كان عقدة بس هلأ توزيع الدكاترة عندن كتير افضل خاصة اذا زادت الاتمتة
نيالكن ...عيشوا بها النعمة

ما حدا فيه يخبرنا شو الكتب مو يحسدنا عالدكاترة

رغدة,
على الأغلب كتب السنة الماضية نفسها, يعني :
النثر : قلب الظلام- نساء في الحب
كتاب الشعر نفسه اللي معنا من السنة الأولى
بالنسبة للنقد: كتاب طرحيته صفرا The theory of Criticism
علم اللغة التطبيقي: Linguistics for students of Literature
أدب مقارن: نفس كتاب السنة الماضية, بس ما بعرف شو اسمو , و طرحيته لونها زهري
فضل عنا الياس خلف ومادتو "أدب كلاسيكي: وهي على الغالب , يعني 99% The Iliad وممكن يضيف شي تاني متل الملك اوديب , وممكن ما يضيف شي.
بس أنا لاحظتلكم شغلة: أنو هي السنة كتبنا كلها بالألوان, أزرق(علم اللغة), و أصفر(نقد) و زهري(مقارن) , شي حلو مو هيك؟